聖誕節我們皮皮一家打算留港消費，雖然好想去旅行，但財政和時間不許可⋯ummmmm⋯⋯其實香港都好多好野玩！
今日皮皮來到馬灣挪亞方舟，我地來試玩 「挪亞方舟 x Mr. Men Little Miss童樂聖誕城」～ 呢度有好多聖誕好玩主意，而且一張入場票包玩大部分遊戲，真係好抵又好玩！ 挪亞方舟更被皮皮列為最好玩主題公園頭三甲位置，皮皮好難忘這個地方，隔了個星期又叫我來玩多次，充滿開心正能量！
今日有幾個小任務，首先有
《Mr. Men Little Miss馳騁冬日城》～
小朋友換上綠色聖誕衣，變成聖誕老人小助手，駕駛現代版聖誕車摸擬運送小禮物，同時體驗做行人學下交通規則～
當日真係熱到爆，11月尾成廿幾卅度Y(^_^)Y 皮皮覺得好熱...如果不是，著住聖誕衫玩都幾得意～
阿Sir會教小朋友
交通安全知識及過馬路的正確態度，完成左仲有駕駛執照，好認真架！
除左剛才的細砵砵車，仲有大車玩架！如果去玩就要注意係分年齡和時段，唔同時段的車車都不同。
問皮皮中意邊架車，佢梗係話係大車啦！不過腳仔又爭少少夠長，但都好落力踏，比個叻你啦！
OH! OH! OH! 聖誕老人帶大家來到《日夜反斗大冒險》～
小朋友要幫聖誕老人尋找禮物，兩組要叠高禮物在聖誕鹿車唔跌才勝利，但呢班小幫手實在係越幫越忙，搞笑非常，好似要反轉個聖誕小鎮多d囉（≧∇≦）
我諗聖誕老人對住呢班嘩鬼真係頭都大埋，禮物搬到亂七八糟⋯⋯
雖然係咁，聖誕老人都冇阻止，大小朋友們都過左個好開心既聖誕節！
轉個畫面，便到夜晚了～頭先班小朋友個個太瘋狂太開心，但一入到這個夜光小屋，就個個都好安靜，一粒聽都唔出！
呢度係聖誕小村，班小朋友瞓緊覺，小幫手們要幫聖誕老人送禮物比小朋友們，唔可以嘈醒佢地架！好逼真地有真正的鼻鼾聲～嘩！小鬼們真的一聲不響，靜靜地成功挑戰每一關！
驚喜一浪接一浪！
長頸鹿哥哥、彩虹姐姐、巨型長頸鹿公仔出哂黎！咁得意，班小朋友當然好開心啦！
呢度係《泡泡魔幻派對》～ 平時去公園吹泡泡小朋友見到都好開心。。
今次係超巨型泡泡，開心十倍！！！
一個二個見到大泡泡，就忍唔住想篤爆泡泡＞＜
長頸鹿哥哥和彩虹姐姐擁有十八般武藝，又識唱歌跳舞，又識變魔術，氹到班小朋友不停大笑，好似睇小朋友互動版棟篤笑咁～好開心啊！
最驚喜係可以比小朋友站在無敵巨型大泡泡裡面，嘩！開心屎皮皮啦～～～
今年聖誕挪亞方舟的主題是「 Mr. Men Little Miss童樂聖誕城」，當然唔少得 Mr. Men 和 Little Miss啦！
《Mr. Men Little Miss爆笑合拍區》，小朋友可以穿上全港獨家的小小Mr. Bump與Little Miss Sunshine服裝，盡情影相！真係巧打耳唷～～～
聖誕節就到，不如整下特色的派對美食慶祝一下啦！
《笑瞇瞇廚藝學堂》可以跟酒店專業大廚學整全港首次的Mr. Men Little Miss主題Cupcake～
小朋友們個個都好留心大廚的說話，有問有答，唔知整出黎既Cupcake又好唔好味呢？
皮皮穿起小廚師LOOK，真係好搞笑呀！塊面圓碌碌～
雖然睇起上來好像笨笨的，但皮皮是超級認真地造Cupcake，自己一手一腳製成，好好玩又好有成功感架！
皮皮完成了Little Miss Cupcake了～好漂亮啊！
自己親手造的Cupcake特別好味，當晚皮皮跟爸爸媽媽一同分享～真是個乖乖的小甜心～！
最後來玩《動感聖誕劍術樂》，這裡有專業劍擊教練親自親授，當中包括前香港排名第一 (2003至2007年度男子佩劍) 兼前香港亞運代表隊成員阮浩然教練教授小朋友真正劍擊的技術～
教練會講解劍擊種類及分別、比賽規則和比賽預備步法及姿勢 - Enguard ，非常專業～
劍擊這種運動小朋友平時較少接觸，今日皮皮又學多樣新運動，學下耍劍，做個劍擊手又幾有型！
問皮皮你最中意玩咩活動呀！皮皮話：「中意玩泡泡，不過我最中意都係睇昆蟲！」
無錯，挪亞方舟係有昆蟲、爬蟲類動物睇，皮皮佢係獨角仙、鍬形蟲迷，所以對昆蟲好著迷，呢個興趣都幾特別。。。
另外如果有時間，皮媽推介「珍愛地球館」，入面有好多個展館係比訊息小朋友要「愛護地球」，充滿教育義意架！
而且大部份展品可以互動玩既，皮皮一見到積木、裝砌的玩具，就會埋頭苦幹地砌的了。。。
另外想跳跳紥，挪亞方舟有個兒童遊樂場可以來放電架！
馬灣的環境好舒服，風景漂亮又寧靜，每次來都好有渡假感覺，好自由自在，遠離煩囂～
就趁聖誕假期期間，帶小朋友來挪亞方舟玩啦！
「挪亞方舟 x Mr. Men Little Miss童樂聖誕城」
活動日期: 2015年12月5日至2016年1月3日(逢星期六、日及公眾假期)
時間: 上午10時至下午6時
地點: 香港新界馬灣珀欣路33號
查詢電話:
3411 8888
入場費: 成人HK$168；小童及長者HK$138
註：除「笑瞇瞇廚藝學堂」另需收費外，以上活動於購票進場後可免費參加；顧客服務中心購買或換領入場票並為11歲或以下之兒童，均獲派「活動通行證」以茲識別，並可參加活動。部份活動於指定日子舉行。
詳情請參閱：
http://www.noahsark.com.hk
沒有留言:
發佈留言