生日吃西餐(二): 荃灣 Outback Steakhouse

10月份生日之星除我之外還有跟我同年同月誕生之男友人,他很好,車我去食車我返屋企,可能只限今年=_="

約埋另外兩位姊妹,三位已婚媽媽一同"輔導"男友人之感情問題,Outback唔錯,可以坐得耐,一邊吃一邊傾這樣便三小時了~~~~

西餐廳餐前有餐飽送~ 這個黑糖麥包熱烘烘的味道不錯,加上白色的牛油夠香滑!!!

熱氣野! 正! 炸雞鎚夠味精,點芝士醬勁好味! 雞鎚只有中間條骨啖啖肉,用手吃最惹味~ 西芹條爽甜,沒有「泎」

這個百花洋葱圈真係好好味!!!!!!!! 炸得好美呀! 好熱氣呀! 芝士醬好濃呀! 又是用手吃,逐條逐條拔來吃,一路傾計一路食,GOOD!!!

炭燒雞扒凱撒沙律~ 連不愛吃沙律菜之男友人都說好吃,沙律汁加碎芝士少許咸夠味道,雞扒「鞋」左少少...但都好味~

忘了是什麼牛扒加長腳蟹, 我不吃牛,友人點了5成熟,他們喜歡吃嫩的,不過較多筋; 長腳蟹多肉鮮甜; 另以為有個焗薯,吃下去才知道是蕃薯,嘩! 好味! 黃色芯的蕃薯好甜又軟; 薯條一般啦~

另有個意式蕃茄飯,不過沒拍照,那個較辣又酸,海鮮是青口、蝦和蜆,我覺得麻麻地,兼且很飽,吃不下了.....

4人共銀$750,每人約$190,很豐富的一餐晚飯,價錢合理!


此食評亦刊登在: