到海洋公園消消暑！率先玩全新「尋鯊探秘」＆ 鯊膽夏水禮2014

星期天好開心呀！

謝謝香港海洋公園邀請我們皮皮一家，率先玩全新「尋鯊探秘」& 鯊膽夏水禮2014 ～

雖然那天早上不停下雨，但中午開始便停了～整個下午都沒下雨呢！

最開心莫過於皮皮，因為他期待了很久，常常說好想到海洋公園玩～

終於一嘗心願，YEAH!

你有多久沒到過海洋公園玩？

上年我很印象深刻的6月30日帶皮皮來過～然後是去年10月的哈囉喂～！

由公關帶領，今次暫不到海洋奇觀參觀，我們乘坐海洋列車前往高峰樂園～

第一站先到即將開幕的「尋鯊探秘」，這裡是全亞洲最大鯊魚館之一，一次過拜訪過百條鯊魚及鯆魚！

在往「尋鯊探秘」的路程途中，已經見到很多鯊魚裝飾和互動資訊版，一高一低的，大人小朋友都啱玩～

去到「尋鯊探秘」門口，感覺似大澳～是漁村的風味！好大的鯊魚口便是入口了～！！

「尋鯊探秘」館鯊魚簡介:

http://apps.oceanpark.com.hk/animal-zone/Shark/zoneTC.html

入到去，一家人同鯊魚影返張合照先～

場內有個大魚缸，有成幾層樓咁高架！這是頂層，可看到各式各樣的鯊魚在缸裹游來游去～～～

側邊有些細魚缸，有不同的魚類和海洋生物可看～

左上和右下是鯊魚BB黎架！

仲有海星～

中間位有益智體感遊戲和互動資訊板可以玩下～

之後再潛入神秘深海欣賞各種鯊魚～

皮皮看得好投入同興奮呀！因為鯊魚很多時都會游到玻璃邊，感覺好震撼！鯊魚真是好大條呢！

而爸爸都好投入，他不停拍照捕捉鯊魚面貌，場館較黑暗，能拍到動態鯊魚相，真是比個like 佢呀！

參觀完「尋鯊探秘」，就去左期待已久的冰極餐廳食lunch！

上年來海洋公園已經好想試試這餐廳，但上次來要等200幾張枱！激死～

今次我地趁早，早少少入到來，但窗邊位都full左，幸好都有卡位坐～

我們點了2杯特飲，名字忘了什麼，左邊的好像叫「企鵝世界」，右邊的是「冰極世界」。。。

另外有菠蘿火腿pizza～～～

芝士著條～

皮皮都好中意食！

仲有點了個咖哩豬扒飯，味道都OK，環境更一流～～！一邊食可一邊看企鵝游水，好得意！

食完我地到窗邊近距離睇企鵝，企鵝們都好可愛呀！

皮皮當然係好開心啦！

因為佢好中意睇動物架！

我覺得在這裡看企鵝，好過入「南極奇觀」睇，因為這裡室溫正常，「南極奇觀」就凍到震，不能留太久。。。

而且在餐廳睇更加近距離，又有得食，哈哈！如果下次來看企鵝，不妨到餐廳食下野，同時睇企鵝，更加有趣和舒服好多！

食飽飯我地去左幾個景點同遊戲，這裡是「北極之旅」，有可愛的海獅、海象睇～

然後就去「熱帶雨林天地」，這裡有熱帶激流玩外，仲有個熱帶雨林探險徑，啱哂喜歡看動物的小朋友！

皮皮又學多左動物名稱，有些動物非常罕見，可惜看不到水豚，佢可能訓緊晏覺呀。。。

我地冇玩機動遊戲呀～因為皮皮還很小。。。

來到OP，點會錯過搭最經典既登山纜車呢～！

笑得好開心～

每次來OP都有好多愉快回憶～～～

返到亞洲動物天地，就去左「海馬探知館」玩～～～

好可愛的海馬！

皮皮仲不停尋找佢地游左去邊！

還有去在旁的「大熊貓之旅」探下盈盈樂樂和小熊貓^^

小朋友最開心的事，是到威威天地玩！

「威威天地」已經變成海洋世界，換上七彩繽紛的鯊魚和海洋動物佈置，由6月26日至8月24日，可以到充滿童趣的「海洋泡泡樂園」大玩泡泡，或者在「繽FUN水戰地帶」與朋友仔展開水槍大激鬥﹗

「繽FUN水戰地帶」有好多色彩繽紛、識噴水既鯊魚，見到已經好開心！

皮皮開始濕身戰！

一玩水，就開心都飛起！皮皮同一班小朋友玩得投入，在旁的爸爸媽媽就笑到肚痛，班小朋友真係好開心，又蝦碌，好搞笑(*^o^*)

提提各位爸媽，如果想帶小朋友來玩，最好帶多套衫來玩，玩水區要著鞋仔的，所以穿涼鞋或鱷魚仔來玩最方便！

玩完水再玩泡泡！

「海洋泡泡樂園」超刺激，有個好大的泡泡池比小朋友入去游泡泡浴，好正架！媽媽我都好想入去玩呀～～～

玩完有沖身區清洗下，另外有更衣室換衫，好方便！

皮皮今日好多電，佢仲去左威威天地玩左幾轉才罷休！

最後臨走都依依不捨，姐姐借左堆大波波比皮皮影相～～～

今日真係玩得盡興！皮皮真係好開心，又學識左好多野，海洋公園給孩子帶來歡樂外，更是一個學習的好地方，給孩子親身體驗，真係好好玩呀！～～～

今篇超長的！

希望暑假再來玩過！

www.oceanpark.hk

關於daidai ＆ pipi：

博客：

Blogspot ． MyBB.com.hk星級Blogger 

Beauty Exchange ．  she.com ． elle ． WeShare ． ubeauty ．  88db

媽媽專欄:

shemom．雙職媽媽daidai Guest-writer

Email: yuijoan@gmail.com
Facebook： http://www.facebook.com/joan.cheng
Fanspage：https://www.facebook.com/daidaipipi
新浪微博：http://weibo.com/daidaipipi

follow me on instagram:

search: daidaipipi

http://instagram.com/daidaipipi/

Daidai ＆ pipi 的快樂魔法

宣傳你的專頁