蛋黃哥美食廣場 @ 朗豪坊 Gudetama 梳乎美食遊
今個暑假，朗豪坊4樓呢度幾左蛋黃哥美食廣場，唔係食蛋咁簡單，係食乜都係蛋黃哥！哥仲帶左2位新朋友黎，仲有幾個cute爆hea爆打咭位，一齊黎睇下有咩玩有咩食啦！
工人褲Gudetama 好搞笑呀！hea住賣雪糕實吸引好多粉絲！
我隔離的可愛小蛋，是哥帶來的好朋友「蛋黃兒」，對比起hea爆疏乎蛋，蛋黃兒是隻盡責小蛋，佢很細心照顧小蛋們架！
腸蛋BBQ好味到飛起！
放暑假特別悠閒，Gudetama 躺在沙灘傘下好hea呀！
人人都話哥嘅pat pat好可愛，你又中唔中意哥嘅pat pat?
哥的另一位好朋友「雞動哥」出場！佢個樣真係好傻好搞笑呀！雞動哥是旅行家，常常背著背包周圍去～好寫意啊！
影完相應該有D肚餓，睇下蛋黃哥美食廣場有咩好食先！
首先有呢間 Gusteau’s，這店售賣手工美食！
選擇都幾多，最正係梳乎香腸$20，肉汁juicy ，有梳乎蛋樣子在香腸上，超搞笑！
梳乎蛋沙律連木製蛋杯套裝$98，食完可以帶返套木製蛋杯和小匙回家，特別版粉絲必儲！
想飽肚食熱狗都唔錯！
仲有靚靚夜光凍飲$58，飲完又可留杯子回家留念～
大家都常見的「山下菓子」，今次pop up store全店都售Gudetama 甜品，女生小朋友至愛！
全部都好得意呀！自己食又得，買黎送比朋友都得！
最最最搞笑係呢個巨型Gudetama 砵仔糕$40！
仲大過我塊面呀！
真係好大舊，食到一半要投降(≧∇≦)
第三間係欣宜主理的Homie Cookies~
梳乎蛋咸蛋黃軟曲奇$25，味道都唔錯喎，曲奇有咸蛋黃味原來都幾夾！
另外推介梳乎棉花糖流心芝士咸蛋黃撻$25，是朗豪坊限定，我是芝士狂，覺得呢個好好味！焗過的棉花糖超軟淋淋，好食到飛起！
下次帶皮皮黎食！
食到飽飽地，可以黎CheckCheckCin飲啖茶消下滯～
還有一系列都巿人調理配方，我要改善下「扮工失調症」，美食廣場呢度有疏乎蛋限定套裝，送疏乎蛋玻璃瓶，粉絲必入手啊！
真心覺得個玻璃瓶超靚！
最後一間係Smile Yogurt～
夏天咁熱要食杯Yogurt降下溫，Smile Yogurt梳乎仲夏乳酪雪糕 ($78)實在太可愛太可愛了！行過一定忍唔住買返杯呀！
天花位置還有巨型梳乎蛋，記住影埋相呀！
7樓更有pop up store，有疏乎蛋、雞動哥和蛋黃兒的最新精品，除了以上美食，4樓iCREAMA 及滿記甜品還有其他Cross-over美食，大家記住來看看啊！
Gudetama梳乎美食遊
日期：1/8起至2/9
地點：旺角朗豪坊4樓通天廣場
博客：
Instagram：daidaipipi
YouTube：daidai Joan
沒有留言:
發佈留言