皮皮2歲半果時我地已經知道佢講說話唔叻，但去健康院見姑娘話佢冇乜事，係我和爸爸堅持話唔得想見醫生，再由健康院醫生轉介去兒童發展中心做評估，到3歲1個月確定皮皮跟同齡小朋友語言發展慢6-9個月。
起初真係好擔心㥬惶，都唔知由邊度入手，點幫個仔好？幸運的有媽媽介紹我地找到一個很好的語言治療師給皮皮，於是開展了每星期一小時的語言治療訓練。
語言治療師（姑娘）真是好好，佢會按小朋友的程度循序潮進咁教小朋友，不特止，完了課堂會跟家長講返今日學左咩，返到屋企媽咪可以點教佢。
雖然我是雙職媽媽，但我會付最大耐心和毅力教好皮皮，就算自己點忙都好，我每日都會有1小時既Mummy's times 係同皮皮做訓練，呢一個鐘頭只有我和皮皮，Mummy's time 唔包括食飯沖涼做功課，呢個鐘只係會同皮皮單對單傾計/玩遊戲/睇圖書，最主要係遊戲中學習，親子交流。
我地日日都玩唔同遊戲，睇不同圖書，以皮皮既興趣著手，講多d佢自己中意既事物先，例如佢中意交通工具，就可以講下唔同種類的車，盡量教好皮皮講多些說話，將佢表達唔到既事情以句子教佢講出來！
雖然個仔講野唔叻，但慶幸他的專注力做得好好，我好欣賞皮皮這一點！其實做乜都好，呢個鐘係屬於媽咪和孩子，只要我們享受便可。
最近因公關介紹，我得到這套「Yuppies親子語言遊戲磁石貼玩具」，當我仔細研究這套玩具，發現皮皮的語言治療師在課堂都有用這套玩具，因為我記得姑娘曾經拿過其中一本書作教材，而我又記得姑娘曾經用過Yuppies的圖卡教孩子！
每次接皮皮的試用我都有仔細研究過才接受，今次真是令我很喜出望外！因為媽媽我十分有信心好好利用這套教材去教皮皮，而皮皮又十分喜愛磁石貼遊戲！
而每個年齡組別的教材分別有4個單元，都是以日常生活的提材去教，平時出街/社交一定用得到這些句子。
4歲既小朋友開始要學習講故事的能力，有時間概念，懂得因果關係，認知也越來越強。
磁石貼有好多人物，而且外型好近似，媽媽可以講：「幫我搵下睇緊報紙、頭髮係紮辮既姨姨。」
這時可以考下小朋友有冇留心，可以train 埋專注力與認知能力。
當小朋友選啱，媽媽可以說「姨姨佢做咩呀？」
小朋友：「姨姨睇緊報紙。」
媽：「o係邊呀？」
通常我是逐個問題問皮皮，佢理解哂先會叫佢整個句子講一次，皮皮的語言能力弱，所以我會比少少提示佢，例如佢忘記講地點，我就會指住個巴士站提佢講；最後佢會全句講：「睇緊報紙、紮辮既姨姨o係巴士站排隊等巴士。」
玩多幾次佢會自己拎磁石貼公仔自己一邊貼上圖畫，一邊自已講情景，而且想象力越來越豐富，例如佢會講：「姐姐去七十一買糖糖食，跟住去店員叔叔度比錢。」
媽媽：「mmmm，好好味呀！好甜！」
唔止講，仲問埋他人感受，識分享，社交都做得好好呀！
Yuppies親子語言遊戲磁石貼玩具雖然分年齡組別去教，但2歲既教材都可以變通和豐富內容去玩！以配合小朋友的語言能力！
例如2歲小朋友會講：「鴨仔o係水池度」；但4歲小朋友可以豐富句子講：「農場有好多動物，鴨仔同埋青蛙o係水池度游水，馬仔o係草地上食草。」
[語齡4：0]
皮皮最近做的語言評估，已經接近同齡小朋友的語言能力啦！
媽媽我好開心，只要努力小朋友係追得返既！
我不是一個好榜樣，因為皮皮2歲前我真係好少同佢傾計，我自己係一個好靜既人，唔中意講野，但知道皮皮的情況我個心只有「堅持」，只要堅持、比心機教佢一定會有進步架！
「Yuppies親子語言遊戲磁石貼玩具」Road Show 試玩活動：
日期：28／3／2015（星期六）2:30pm - 6:30pm
地點：尖沙咀海防道（尖沙咀站A出口）
＊即場試玩Yuppies語言訓練磁貼玩具現場可獲發氣球及精美禮品一份
有機會再講多D皮皮既成長啦！寫親阿皮的事我次次都寫到水蛇春咁長。。。
謝謝你看到最後。
關於daidai ＆ pipi：
博客：
媽媽專欄:
Email: yuijoan@gmail.com
Facebook： http://www.facebook.
Fanspage：https://www.facebook.
新浪微博：http://weibo.com/
Facebook： http://www.facebook.
Fanspage：https://www.facebook.
新浪微博：http://weibo.com/
follow me on instagram:
search: daidaipipi
沒有留言:
發佈留言