#開卷有益
呢兩個月太多風風雨雨，睇到元朗恐襲果單新聞我更加驚！星期一果日，我帶左阿仔去書展，邊行邊收到whatapps講元朗2pm已全城拉閘，老公仲call我叫我快d帶個仔返屋企，搞到我勁驚勁擔心，雖然我唔係住元朗，但MTR都係爭幾個站，我一個女人帶住個仔，好驚自己保護唔到佢，滿心期待的書展，只係行左個零鐘就閃（以前行6個鐘都唔罷休）~ 算，書可以再去書局買，但媽媽的責任就是要好好保護自己孩子。
點解一直和平、我長大嘅香港會搞到今時今日咁嘅田地？政治的事我想不通，我只想正常生活，放假帶阿仔去玩，得閒約下姊妹high tea shopping ，諗極都諗唔通，突然看到Daisy 寫的文章。
Daisy話：「Keep calm and carry on，平常心，如常返工，食飯，多啲約朋友吹水，關心屋企人，唔好忘記生活要有趣味，睇戲，睇書，留點時間做自己喜歡的事。因為驚，日子要過。唔驚，日子都要過。」
對，我要做自己喜歡的事，我睇書！Daisy呢兩本書 #長大了才明白的二三事 和 #鬼故 我已經翻loop左2次，不如看看別人的經驗，來啟發自己思考，我成日教仔要分清是非黑白，要對得起別人之前先要對得起自己，自己果關都過唔到，就是良心問題。是的，做人要有良心，要講人話，是做人的最基本品格。
當自己情緒被困時，我會選擇睇書，開卷有益，就算唔睇散文都可以睇下小說，又或者睇下生活百科、漫畫都可以調整心情，又有一番領悟，人生好多野要面對，但生活總要過，不如開心Ｄ過，享受生活，繼續愛人，忠於自己，不隨波逐流，愛我我居住的香港，Keep calm and carry on！
Thanks 我的心靈良藥給我正能量，也感恩有一班志同道合好姊妹一齊鬧政府鬧人渣，鬧完個心都舒服Ｄ～
香港作家王迪詩
沒有留言:
發佈留言