[媽咪雞蛋仔] 期間限定：紫薯蕃薯雞蛋仔

呢日行去灣仔188買野，期間經過媽咪雞蛋仔傳來一陣香噴噴的雞蛋仔味，我同老公都變成餓底，忍唔住買雞蛋仔食～

 睇住店內的巨形雞蛋仔Menu，真心選擇困難，樣樣都想食，老公想食伯爵茶朱古力味，但我見到有期間限定紫薯蕃薯雞蛋仔都好想試，所以一定過買哂２款，一人一底唔洗爭！

伯爵茶朱古力味雞蛋仔有濃濃的伯爵茶香氣，內裡有粒粒朱古力，啖啖食落去都有溶溶地嘅感覺，朱古力迷表示滿意。

紫薯蕃薯雞蛋仔食落感覺很實在，因為內裡充滿粒粒紫薯，真材實料，而且越食越飽～～～味道唔太甜都幾香紫薯味，期間限定可以一試！

呢度嘅雞蛋仔質感是外脆內軟，一底份量都幾多，因為粒粒雞蛋仔都充滿饀料，並非空氣感的雞蛋仔，食完夠哂飽！

之後叫多兩杯野飲，檸檬茶充滿新鮮檸味，好似Lemon CC咁，估唔到有驚喜！而奶茶口感順滑，唔太甜，充滿濃茶味，都好喝。

Btw, 下午時間灣仔呢間媽咪雞蛋仔都幾多人幫襯，但店員得一個姐姐，又收錢又整雞蛋仔，所以要等一陣，都算整得快，下次再試過第二款味雞蛋仔先！

媽咪雞蛋仔
灣仔灣仔道181A至181G地下D2舖 (港鐵灣仔站A3出口)