Daidai ＆ Pipi 的快樂魔法

我係粉紅色怪，真係好中意粉紅色，知道旺角開左一間粉紅色嘅火鍋店，第一時間就諗起閏蜜余媽媽，約好朋友去食係最開心嘅！

我好耐都冇去過家樂，原來果度樓上開左好多食店，美滋鍋係其中一間，一來到就見到勁大個火鍋打咭位，真係好吸睛好興奮！

一入到店見到全店都係粉紅色，仲有隻巨型粉紅bear bear熊，我同余媽媽都覺得好正！

入口位隔離仲有兒童遊樂區，媽媽帶孩子來打邊，孩子去玩，烚好有得食，爽！

講返野食先，我地叫左個膠原蛋白養顏美容鍋和滋補養生香辣鍋，真的要推薦！美容鍋的湯底好好味，好香濃嘅瑤柱、鮮雞和豬骨味，未打邊爈先飲2碗湯，好好味！另外滋補養生香辣鍋係麻辣味，我平時都食到少少辣，我覺得辣辣地又幾醒胃，唔錯唔錯～

我地2個女人咩都想食，墨丸、珍寶鮮蝦水餃、海鮮、蔬菜等等，大部分都可以叫半份，可以每樣都叫D，每樣都試下！

我幾中意佢個乾貝魚滑，好彈牙，又夠滑，而且美滋鍋嘅服務好好，待應姐姐會主動過來幫你刮魚滑，每次上菜都會介紹食物和烹法／烚熟時間，仲主動幫你加茶奉茶、撥走湯上的油和泡、幫你搣埋濕紙巾包裝再遞比你，全程有人服待，真係女皇級享受～

我地2個都好中意食海鮮，除了點了貴妃蚌和鮮扇貝（呢兩款都好大隻！又新鮮），仲點左個綜合刺身拼盤～

OMG！刺身拼係有海膽架，鮮甜不腥，三文魚肥厚彈牙，大蝦肉質實淨，帶子咬落去係爽嘅，仲有北寄貝都好鮮味！我每次同呢個吃貨Friend食飯都唔會緊張價錢，所以豪一豪叫左呢個拼盤黎食，真係好新鮮，沒後悔，如果說有budget都可以試試～