銅鑼灣寫意午餐

好難得平日請到假同好朋友去銅鑼灣行街，太耐冇見梗係食LUNCH先啦！想搵個坐得舒服和食物有水準的餐廳，上網搵到呢間MOO MOO Plus，主打食西餐，加上日光下環境唔錯，影相夠光猛，於是我地BOOK位來吃！

我地兩個女仔點咗幾樣招牌美食～

加拿大藍青口配白酒忌廉汁： 份量都幾多，青口每隻都好大隻和厚肉，好鍾意個白酒忌廉汁，連埋青口一齊吃好滑又Juicy！

配合脆卜卜的蒜茸包，點汁來吃超滿足～！

經典燒肋骨： RIBS來到香噴噴，肉質柔軟一D都唔韌，而且骨肉易分離啖啖肉，加埋醬汁食唔停口～～

避風塘原隻軟殼蟹炒意粉： 原隻軟殼蟹好驚喜，炸得外脆內軟，避風塘風味中西合璧，微辣惹味；扁意粉入口彈牙，愛澱粉質會喜歡。

飛天遁地香蕉船： 好開心食到香蕉船，三色雪糕係士多啤梨、芒果和雲呢拿，加埋朱古力醬和香蕉十分滿足，最特別有西瓜味爆炸糖，灑落雪糕上多重口感，甜品真係好易令人開心的！

整體食得開心，坐得舒服，傾計聚餐好去處！

MOO MOO Plus (Fashion Walk)

地址: 銅鑼灣百德新街59-65號海濱大廈地下C&D號舖