童年回憶 超美超可愛！@澳門新濠 Our Sanrio Times
Sanrio 是我的童年回憶，不特止，我小學中意到而家做媽媽都很愛Sanrio 的公仔！今年Sanrio展移師至澳門，幾遠我都要來！
皮皮還獻出第一次～ 他是第一次來澳門！心情超開心超興奮！在搭車來新濠天地這裡不停話澳門好靚好特別！
皮皮來到Our Sanrio Times會場，興奮到不得了～ 每去到一個check point，都叫我幫佢影相，之後佢仲做導演拍片，要將回憶留下～
入口處是「Sanrio 時光隧道」
展出歷代經典Sanrio 精品，牆上和地面周圍都是Sanrio 的卡通人物，好靚呀！
我每見一個經典精品，就不停同阿皮講：「我細個時有呢個KeroKeroKeroppi呀！」「我細個最中意就是XO！」
連「狗男女」都有！而家真係搵唔返，係80年代經典啊！即刻諗起小學時補習儲印仔換Sanrio 精品的回憶啊～
原來是Sanrio 在1975年製造的第一件精品：Hello Kitty Coins Bag啊！黎到唔好Miss左佢呀⋯⋯
任何一個人入到這裡，必定瘋狂重複大叫「好靚呀！」～
勁巨型Hello Kitty 足足有3.5米高，好想抱抱Kitty合照啊！
呢度有2000隻Sanrio 公仔，真的核爆的多！好夢幻喔～ 如果我屋企係咁就正啦！
整個展覽我最中意呢一part! 讀書時真是冇錢買毛公仔，但我是超愛毛公仔的啊！
超級謀殺相機Memory ！如果沒來這裡我會很後悔的⋯
又是童年的回憶啊～ 小時我最愛跟表妹一齊玩公仔紙的！
小時我都有一盒Keroppi 印仔！好令人懷念啊～點解唔見哂架？
文青的你必愛這部分，因為這裡展出Sanrio 日本設計師8幅手繪真跡，還有在Sanrio 日本總部借來的手繪畫，真是非常珍貴，難得一見～
陶瓷布甸狗$69就可以帶佢返屋企填色ＤＩＹ，不過好似開賣第一日已經賣哂，到場可以再問問有沒有返貨啊～
這一PART又是玩到唔捨得走，因為教室這裡有圖文和影片教遊人畫Sanrio公仔，我畫左Keroppi，皮皮畫左Gudetama~
別看小這小小精品，是70年代買Sanrio精品送的小禮物，後生仔女點識呢！
再來是「友誼森林」～
皮皮話佢最中意這部份，因為有好多機關玩，啱哂手多多既小朋友，終於可以左搞右搞啦～～～
然後又來嘩！嘩！嘩！的大叫「好靚呀！」
「Sanrio小鎮」有齊１００個Sanrio角色，睇下你有冇咁眼利搵得哂佢地！
我細妹就好中意ＣＫ鼠，而我最中意既ＸＯ原來在火車車尾呀！
要搵齊１００隻Sanrio經典角色，就要留意下周圍，例如門、窗和天花～
Sanrio Gift Gate呢度有懷舊玩具珍藏展覽～
在旁是「士多啤梨事務所」，士多啤梨大王既Office咁靚既~
臨走時可以來「封面照相館」影返張封面相，做新聞女郎$80一張～
出口處是「Sanrio遊澳門」，澳門主題的佈置，好有特色呀！
大三巴、龍環葡韻都在這裡，可能知道我地今次冇時間遊澳門，所以在這裡一次過看哂！下次下次，一定要帶皮皮遊澳門呀！
絶對不能錯過是今次「 Our Sanrio Times」的主題精品，有文具、小物、tote bag，我自己最中意就是手機殼！
有機會還會遇到各 Sanrio 角色出場，一定要排隊影相啦～
今日真係好夢幻，好開心，皮皮都一樣，全場High爆!
送上影片，前部份是我拍的，後半是皮皮拍的，因為他好喜歡這裡，所以他要親自拍片留念，雖然鬆鬆濛濛，不過佢話要拍低哂佢所見所聞，媽媽就剪好片段給大家欣賞一下啦！
沒有留言:
發佈留言