#聖誕打卡好去處
近來各大商場都設置了聖誕裝飾了！雖然今年去唔到旅行，但在香港都有好多打卡影相好去處，留下美麗回憶～！
海港城LCX今年聖誕裝置有超多打卡位呀！來自台灣人氣LINE貼圖可愛角色 #白爛貓 ，我好中意佢嘅鬼馬表情和盞鬼字句，LINE成日都用佢嘅貼圖架！今次呈獻【LCX x 白爛貓：白爛聖誕玩一鎮】打卡景點，可以同大家瘋狂影影影！
LCX分別有白爛貓5大主題打卡位，當中我覺得最驚喜係近Xplus附近嘅"白爛博物館” ，成間舖咁大嘅地方可以任影唔嬲，設有搞笑嘅旅行照片和名畫，Cute Cute聖誕樹，大人小朋友見到都開心！仲有個機場場景都好搞笑，(扮)去旅行好方便～！最靚位一定係LCX入口位嘅噴泉廣場，有2集超巨型白爛貓同靚靚聖誕佈置，行過實忍唔住影返幾張相呀！如果細心留意，白爛貓和佈置周圍都有唔少抵死又搞笑嘅香港潮語，例如：「幫緊你，幫緊你！」、「我最期待嘅畫面出現了」，好貼地呀！
一場嚟到記住玩埋【白爛貓陪你旅行：聖誕限定護照】活動，只要在場內領取聖誕護照，就可攜同護照尋找白爛貓出沒的指定地點再收集景點印章！集齊印章後，在商場內於展覽位置拍照，並上載至社交平台(Facebook或Instagram)，Tag地點：LCX及加入指定hashtags（#LCXHK #LCXLANLANCAT #白爛聖誕玩一鎮），就可以換領LCX限定白爛貓小禮品或LCX指定現金券！
Xplus亦設有白爛貓Pop-up Store，唔洗周圍搵就買到來自台灣的白爛貓正貨精品！另外在LCX消費滿指定金額，更可以免費換領白爛貓限定禮品！
【LCX x 白爛貓：白爛聖誕玩一鎮】活動總覽
開放日期： 2020年11月19日至2021年1月3日
開放時間： 上午10時至晚上10時
展覽地點： 尖沙咀海港城海運大廈三階 LCX （LCX 正門、中庭、Her Own Words對出位置及Dr. Martens旁邊）
沒有留言:
發佈留言