皮皮一向都唔係藝術型孩子，佢比較偏向跳跳紮坐唔定既一類～
但係今日有個新嘗試，就係俾皮皮接觸一下藝術，起初媽媽都擔心。。。會唔會好悶架？
但參加了這個「K11 x 藝術家陳佩玲 • 藍曬工作坊」後，原來藝術唔係坐著畫畫咁簡單，而係可以周圍探索、發掘，啟發小朋友創意，真係好好玩架！
K11的 KIDS ART LAB 會不定時舉辦不同的親子藝術活動。
今日呢個「藍曬工作坊」是首次舉辦，什麼是「藍曬」？你們知道嗎？皮媽也是第一次認識，來跟我看看～～～
活動在下午一時開始，大會準備左Pizza Express既午餐比各家庭，食物非常之豐富，我和皮皮二人份量有這麼多！（仲有份焗蘑菇未影）我兩實在食唔哂。。。媽媽好怕變大嘥鬼，所以食剩打包第二日再食過。。。
午餐很美味，皮皮食得極之滿足，食飽仲同工作人員姐姐講：「我食飽啦！好好味呀！個肚漲卜卜啦。。。」
皮皮而家唔再怕醜，成日都好主動搵人傾計～
呢度係K11有蓋廣場，今天天氣好涼爽，環境好舒服，皮皮心情很開朗啊！
食完仲有禮物袋送，皮皮有顏色筆和杯子，女孩子的禮物又不一樣的～
這位便是藝術家陳佩玲Peggy Chan，小朋友叫佢Peggy姐姐，在午膳期間她跟小朋友介紹藍曬，原來外國有很多藍曬藝術，透過陽光和藍曬藥水來曬不同物品／菲林，成個人形都可以曬到出來！
這是Peggy姐姐的藍曬植物作品，小朋友都可以整到呢類型藍曬圖片架！
在Peggy姐姐的帶領下，小朋友開始動手做藍曬了！
今日由零到尾的手作都是由皮皮一個人創作，所以佢完成作品後非常開心，充滿滿足感！
塗了藍曬藥水的紙咭需要遮蔭吹乾，在等待期間Peggy姐姐帶一班小朋友到K11欣賞藝術品～
平時逛K11都沒有特別留意這裡的藝術品，Peggy姐姐講解每件藝術品時小朋友都好留心和踴躍回答問題，個個都好叻仔叻女！
令我好意外皮皮的想象力與認知能力都好豐富，仲留意到藝術品的構造，發掘了很多新鮮事，欣賞藝術品都好好玩架！
Peggy姐姐亦好細心教導，小朋友們都好中意佢呀！我個仔全程唔理阿媽，拖住Peggy姐姐行商場～
媽媽亦好放心，勁同皮皮影相！
鏡頭一轉，又去返藍曬工作坊，因為圖咭乾左之後可以放上自己中意既物件在咭紙上藍曬，透過太陽光可曬出構圖，皮皮有好多小主意，唔係藝術類既佢突然靈感發作，想了很多構圖出來！
整好構圖後可以放在陽光下日曬，陽光越猛烈曬出來的圖畫會越藍的！
第一張圖片有啦！好得意～皮皮話這片是怕醜草來！
曬完之後要洗走藥水的，洗完之後會變成藍色，吹乾後便完成～
皮皮好著緊佢既作品，好期待效果，好努力撥乾圖咭！！！
加埋剛才在藝術品前拍的照片，一齊製成Postcard，真係好靚呀！
最後皮皮跟小朋友分享他的作品，佢自己好滿意這張藍曬圖卡，好有成功感，藝術創作好好玩！
小妹妹話：「 藍曬工作坊好好玩，我整得靚唔靚呀？」
皮皮說：「這張咭我整架！」
Peggy姐姐：「媽咪有冇幫你架？」
皮皮說：「冇架！我自己整架！媽咪冇幫手」
Peggy姐姐：「你好叻仔喎～仲整得好靚」
今日既工作坊真係好好玩，可以走來走去找素材靈感，又可以欣賞不同的藝術品，帶孩子去認識藝術是好事，令孩子從創作中找到成功感，這種喜悅特別可貴～下次再玩過！
如果想參加K11 既親子藝術工作坊，可以到K11 Facebook留意下架!
https://www.facebook.com/k11ArtMall?fref=ts
仲有K11 Art Lab Program免費課堂體驗：
https://docs.google.com/forms/d/18tRornlg9ypXU3jH6qRabEy-dDLy-c3FeNhK1Oag6qk/viewform
