呢兩個月皮媽係瞓得好差，但媽媽認為，令小朋友有愉快童年，才最重要！所以呢日放假，一家人去左昂坪360玩返餐輕鬆下！
原來我上次搭纜車已經係2014年嘅事，今次重遊360都有好多驚喜呀！
今個暑假昂坪巿集吹起「文青打卡」風，一到了昂坪市集門口位置，即有巨型雪糕、糖果色系雪條及馬卡龍裝置比你任影，巿集內仲引入韓國人氣打卡館「Instasia」，入到去一定大叫「好靚呀！好靚呀！」～即係呢。。。如果我有個女比我任影就好了，不過媽我一向屬「文青系」，所以即刻捉住我老公同我勁影文青相，青春留倩影丫嘛（掩面）～～～
行行下咁啱有布偶劇睇，內容講關於保育，充滿教育意義，小朋友一定學到野，所以行過見到都記住留步看看！
另外仲有玻璃畫工作坊，費用全免，有導師姐姐教，畫完又可以拎返屋企，多個紀念，多個回憶～
最開心莫過於我地參加了漁農署舉辦嘅昂坪自然中心導賞團，深入大嶼山，認識當地文化歷史之餘，仲學左唔同多樣性嘅植物和動物嘅知識，導賞員哥哥更帶我地行入心經簡林，體驗郊野樂趣，皮皮好中意研究昆蟲植物，佢就至開心啦！
臨走時品嚐了大澳特產飲品，紫背天葵茶製造的「紫背天葵雪葩」，味道好似有些山渣味，清清甜甜，咁遠上到來昂坪點都要試下！
