MOOMIN CAFE 攬住姆明 食餐飽！玩餐飽！

MOOMIN CAFE想食好耐，但聽聞似乎好多人。。。有次下午茶時段行過MOOMIN CAFE，多人到。。。唔想排隊。。。

又有一次行過，話派哂全日籌。。。！好似好難食到咁@@

這天大年初三，晚上來到MOOMIN CAFE，居然沒人排隊！！神奇呀！

兩隻小鬼都話想食，佢地應該好肚餓了～

一來到MOOMIN CAFE面前，即刻抱住姆明爸爸和姆明媽媽影張相先！Cheers ;D

雖然話冇人排隊，我地又排第一張枱，但由於我們一行6人，都等了差不多45分鐘。。。

好在餐廳前有姆明爸爸媽媽陪住，小鬼可以坐下抖抖，我地真係好肚餓呀～～～

門口有餐牌可以看看，價錢都唔便宜，要成＄289一個晚餐@@

櫥窗有Display，食品的造型好吸引啊！碟碟都有姆明&friends的樣子～～～

餐廳內的佈置好美，充滿田園色彩，尤如置身芬蘭～

大家知唔知姆明係咩動物來？？河馬嗎？

姆明原本是芬蘭森林裡的精靈，在山谷裡生活，外貌像河馬，姆明一家在姆明谷裡每天都遇到千奇古怪的事，也有冒險事和淘氣事～

姆明一家胖胖的身體惹人喜愛，碰巧今年是姆明作者誕生100周年，日本MOOMIN CAFE就選了香港開設第一間海外餐廳，粉絲必定要來朝聖啊！

終於入到餐廳內了！原來這裡地方不多，餐枱也不多，怪不得等很久。。。

餐廳內的環境很漂亮，周圍都是拍照的好地方～嘩！連天花版都都見到姆明！

最重要，全晚食最貴係有張枱係影相位！

科妮和姆明陪住你＝＝扮食！喔喔！開心死了！你看皮皮，笑得so sweet！食乜都甜啦！

扮食枱一點也不hea，有齊哂姆明餐具～我喜歡這對樹精調味樽，好得意呀！

之後逛姆明精品店也有售，超級有衝動買買買。。！

MENU就簡簡單單，食物選擇不選多，但樣樣都想食！

當中五個晚餐MAIN COURSE，我地就點了4個！一齊share食！

跟餐有前菜－醃製三文魚～

味道剛好，不太咸帶鮮味。

這舊唔知乜？？？

名為：Jasson的誘惑

下層是洋葱焗薯，香噴噴不錯的；上層有舊好似蟲既野係焗麵包＋飯，硬硬的，唔好味。。。

姆明餐廳沙律 － 有阿美既紅蘿蔔又幾得意喎～

沙律菜很新鮮，脆脆的，混上柚子汁so fresh!

三文魚牛奶湯也好喝，但多油左少少，朋友說待涼了變腥，所以趁熱飲便好了！湯裡還有不少三文魚碎可吃，唔會淨飲湯咁單調～ 湯的質感是稀的，沒有下麵粉煮吧，這款湯好像第一次喝，比平常的忌廉湯顯得有新意！

主菜有4個，但我掛住食，只係影左2個：P

肉眼排配牛油香煎蝦，伴季節蔬菜及薯仔

自家製漢堡扒配蕃茄蘿勒汁，伴季節蔬菜及薯仔

仲有羊架和豬柳～4個主菜都色香味俱全，每碟主菜既伴汁都好惹味，我地不停點汁吃！小妹最愛吃羊架！肉質鬆軟，一些都唔酥，啖啖肉！皮爸喜歡吃牛扒，夠香濃～

主菜伴著的蔬菜也好吃，意想不到有南瓜，蠻香甜的！

晚餐可跟飯或麵包，我們選了飯～哈哈，是姆明造型的，超級可愛！吃時也開心些～

大廚精選意大利麵 － 每晚都不同，我們吃的是卡邦尼意粉，這碟很好吃！小朋友搶著吃，意粉很爽口，香濃適中。

甜品是姆明班戟！這個超驚喜！只是造型已經叫同桌的大人細路開心了！

隨碟附送小姆明公仔一隻，還可選其他朋友的～

班戟很軟熟，香甜美味，全枱人都喜歡吃！配上moose不會令班戟變淋，甜甜的幾好味！伴著的雜苺也很新鮮～

在旁的姆明屋企，打開很驚喜！

一共三層屋仔，每層都放著不同甜品！

上面那杯是白桃啫喱，皮皮食哂！佢話好好味！

左邊的是焦糖燉蛋，右邊的是朱古力moose，是不是很吸引？

朋友點了拉花咖啡，＄50一杯似乎貴了點，朋友說星巴克那杯好飲一點，但史力奇造型太有趣！人人也爭著拍照！！！

杯墊都靚過人！忘了厚面皮問待應可否送我一套？？？現在我有3張儲唔齊咪要再食多次？？？？

吃飽飯皮皮周圍找野玩～有條小橋在店中間，看雜誌介紹過是士力奇坐在這小橋上釣魚的，但來到沒有士力奇公仔啊。。。但有3隻樹精公仔放在此任大家抱抱拍照～～～

樹精公仔可以放在頭作當帽戴，好搞笑呀！皮皮扮得好HAPPY！

食飯果度4大2小吃了$13XX，好耐冇食過貴野，多謝兩位爸爸！肚皮好滿足！

埋單後我地去埋連著餐廳的姆明精品店逛，實行火燒連環船！

嘩！入到精品店好開心！主題式精品店特別另有風味！周圍都被姆明包圍著的確係開心D！

抬頭看有姆明大公仔！軟淋淋、白雪雪的好可愛～～

另外有細粒仔毛公仔，女仔會中意！

杯碗碟，阿媽會中意！

真係好靚～～不過幾貴下。。。

這一套Tea Set 一杯一茶壺$260，如果我的生活可以天天泡茶我都想要一套！

還有小擺設、袋仔、小物！

粉絲會破產的！

毛巾仔質地和印花相當漂亮！

在餐廳的一角有Display，釘好一條條在版上作裝飾～

另外有茶包茶葉賣，好像是來自英國的紅茶， 好配合餐廳的風格，包裝超美的！

樹精筷子很可愛！但是單隻買的！未見過有單隻筷子賣？？？一隻＄30，一對自己計啦！@@ 可唔可以平d呀？

最後皮皮成功扭到爸爸買了2隻樹精，爸爸叫他買一隻啦！但皮皮堅持買2隻。。。

問皮皮點解，皮皮話：「2隻一齊玩會開心D架！佢地兩個係好朋友黎架！」

爸爸接受皮皮解釋，於是送左2隻樹精比皮皮～

在跟朋友道別時，皮皮突然拿了一隻樹精送比好朋友芯賢！

芯賢聽媽媽話，跟皮皮說：「不要了。」

這時候皮皮居然想哭，跟芯賢說：「送比你架，你要啦！」

原來皮皮早有預謀，想送一隻樹精比芯賢～

呢個仔，真係擁有一棵好善良、好純真的心。

平時我和爸爸叫皮皮做「孤寒種子」，因為平日的他比較愛自己玩～

但遇著好朋友便會真心分享，也想朋友仔快樂，也為人著想的。

皮皮又成長了一點，雖然屈左爸爸買玩具，但這次看到他那棵熱情純真的心，爸媽也很欣賞他呢！

關於daidai ＆ pipi：

博客：

Blogspot ． MyBB.com.hk星級Blogger 

Beauty Exchange ．  she.com ． elle ． WeShare ． ubeauty ．  88db

媽媽專欄:

shemom．雙職媽媽daidai Guest-writer

Email: yuijoan@gmail.com
Facebook： http://www.facebook.com/joan.cheng
Fanspage：https://www.facebook.com/daidaipipi
新浪微博：http://weibo.com/daidaipipi

follow me on instagram:

search: daidaipipi

http://instagram.com/daidaipipi/

Daidai ＆ pipi 的快樂魔法

宣傳你的專頁