最大型最好玩既嘉年華 @ We嘩!充氣嘉年華 愉景新城[小小建築師]

周未約左朋友仔去玩 We嘩!充氣嘉年華！好開心呀～ 玩左咁多次We嘩!，我地覺得今次係最大型最多野玩架！加上以「建築師」做主題，小朋友感到新鮮又好奇！～～ 

愉景新城「小小建築師」多元智能 主題樂園實在太好玩！等皮皮、好朋友彤彤和芯賢一齊帶大家瘋狂We嘩!啦！

最觸目的是這個有三層樓高既充氣瀡滑梯 - 巨無霸工程師樂園 (小小工程師)～

未玩前皮皮雄心壯志！

We 嘩！好抵讚送埋對護踭手套比小朋友，唔怕磨損手踭！

皮皮瀡過一次後就驚驚（≧∇≦）皮皮真係好膽小的！

但同行的彤彤佢勁開心！瀡到10次以上，好勁呀！不停話好好玩，仲排隊返玩2次～

雖然阿皮驚，但We 嘩！既姐姐好好人，佢鼓勵皮皮玩，仲話：「抱住你瀡啦～」超窩心的❤️

然後是像真度極高的挖泥機 - 兒童機動挖泥機  小工程  玩住做 (We嘩!掘掘樂) 是必玩遊戲！

見到一排6架挖泥機真是超震撼！皮皮一來到這裡即刻大叫玩挖泥機！這個Game是超受歡迎的，我想我們足足排了45分鐘！（星期六啊！）但家長和小朋友們都很守秩序，耐心等侯更加期待！

挖泥機其實都幾抵玩，獨立一人一部機仲有專人指導全程教小朋友玩，我見皮皮都挖到幾下波波，玩完後皮皮話都幾難控制，計我話動動腦筋很益智呀！

跟著落黎係去We嘩!一定要彈既充氣彈床系列！

首先有反斗挖掘樂園～可以瘋狂彈4分鐘！

小森林大歷險 望落去好靚呀！

入去成個迷宮咁仲好玩！！！

玩「越野天地」時好朋友芯賢都黎左一齊玩呀！又彈又跳一齊放電超開心！

兩隻小鬼好想爸爸媽媽陪玩We嘩!水上飄～但好可惜爸爸媽媽曾經玩過一次後就冇氣再想玩。。。哈哈！點解？一生人總要玩一次架！爸爸媽媽加油了！！！

冇得水上飄唯有去「嘩啦!嘩啦!撐艇仔」，都好好玩啊！

皮皮是We嘩!熟手玩家，所以識得撐艇仔，好醒目咁轉左轉右，倒轉頭都識控制艇仔，皮仔醒左好多咁～～～

而芯賢第一次玩，起初唔多識玩，但玩玩下就可以同皮皮相遇，幾開心！

這一個GAME「定樁大力搥」小朋友玩唔到架!一定要大人先夠力！這個時候到爸爸出場啦！力的表現啊爸爸！加油加油！！！

阿爸打得中！會發出響亮的叮一聲，全場都聽到！比Ｄ掌聲先啦！！！

We嘩!地質公園 地質探索互動體感遊戲  訓練觸覺、刺激想像

咪以為挖下沙沙咁簡單，要想像下湖泊、高山在哪的！爸爸媽媽又是教囝囡好時機，小朋友挖沙好好玩同時，你又可以解釋一大輪～～～在這裡我又講到口水乾，皮皮真係好中意問「點解」架！！～～～

挖完真沙再挖無致敏原 (不含麥麩) 、抗水、易清洗的「幻彩造型流沙」～

唔知點解皮皮黎親We嘩!都要玩挖沙。。。？？？都好既～～文靜Ｄ，又可以坐下，太好了！

可能跳充氣彈床真係攰攰地，所以兩隻小鬼居然玩返少少文靜Ｄ既遊戲．．！

「木桶過三關」對芯賢來說完全冇難度，三隻小熊全入木桶中，好叻呀～～

皮皮就爭少少，只係入到２隻咋。。。

「鴨仔逐隻捉」就係玩射槍的，只要瞄準眼界就中的了！Easy Job 啦~~~

兩隻小鬼再去「We!嘩藝術廊」，整下小手工～

芯賢和媽媽砌左隻白兔仔，好可愛啊！

皮皮就DIY一幅魚魚眼鏡，每次到「We!嘩藝術廊」做圖工，皮皮都會好專心的，真係估唔到佢既專注力做得好好^^

整好啦！獨一無二的魚魚眼鏡，皮皮問我：「係咪好靚仔呢？」

再落黎是「We!嘩抓抓樂」，皮皮和芯賢抓汽球超HAPPY，我在出面看覺得好好笑，兩隻小鬼都係好瘋狂，笑料百出！

竹棚遊樂場  資深工匠打造 (築動遊樂場) 

媽媽我幾欣賞呢個遊戲架，「竹棚遊樂場」係由一群資深的搭棚工匠打造，設施包括竹棚滑梯、竹板韆鞦，真係勁過起樓！

皮皮和芯賢可以左擒右擒，大顯身手，呢度係勁巨型充氣瀡滑梯後面，大家記住要來玩呀！

今日睇We嘩！Facebook 見到這個「竹棚遊樂場」靚左好多，原來We嘩！特別誠邀咗氣球達人Jeff老師，為【築動遊樂場】加建氣球樹屋，相信小朋友會玩得更開心的！

提一提大家每個遊戲都有高度限制的，所以玩之前要留意下呀！

之前有個勁抵團購大家有冇買呢？冇買唔緊要，買遊戲券會有優惠的～可以參考下！

皮皮每次玩We!嘩充氣嘉年華都勁開心的！媽媽我都好開心～因為你快樂就我快樂！

放暑假期間平日日子來玩就少人D，唔洗排咁耐～但我這個雙職媽媽就只有星期六、日先有時間帶囝來玩，雖然等侯時間會耐D，但我要讚讚We!嘩這裡的秩序很好，安排排隊的欄子／入口都好清晰，唔會排錯隊，家長和小朋友都好遵守秩序，所以記住耐心等候實有得玩！更期待的遊戲小朋友會更珍惜、更投入去玩～！

皮皮和芯贀都好乖，兩隻小鬼都耐心地排隊，唔扭計，從排隊中訓練守規、紀律和耐性，係遊樂之餘媽媽看到的其他優點，We!嘩唔止玩，亦是親子教育的好時機！（嘩！怪獸媽咪又來了。。。）

我地玩到We!嘩關門為止，今日兩隻小鬼好開心又乖仔乖女，媽媽心都甜哂！晚上小鬼們都好餓了，快快食哂飯，好抵讚！！！

今年暑假 We嘩! 好多野玩，檔期玩足大半個暑假！blog 未能將所有game post 哂（≧∇≦），大家趁暑假要大玩特玩呀！

愉景新城「小小建築師」多元智能 主題樂園
日期 : 2015年7月24日至2015年8月16日
地址 : 愉景新城
時間 : 11am - 7pm
遊戲票價： HK$10 – HK$80
** 嘉年華將不設入場費用，每款遊戲將個別收取遊戲券 **
** 各款遊戲設有不同的身高限制，請瀏覽大會網站內的最新公佈 **
** 查詢: info@wewaland.com

詳情請參閱：
http://www.wewaland.com
http://www.facebook.com/wewaland

We嘩!開心重溫~~~

最大型最好玩既嘉年華 @ We嘩!充氣嘉年華 愉景新城[小小建築師]

2015暑假好玩@We嘩!充氣嘉年華 愉景新城[小小建築師] (仲有團購優惠)

[皮皮] 再見啦，復活蛋！@奧海城。We嘩! 充氣嘉年華

復活節，陽光充沛的［We嘩! 黃金嘉年華］！齊齊曬曬住掘恐龍骨啦～！～

復活節Double玩餐飽！掘恐龍骨又掘復活蛋！@We嘩!充氣嘉年華 （≧∇≦）

[皮皮] 曬燶左,但好開心呀!@ We嘩!懷舊嘉年華@愉景灣- Carnival 70s’

開學放輕鬆! @ We嘩!懷舊嘉年華@愉景灣- Carnival 70s’

[皮皮] 同恐龍BB玩得超開心! @ 「We嘩! 充氣嘉年華」- 奧海城

暑假好玩！@ 與龍同行「We嘩! 充氣嘉年華@奧海城」

[皮皮] 超開心! 超興奮! @ We嘩!充氣嘉年華玩 KCP 2014

復活節活動推介比各位daddy mammy~~~「We嘩! 充氣嘉年華」

關於daidai ＆ pipi：
Daidai ＆ pipi 的快樂魔法

博客：

Blogspot ． MyBB.com.hk星級Blogger ．ohmykids

Beauty Exchange ．  she.com ． elle ． WeShare ． ubeauty ．  88db

instagram：daidaipipi

http://instagram.com/daidaipipi/

微博：http://weibo.com/daidaipipi

email: yuijoan@gmail.com

皮皮的暑期班開始了! @ MathConcept Learning Center數學暑期班篇

媽媽好開心，因為暑假前已經幫皮皮報好哂暑假班，今個暑假會好充實的！（怪獸媽咪呀～）

當中最實用的，是去學數學！媽媽發現皮皮在圖形理解/視覺/counting 各方面做得不錯，而且他在數理方面比較有興趣，就讓他在這方面發揮更多，學習不只是校本課程，讓他在數學上打好基礎，對他升小學都有幫助～

皮皮報數學的教學中心是MathConcept數學Learning Center，這是一家專注教數學的學習中心，到現在已經上了3堂了，阿囝好喜歡，這令我好意外，平時坐唔定的他可以在這裡計數整整一小時！

皮皮報讀的是 「MathConcept First Steps課程」，適合K1至K3小朋友，全面銜接小學的幼兒數學課程，一共有10大學習範疇，看過課程概覽我相信孩子有能力可以學懂兼且更叻的！

另外小學有「MathConcept香港小學至初中數學課程」及「 A+奧林匹克數學課程」，爸媽已經諗得好長遠，到小學我們也想帶皮皮來學MathConcept奧數。。。。

「MathConcept First Steps課程」

「MathConcept First Steps課程」

報堂前先由MathConcept導師做評估，了解小朋友程度。

評估這天媽媽在旁觀察， MathConcept的導師是以英語教授的，怪獸媽媽覺得又幾好，又可以練埋英文＞＜

雖然做評估，但沒有壓力，皮皮真係做得好開心！阿囝係有點坐唔定又調皮又多口，但Miss都好耐心教，學數學並非沉悶，動動腦根變得很有趣的！

我都未見過阿皮渣住支筆咁開心的，導師說皮皮適合課程，評估完即刻拍板，報了8堂「MathConcept First Steps課程」$1500 / 8堂（每堂1小時），YEAH！

之後的每個星期六，阿皮都來MathConcept 上堂了～
第一次來順道參觀中心，這裡有很多數學玩具可以比小朋友上完堂去輕鬆下～

對於積木，皮皮係會好專注咁砌的，佢話砌左３個吊臂＠＠（工程車上腦）。。。

到正式上堂的一天，我在前一晚已經同左皮皮講第二天要去上數學班，我係估唔到佢好期待去學！完全沒Say NO，好神奇呀～

於是這天在MathConcept開始「上數學班」的習慣了！～～～

第一堂我有偷偷在課室外看他上課的樣子，中心有玻璃窗可看到課室情況的～

皮皮真係大個仔了！佢好乖跟Miss 入課室，仲自己放好書包坐定定，我成日最擔心的是阿皮「坐唔定」，現在變得很自律。。。

每次上完堂Miss 都會同我講返今日教的課程、阿囝識Ｄ乜和上堂的情況等等，Miss講的都好正面，雖然只是短短上了３堂，Miss都看到皮仔的特點和弱點，從而提升他對數學的概念～

另外MathConcept上課以小組形式授課，一組最多六人，皮皮現在的小組有三人，Miss話會按返小朋友強弱項度身訂造個人學習計劃，所以唔洗擔心跟唔切，專注在自己的數學學習上～

回到家要做功課架！每一次下課回家，阿皮都會主動做數學練習！嘩～媽媽心諗，你轉性咩？但心底知道，皮皮係好中意學數學、上數學班的～～～仲懶醒咁話Miss 讚佢乖（≧∇≦）

專心的男孩～！！！

MathConcept的教材是經過專業撰寫，針對香港教育和評估系統，一切從「理解」開始，具體地解構數學概念，小朋友容易明白～




每次做哂本數學練習，皮皮都話要幫本習作填色！每本習作都有隻好可愛的熊BEAR BEAR架！




老實講，真係油得幾肉酸，不過比著以前有進步，同埋皮皮是個數理人不是藝術人，肯油顏色已經叫驚喜了！

還有每次上完堂Miss都會寫手冊比家長的，Miss 真係幾好人，因為皮皮話好中意Miss ～～～哈哈！

唔知上完八堂會點？但爸媽已經打算繼續報落去變恒常班，仲諗得好遠小學一定要學奧數！男孩子的確在數理方面比較突出，難得阿皮中意，我一定會比皮皮繼續學落去～～！～！～！






MathConcept網址
http://www.mathconcept.com/

MathConcept Facebook
https://www.facebook.com/MathConceptEducation?fref=ts

關於daidai ＆ pipi：
Daidai ＆ pipi 的快樂魔法

博客：

Blogspot ． MyBB.com.hk星級Blogger ．ohmykids

Beauty Exchange ．  she.com ． elle ． WeShare ． ubeauty ．  88db

instagram：daidaipipi

http://instagram.com/daidaipipi/

微博：http://weibo.com/daidaipipi

email: yuijoan@gmail.com