皮媽今日約左friend子余媽媽去旺角食韓燒，我地兩個成日都話要兩丁友一齊開大餐，仲要傾計傾耐Ｄ！於是我上網搵左呢間LAB 10～見佢新開，我又好中意食韓國野，兼可以坐得耐，於是來試試～
我地兩個媽媽，因為坐監坐得太耐，所以今日乜都唔理，一於豪食！
首先係 特級薄切和牛肉眼$128（連特製韓風醬），一見到咁靚嘅雪花和牛，就算平時唔食牛嘅我都覺得正！
店員好好，幫我地燒埋～
邊燒邊嗅到很香的燒烤牛肉味，正呀！薄切和牛入口即溶，完全唔洗咀嚼，點埋特製韓風醬超惹味！
秘製護心肉$98是店員推介，這款豬心肉食落豬味重DD，燒過後很香脆，咬下較黏口，會不經不覺地想食多兩舊，沒推介錯啊，好味！
三色五花肉$130，初頭驚好多肥膏，但燒完整片都很香脆，愛吃肉都不妨試試，要小心睇火，因為較易燒燶啊～
三色五花肉連埋三款醬汁可點，中間黃色的是菠蘿汁，味道甜甜地都幾清新～
另外仲點了些海鮮，生蠔和帶子都幾大隻和新鮮～
生蠔($58/3隻)，大帶子($58/2隻)
食得太多肉要點返個蔬菜拼盤$88 平衡返～ 總括黎講LAB 10呢度嘅燒烤料都幾靚幾新鮮，我覺得款款都唔錯！
話哂豪食，我地再點左D韓國小吃～
韓式海鮮蔥餅$65 又點少得？！件件都有海鮮，而且煎到脆卜卜好香口～
韓式辣年糕$88的汁唔算好辣，年糕很煙韌，驚喜是有魚糕伴著，味道很好，我好喜歡這款～
燒酒煮青口$78，這碟抵食呀，我諗超過10隻以上青口，肉質厚而且加上海苔亦煮得入味！
我地仲每人點了一杯The Flash，是熱情果＋蘋果＋西柚＋蜜糖果汁，果汁好好味啊，是鮮榨的～食韓燒有杯清新果汁清清油膩感特別fresh！ LAB 10仲有好幾款果汁選擇，推介大家一定要叫返飲呀！
食左成晚韓燒，走時竟發現身上沒有油煙味，呢度抽風都幾勁，唔怕食完有臭味。。。
我地掛住食掛住傾計，完全忘記影低燒好左的野食，多謝兩位爸爸和兩位囝囝放我地監，媽媽可以勁食一餐實在太開心啦！希望多Ｄ放監時間啦，哈哈＞＜
Lab 10
旺角亞皆老街8號朗豪坊10樓26號舖
沒有留言:
發佈留言