皮皮好中意去海洋公園架！趁快到聖誕假期可以放輕鬆～～今日就約左好朋友一家齊齊來海洋公園聖誕全城HOHOHO！雖然天氣很冷，但心情就超hot超興奮！Let's GO!!!
海洋公園周圍已佈滿聖誕裝飾，很有聖誕氣氛，周圍都是影相打咭的好地方～
園內周不時都會聖誕精靈和天使出現，為遊人送上祝福～
海濱樂園廣場中央放了40 尺高巨型聖誕樹！冬日浪漫花園不時有飄雪效果，周圍都充滿著歡樂而浪漫的氣氛～
聖誕節大家必定要來「聖誕老人屋」跟聖誕老人拍照～
幾個小朋友可以整齊合照真係好難得！
之後仲遇到聖誕小熊貓添！好可愛啊～
去海洋公園當然去探探各位動物朋友啦～
其其樂樂今年生左個ＢＢ叫樂奇，佢地一家三口好溫馨呀！
鱷魚今日擺定post跟小朋友合照，好搞笑呀！
小紅貓超懶洋洋的，我都好想攤喺度休息啊～
食完午飯便到了高鋒樂那邊玩攤位遊戲，不停的掟波波～～
妹妹中左獎，係聖誕限定版聖誕老人公仔，好叻女呀！
然後再去鯊魚館，這裡逗了很久，因為兩個小朋友不停同導賞員哥哥傾計，傾到唔捨得走～
再到熱帶雨林天地，今日滿足哂小朋友睇動物的要求！
今年海洋公園[聖誕全城HOHOHO] 最刺激的必定是「Samsung Gear VR 呈獻:越礦飛車」！
可以戴上特製的 VR 眼鏡虛擬實境中展開驚險刺激的旅程～～～
好可惜等候時間超過90分鐘，為免小朋友要在寒風中等，最後放棄冇玩到，下次要買定fast pass至得......
玩唔到越礦飛車唯有玩南極快車，今日真係好凍，坐緊過山車時我都以為凍到去左南極。。。
企鵝戴哂聖誕帽，很有趣啊！
威威都變左聖誕Look！
高峰樂園冰極天地呢度有「企鵝粉絲過聖誕 (巨型企鵝裝置表演)」
舞蹈員沿路表演彈跳高蹺等各式雜技，打造熱鬧歡騰的節日氣氛。
晚上爸媽們玩左【VR 森度行】～
在旁的是VR 至 FUN 專區 及 VR 動感挑戰陣，不過我們沒預約所以沒玩了。
【VR 森度行】是一個迷你 VR 影院，全場 360 度實景 VR 影像讓遊人仿如置身在熱帶雨林，漫步樹蔭和泛舟河上，再走進部落體驗民俗生活。
都幾有趣，可以來看看～
入黑後小朋友們都係繼續掟公仔＞＜連細佬都要埋一份（哈哈）
晚上返回海濱樂園，聖誕樹亮燈很美很浪漫啊～
聖誕期間限定更有【海洋公園 x Pinkoi 聖誕市集】
齊集各種本地原創小物，包括當紅插畫家「PeiChung Illustration」設計的插畫精品、專售香港情懷如街頭小販檔立體砌圖的「濃情香江」、香港少有在地紮染品牌「巨人染 Giants Tie Dye」販售的一系列獨一無二紮染精品、由「JK Collection」及「Flame 微光」等品牌原創設計的皮革藝術精品等。
開放日期及時間
2017 年 12 月 16 至 22 日(下午 12 時至晚上 7 時)
2017 年 12 月 23 日至 2018 年 1 月 1 日(下午 2 時至晚上 11時)
最後分享個重要資訊！！！
今年聖誕，海洋公園會開放免費夜場！大家唔洗買入場費，都可以來到海洋公園玩！
由 2017 年 12 月 23 日至 2018 年 1 月 1 日，海洋公園將於晚上7:00 至晚上 11:00 免費開放海濱樂園廣場及食尚水都，包括海洋公園 x Pinkoi 聖誕市集、冬日浪漫花園、食尚水都、海龍王餐廳、水都餅店、海濱禮品廊及水都儷影 - 快趣拍。（其他動物展館、機動遊戲及高峰樂園則不包括在內。）
聖誕節就來海洋公園，感受浪漫聖誕啦！
