幸福滋味拍：海之戀法國菜 @ O.DELICE

阿囝生日正日要返工返學都沒帶佢去食好西，所以一到Weekend就帶咗佢黎海之戀商場呢間 O.DELICE食法國菜！

我地一家三口叫左份二人晚餐加一碟意粉一齊Share食！

晚餐好豐富，有湯、前菜、主菜X2及甜品。

見到生蠔加$128有4隻好吸引，所以又試試，帶海水味，很新鮮～

阿囝未食過法國菜，由餐湯開始就已經不停說好好味，蒜茸包好香脆！

之後到火腿芝士拼盤，有法國風乾肉腸、豬頸肉火腿、康堤法國芝士、勒布洛雄芝士，全部都未食過，感覺好特別，衝擊味蕾，食唔得口！

主菜有空運黑青口及低溫慢黑毛豬柳，要讚讚黑毛豬，外脆內軟，啖啖肉又沒筋，配軟棉棉薯蓉好好味！

青口份量也很多，好喜歡煮青口那個汁，有蕃茄、芫茜，又帶點牛油香，吃出鮮味！

野生牛肝菌扁意粉超香噴噴，意粉好彈牙，啖啖菌香～

甜品選了白雪公主可麗餅，明明已經飽到捧著肚腩，但可麗餅很香甜，一家三口爭著吃，有說有笑，是幸福的味道啊！

食飽飽阿囝話GOOD GOOD，仲多謝我地帶佢食好嘢～嗱，又大一歲，要乖乖努力讀書啦！

@opmallhk #Foodie幸福滋味拍 #OPMall