Daidai ＆ Pipi 的快樂魔法

復活節假期的第一天，我地帶左皮皮來到九龍城廣場！呢度舉辦著「We嘩!充氣嘉年華」！一來到見到大魚魚已經感到好好玩了～！！！

舊年在荃灣廣場行街都見到有We嘩!充氣嘉年華玩，不過果時皮皮太細個及太細粒，唔夠高玩彈彈床，快3歲半的皮皮今年玩到啦！彈彈床要90CM或以上高先可以上去彈，阿皮終於夠高開心到飛起！

睇下有咩玩？

必玩一定是「小丑魚奇幻漂流」及「恐龍遊樂園」這兩個大型彈彈床，個個小朋友都好想入去魚魚及恐龍度，周圍充滿著開心又刺激的笑聲～

而遊戲場地分2層，B1是大型彈彈床，UG則是小型一點的遊戲～

一來到，當然玩左魚魚先啦～

這個「小丑魚奇幻漂流」非常大型！個個小朋友都想衝入魚魚個口度～～～

呢條魚魚好搞笑，每30秒會開口1次，等小朋友爬哂入魚魚口裏面，就會合埋個口，好似大魚魚食哂D小朋友咁！小朋友個個都身手敏捷，個個都好努力爬入魚魚口裹，入到去魚肚皮皮話入面黑蚊蚊，然後有條sir滑梯sir出魚尾度，再走出來返回彈彈床，爬返上魚口度！

哈哈，個個都玩得好開心！而在旁的家長都好高興，個個Daddy Mammy都舉起手機相機拍下小朋友有趣的一刻！

皮皮sir完滑梯衝返出黎，次次都好開心笑，呢條大魚魚真係超好玩呀！

而我就幾想讚揚下果度既哥哥姐姐，魚口既哥哥見D細粒既小朋友爬唔到上去，就逐個抱，戥佢辛苦呀！但我想小朋友們玩得開心，哥哥都好樂意的呢～！

跟著係「恐龍遊樂園」，是張超大張的彈彈床，加上重重障礙，比小朋上爬上爬落，坐坐恐龍不知幾刺激！皮皮是個超級恐龍迷，所以好愛玩這個！不過家長就難影相，都唔知個仔跑來跑去躲去哪了？！

皮皮好忙．．．住玩，我叫極佢都唔睬我＞＜

「We嘩！抓抓樂」就啱年紀較小的小朋友玩，入面是個氣球波波池，部機一充氣，氣球便到處飛！每次只入4個小朋友，唔怕太多人撞到。

這裡拍了很多相，張張皮皮都笑得好開心，佢不停捉住D氣球，超級興奮！

玩完仲有小禮物送，皮皮選了提子汁，玩完即飲補充能量！

上到UG，有3個攤位玩！這是「勇智神槍手」，又係恐龍！啱哂阿皮！

每玩一次，都有4棵子彈發，都有不少小朋友來挑戰眼界！

皮皮唔夠高，但都要玩，玩完有kawaii 魚油丸送，贏輸都有架！好好味～(o^^o)

皮皮話恐龍牙齒上有好多細菌，所要以用bang bang 槍殺走細菌！估唔到佢射中左！好野！

來到「We 嘩！造型流沙」，呢度有幾個沙池比小朋友玩沙！想不到涼住冷氣在商場可以玩沙～！

綠色的沙質感有點特別，原來是來自瑞典首創的造型流沙！

流沙無致敏源(不含麥麩 (Gluten)) 、抗菌、抗水、易清洗、不污染衣物等，讓父母安心，拿揑時有流沙般的獨特手感，又絕不容易散開，完全為小孩度身訂造！

阿皮仔，佢本身有些潔癖的，又係估唔到，佢居然會玩這個沙池！
可想而知這些流沙是多麼衛生和幼細吧！！！唔怕「吉」親手仔架！

之後皮皮好乖咁排隊．．．

我們來到「We嘩!藝術廊」，皮皮話想DIY恐龍相架！
（又係恐龍=_=''，皮皮至Like！）

這個是親子活動，不論大或小的小朋友都跟爸媽一齊DIY ！
人人所造的藝術品都不同，就選你喜歡的東西自己製造啦！

我同皮皮都好認真整恐龍相架的！！！

完成了！靚唔靚先？

就咁便玩了幾個鐘！
謝謝「We嘩!充氣嘉年華」邀請皮皮，讓孩子在這裏無限放電！
如果下次再有，我地一定再來玩過！～
唔知係邊區呢？（因次次辦的地方都不同．．．）
暑假又有冇得玩呢？
下次又有咩彈彈床呢？

如果想到「We嘩!充氣嘉年華」玩，就一定要留意佢地Facebbok公布下次活動詳情了～！！！

皮皮也期待著！

下次見～～～

「We嘩!充氣嘉年華」FB :
http://www.facebook.com/WeWaLand

是次活動由「We嘩!充氣嘉年華」邀請。

關於daidai ＆ pipi：

博客：

Blogspot ． MyBB.com.hk星級Blogger

Beauty Exchange ． she.co m ． elle ． WeShare ． ubeauty ． 88db

媽媽專欄:

shemom．雙職媽媽daidai Guest-writer