☆皮皮的大個仔見證 ~

Lilypie Kids Birthday tickers

2018年11月29日星期四

Daidaipipi 秋遊東京:神宮外苑銀杏大道




我和皮爸一直都想看日本的紅葉和銀杏,但對於小朋友要上學的問題,真是很難相就時間在十一月去旅行啊... 今年9月初收到校曆表,看到十一月竟然有學校假期相連,於是立即買了東京的機票啦!我也覺得自己很瘋狂!哈哈!小朋友沒有請假的,假期完後照常上學的啊~

旅遊的日子不多但重點去了想去的地方,其中一個便是東京明治神宮外苑的銀杏大道,銀杏由翠綠轉金黃全盛期於毎年11月中旬至12月上旬期間,我們在這日子碰巧遇到真是幸運啊!雖然未算全金黃色,但站在盛大的銀杏樹下也感到秋日很迷人!~





神宮外苑的銀杏大道長約300公尺,過百棵銀杏樹並列在大道兩旁,非常有氣勢,在入口處的偏翠綠,但越走越耀眼,如漸變的色彩,在樹下走著有如時空隧道~













真是太美太美了!我沒後悔來到這裡看,今天下著毛毛細雨,涼風輕輕吹,特別有秋意~



除了在樹上的金黃銀杏外,還有地上掉下的銀杏同樣美麗,有如黃金色的地毯呢~




隨地找一片銀杏來拍照也超級開心~皮皮說影完就會還返比大自然~!
















打咭熱點!











秋天來東京,必定要來看喔!









關於daidai & pipi

博客:
Blogspot . ohmykids  . Oh!爸媽MamiBuy 
Beauty Exchange .  she.com . elle . WeShare . ubeauty 

Instagram:daidaipipi






2018年11月28日星期三

Daidaipipi 秋遊東京:潮聖Pokémon Café! 吃精靈寶可夢 Let's Go!特別版料理~~




今年皮家去左2次東京,四月時去看櫻花,剛在十一月中有學校假期連假,所以跑去看銀杏紅葉,東京去一百次都唔夠呀!因為皮皮太中意Pokémon,我地幾乎每日都會去PokémonCenter 潮聖 。。。

在四月時我地已潮聖哂東京幾家PokémonCenter,包括:
池袋Pokémon Center MEGA TOKYO、
晴空塔Pokémon Center SKYTREE TOWN、
日本橋Pokémon Center TOKYO DX & Pokémon Café、
橫濱市Pokémon Center Yokohama、
東京車站一番街Pokémon Store Tokyo Station Shop及
成田国際機場Pokémon Store Narita Airport Shop

去左咁多間Pokemon Center,我都覺得自己好熱血,為左皮皮中意Pokémon,真係去得好盡呀!四月時我地Book唔到Pokémon Café,今次早有見地,在出發前一個月在Pokémon官網上Book左位啦!真係好期待~留意返,Pokémon Café只限網上預約,不設Walk-in,如果想去記住Book位先呀!~~~





Pokémon Café在東京日本橋高島屋S.C.東館 5F,在百貨公司樓下已經見到超大的Pokémon 畫牆~






搭lift直到Pokémon Center TOKYO DX & Pokémon Café,一開 lift門即見巨型卡比獸在這裡啦!



Pokémon Center 左邊係Café,右邊係Shop,今次分享下Café有咩新奇東西先!

我地在網上預約左平日晚上18:30-20:00一節的餐飲體驗,估唔到平日都幾多人黎。上網預約會有電郵confirm,只要提前十分鐘到Café門口排隊,把電郵給店員確認便可以入座。





確認後會有枱號卡,然後準時入座。




今次來剛好遇到《精靈寶可夢 Let's Go!皮卡丘/Let's Go!伊布》遊戲特別版料理推出,special menu至到2019年1月11日,如果黎開東京玩不妨來吃喔!




無論飯餐、飲品和甜品一概都是Pokémon造型,真係樣樣都想食呀~~~







安排好座位後,店員教我地用ipad落單,除左日文,仲有中、英文menu,就算唔知寫咩,都有圖片顯示,下單非常容易!




好驚喜每張寶可夢餐紙都唔同架,共有151款隨機等你來,這151款都是第一代寶可夢來!我抽到火恐龍,勁呀!

另外入場店員給每位顧客抽貼紙,都是第一代寶可夢,好精美,fans值得珍藏!





皮皮抽到長藤怪,而枱上的膠卡,係佢玩Pokémon 遊戲機的戰利品。。。




如果爸媽們愛飲Latte,還可以選寶可夢拉花,又係151款選擇,我選擇困難啊~





YEAH!食物到來,超級靚超級驚喜啊!這個伊布大全餐/2,894日幣,有牛肉飯漢堡、忌廉薯餅、星星薯角、炸雞、意粉和沙律,非常豐富,而且味道不錯,難得在主題餐廳吃到又美味又漂亮的美食啊!





當然唔少得比卡超 - 皮卡丘大全餐/2,894日幣,有蛋包飯、漢堡肉、炸蝦、星星薯角、意粉和沙律,同樣美味和豐富!好得意!好得意!皮皮吃得好開心~~~





最後一set:皮卡丘與伊布相親相愛套餐/1,706日幣,比卡超一款是牛肉漢堡,伊貝的是牛油果沙律蛋漢堡,加上薯條、沙律和羅穴湯,味道幾清新,賣相相當可愛啊!





食食下飯,店員出黎講故事,不過係日文我唔知講咩啦!但都估到有驚喜。。。就係比卡超出黎呀!




好可愛!真係超級可愛唷~比卡超著住呢度嘅待應衫,你知唔知佢係個女仔黎架?!~




如果係比卡超粉絲就識分男仔/女仔比卡超(皮皮教我睇比卡超條尾)~

比卡超來到表演跳舞,又做一些好萌的動作,冧死粉絲啦!





最後仲有握手環節,有些小朋友忍不住抱抱比卡超添!




有點可惜是沒有合照環節,日本人真係好自律,全程坐在自己座位看比卡超,不會衝出來selfie 架!只係得小朋友有握手福利,不過陪小朋友出去的媽媽都可以握手,比卡超最後同我主動握手,好開心呀!





我們坐的位置也不錯,可以邊食邊睇比卡超表演(應該係太開心唔記得食啦~),你看坐前面的家庭,真係全程座定定架,好自律!日本人好有禮貌,我也要教皮皮好好學習~~!




食飽後影左幾張環境相,呢間Pokémon Café好靚好靚,周圍好多Pokémon公仔!




超大的卡比獸毛公仔啊!卡比獸後面的長枱有幾隻寶可夢主角在枱面,不過別人在進餐我也沒特別走前拍照,想看便要來體驗一下喔!





少不得限定精品發售區,這些廚師造型的比卡超在外面的Pokémon Center 沒有發售的啊~









想吃多個甜品也可以,限定的Pokémon Donuts是否超可愛呢?





飯後到店裡逛逛,這裡的Pokémon精品數之不盡,每次來我都破產。。。





皮皮就沉迷呢部Pokémon遊戲機,佢已經儲左好多張遊戲卡了。。。




今次Pokémon Café體驗真係好驚喜好開心呀!食物精緻又美味,比卡超出來跳舞溶化大人小孩子的心,太可愛太可愛了~!!~下次來東京也要再來Pokémon Café,可能到時又有新菜式呢!


Pokemon Cafe Online Reservation :
https://reserve.pokemon-cafe.jp/











關於daidai & pipi

博客:
Blogspot . ohmykids  . Oh!爸媽MamiBuy 
Beauty Exchange .  she.com . elle . WeShare . ubeauty 

Instagram:daidaipipi




2018年11月27日星期二

提供24小時自存倉服務 @ The Store House 易存家迷你倉(附:西環/香港仔分店優惠)




每年換季我都覺得好頭痕,點解屋企會咁多衫? 仲有我阿囝的玩具,隨住長大有些玩具都沒玩了,堆在一起,屋企越來越逼了,除了斷捨離清理雜物外,迷你倉也是我其中一個途徑去處理家中雜物。

The Store House 易存家迷你倉是Singapore Post全資子公司,實力雄厚,提供各種優質儲存倉、迷你倉及自存倉出租服務,能為你解決空間上的難題。






The Store House迷你倉最特別是提供24小時自存倉服務,讓你何時都可以提存物品,唔洗驚過左辦工時間,放假或放左工後處理都得呀!

另外The Store House迷你倉擁有嚴密的24小時保安監控系統,並設有24小時閉路電視錄影,有效防止盜竊的發生,讓你在安心在倉內存放物品。







The Store House迷你倉有四種不同大小、闊窄的自存倉容量,佢地嘅網頁很清楚列明尺吋和價錢,比較其提供迷你倉庫出租的公司,易存家的自存倉收費相對便宜~

佢地更提供網上平台供客人預約參觀,直接到儲存倉睇下啱唔啱心水~!

而且倉內設施齊全,設有消防系統,讓客人安心享受儲存服務。







 The Store House 易存家迷你倉港九新界都有分店,分別是:
土瓜灣、西環、香港仔、鴨脷洲、屯門

最近見到香港仔迷你倉西環迷你倉有折扣優惠,港島區的朋友如果想找迷你倉可以去網頁看看呀!


就趁年尾之前好好整理一下自己的雜物,將珍藏/不太急需用的東西放在迷你倉啦!屋企少D野,住都住得健康開心D呀!










關於daidai & pipi

博客:
Blogspot . ohmykids  . Oh!爸媽MamiBuy 
Beauty Exchange .  she.com . elle . WeShare . ubeauty 

Instagram:daidaipipi



LinkWithin

Related Posts with Thumbnails