同事發現銅鑼灣有抵食放題，所以呢日Lunch去左呢間滿屋日本料理。
滿屋日本料理在銅鑼灣廣場二期，一出MTR就到，地點方便。
呢度午巿有定食和放題選擇，午巿放題＄183任食３小時，星期一至日同價。
餐廳佈滿櫻花佈置，多卡位和有窗口位，日光透入來都幾舒服。
放題分自助和下單兩部份。
自助方面有熱盆、冷盆、沙律、飲品和甜品任取。
驚喜是梅酒、清酒任飲，可是我沒有酒量。。。
汽水任取，超多款選擇！
甜品也有不少，個人喜歡朱古力泡芙和迷你馬卡龍。一個個小杯有布甸、奶凍、啫哩杯等等，細細杯唔怕甜到漏呢！
放題方面有多款日式冷熱食品，好多款我都啱食，好想樣樣都點～！！～
來到一定點個刺身拼盤，雖然我人數少點的刺身不多，但刺身拼盤不馬虎很用心做，看到鄰枱人多的刺身拼盤拼得更靚！刺身新鮮，帶子厚肉鮮甜，整體不錯。
壽司款式多，而且不是普通單一刺身加飯咁簡單，壽司上會加魚子松露等，而且我喜歡它細細舊唔多飯，可以食多幾件都得！
海膽手卷都係細細舊，海膽鮮甜不腥，而且幼滑，真係唔好蝕底，要食多兩件呀！
救命。。。。我覺得油甘魚壽司超級好味，入口即溶啊～～～～
燒物都很多選擇，推介燒帶子，內還有芝士雜菌在內，夠哂香，好好味！
燒羊架香口多肉，一點也不酥啊！脂肪分配平均，推介也！
炸芝麻雞翼十分鬆脆，外脆內軟，夠哂入口，好好食呀！！
每人更送Haagen-Dazs 或 MOVENPICK雪糕，仲有味道可選，開心～
晚巿放題都係$238起，可以考慮下次再來，因為我地趕時間返工未食鍋物、日式碗仔翅和燕窩啊。。。
滿屋真係抵食又高質，值得一提這裡的待應友善和上菜快，服務很好，如果有時間食足３小時就超級抵食啦～～
滿屋日本料理 Manya Japanese Restaurant
銅鑼灣駱克道463-483號銅鑼灣廣場二期8樓
沒有留言:
發佈留言