☆*:.迪士尼夜光巡遊！♪♪ ☆一齊畫上色彩！！！≧▽≦.:*☆

嘻嘻～其實我同皮皮成日靜雞雞去迪士尼玩，不過冇話比你知XD  又冇特別寫BLOG～

今次係第X次睇夜光巡遊！皮皮好中意睇架！佢仲識唱「畫上色彩」果首歌@@

七仔的迪士尼車仔玩具我沒有盡力去換，得十架咋。。。雖然咁，皮皮都冇特別要求我去換，或者特別想要邊個公仔，非常知足，媽媽我慳返真好！

這天下午來到迪士尼，特別吃了這米奇窩夫，有朱古力醬和蜜糖點來食好好味架！！！

之前果幾次因為掛住玩冇霸位，今次我地醒少少啦！見到有人坐低霸位就快快搵個靚位坐低！務求最清楚位置睇夜光巡遊！

皮皮足足等左一句鐘，但他好有耐性，又滿心期待，真係好開心架！

哈哈～差唔多啦！

迪士尼夜光產品車推到來啦！

我買左支神奇畫筆比皮皮，等佢可以在演藝人員身上「畫上色彩」！

我坐在地上賴死唔走，叫皮皮自己走出去小販車同哥哥姐姐講買筆筆！

皮皮又幾醒喎！佢真係買到支神奇畫筆返來呀！

叻仔！！！

原來仲有巴斯光年支bang bang槍、米妮夜光頭飾等等發光東西賣～

一齊著哂燈真係好靚！

皮皮手上呢支神奇畫筆可以變顏色，仲可以變埋演藝人員身上的色彩！好好玩架！！

樂園而家最HIT既氫氣球是「大英雄聯盟」既「醫神」呀！個波波好大個，還有不少男孩拎住～

話時話大家有冇睇Big Hero 6? 我好記得去年和皮皮一起入戲院看，有一幕係主角既哥哥在大學裡燒死左，皮皮不停問我點解佢哥哥會離開？去左邊？果刻我突然間唔識向一個3歲幾既小朋友解釋咩叫「死亡」⋯

唔好咁sad⋯

美國小鎮大街已清場！

各位先生女士小朋友，夜光巡遊好快同大家見面！（去迪士尼中左毒，配音都記住⋯=_=）

阿皮滿心期待！佢又唔係笑住等，係好凝重緊張的期待夜光巡遊出場！仲同我講第一個係Tinkerbell 一~~~~背到熟哂。。。

嘩！熄燈啦！

皮皮緊握夜光畫筆，超級期待咁。。。

出場啦！靚相放送！

第一架花車，真係Tinkerbell！好閃呀！

怪獸公司，毛毛呀！

大眼仔在車後面～

每次見親MCQUEEN都覺得好型好驚喜，1比1太強了！

Mack貨車太型喇！！！超耀眼！超強音樂！

Mack 貨車後都有架車仔，次次都覺得好驚喜！

轉場景@@

係小魚仙呢～

@@

到貝兒公主啦！公主車好華麗，但公主唔郁得。。。

公主車連著爉燭車，好浪漫的～

這花車夠開心！小朋友勁中意！

係TOY STORY！彈弓狗花車太正啦！勁閃！！！

胡迪好落力同大家打招呼！

巴斯光年好型呀！

好快到最後了！迪士尼朋友出來講再見@@ 先有Goofy~

影唔到Donald Duck....

bye bye la Minnie~~

米奇魔術師作結～

每次去親迪士尼都好開心，睇左好多次夜光巡遊都覺得好好睇，每次都睇到嘩嘩聲！百看不厭！

皮皮今次有神奇畫筆睇得更加投入！一邊睇一邊搖支畫筆，畫筆不停變色超級漂亮～略厭同演藝人員互動既時間少些，都唔知有冇「油」到顏色便走左了。。。

下次又幾時去迪士尼玩好呢？？？

關於daidai ＆ pipi：

博客：

Blogspot ． MyBB.com.hk星級Blogger 

Beauty Exchange ．  she.com ． elle ． WeShare ． ubeauty ．  88db

媽媽專欄:

shemom．雙職媽媽daidai Guest-writer

Email: yuijoan@gmail.com
Facebook： http://www.facebook.com/joan.cheng
Fanspage：https://www.facebook.com/daidaipipi
新浪微博：http://weibo.com/daidaipipi

follow me on instagram:

search: daidaipipi

http://instagram.com/daidaipipi/

Daidai ＆ pipi 的快樂魔法

宣傳你的專頁