☆皮皮的大個仔見證 ~

Lilypie Kids Birthday tickers

2019年7月31日星期三

第一次食海鮮塔 @ 九重鮮 升級版濟州島10重海鮮塔





我想食蒸海鮮塔好耐的了,咁啱朋友約食飯又提意食九重鮮,梗係即去啦!




九重鮮在黃埔聚寶坊,雖然間舖不在商場內,但近天橋底位置都易搵嘅~

餐廳內環境寬敞舒適,坐得舒服。

今次我地食升級版濟州島10重海鮮塔($368一位) ,再加$12任飲,連埋韓式buffet,都算抵食!





坐低無耐就有泡菜煎餅,味道都唔錯,夠哂脆!




呢度服務都唔錯,海鮮塔一到侍應會介紹點食,又幫我地睇海鮮塔溫度,邊食邊提我地食下一層,如果唔係過左龍海鮮會變韌的了~

侍應有禮物而且感覺貼心,所以食得開心呢~




分享一下海鮮塔有咩食先!

第一層有肥牛和象拔蚌,肥牛我麻麻,但象拔蚌好多肉好鮮甜。




第二層是海蝦和日本元貝,我幾中意個元貝,好大粒呀!而且鮮蒸好多汁,汁都飲埋,好味!




跟住係龍躉指天翅、大花蛤、沙白,平時我唔多中意食魚,但意外地呢條龍躉唔腥,肉質嫩滑,都幾好食;而甲殻類都唔錯,好多隻,夠哂食!




再下層是龍蝦,多肉鮮甜,侍應仲幫我地剝埋殻,啖啖肉,好溫暖呀!




最後一層是鮑魚和蔬菜,鮑魚彈牙,蔬菜普普通通。




飲品有薏米水/竹蔗茅根,仲有韓國汽水啤酒任飲,都幾多選擇。




韓式自助餐全都是韓國特式美色,辣湯韓式魚糕、豆卜同鳴門卷好惹味!唔太辣,一定要食返串~~~




仲有韓式辣醬、黑松露芝士同蜜糖芥辣口味炸雞不停輪流供應!好滋味!




仲有其他韓式前菜/年糕和甜品任食,我喜歡苦瓜,很爽脆,難得有得食,呢餐好滿足。


小結:九重鮮嘅海鮮新鮮鮮甜,Buffet仲有多款韓式美食選擇,中意食韓國野和海鮮來這裡也不錯!侍應有禮貌夠貼心,門口位置還可免費試穿韓服影相打卡,一家大細黎可以影返張韓服LOOK相,又幾得意啊!


九重鮮
地點:紅磡黃埔天地聚寶坊(第11期)地下G26號舖






 Daidai & Pipi 的快樂魔法

關於daidai & pipi




daidaipipi

Instagram:daidaipipi




博客:



YouTube:
daidai Joan


e-mail: 


沒有留言:

發佈留言

LinkWithin

Related Posts with Thumbnails