今日去長沙灣食brunch，睇炯記餐室嘅餐牌知道佢哋出名燒味、豬手和手撕雞，但原來入邊有All day breakfast 食！餐廳嘅格局好文青feel，中式美食都可以變得年青化！
炯記嘅All day breakfast擺盤好靚，有中式蜜汁叉燒、炒蛋、腸仔、沙律、蕃茄、茄汁豆和手撕雞牛角包，十分豐富！
炒蛋唔散很滑和軟綿幾好食，腸仔切到一格格有心思，叉燒係半肥瘦嘅五花腩豬肉，油香入口溶化。
最驚喜係個手撕雞牛角包，完全意想不到鹽水手撕雞可以配落西式嘅牛角包上面，用料豐富，手撕雞完全冇皮冇骨，啖啖肉，一啲都唔肥，而且帶麻香，越食越想咬多啖！
另外點了杯肉桂咖啡，真係好香肉桂味，唔洗落糖都夠香甜。
$98咁大份都幾抵食，同埋我已經空肚來都食唔哂一份All day，餐廳乾淨又光猛坐得舒服，侍應姨姨有禮貌，見有唔少街坊黎食飯和買外賣，地鐵站附近又方便，下次黎食豬手撈麵先！
炯記餐室
地址: 長沙灣元州街303號元州商場地下G07號舖
