☆皮皮的大個仔見證 ~

Lilypie Kids Birthday tickers

2017年4月18日星期二

去海洋公園打機?來「親親動物月」收集動物圖鑑啦!



皮皮今年第二次到海洋公園,佢開始熟識公園的環境,了解哂各種動物的居所地方,仲帶我行公園添!

今日來OP (Ocean Park) 有個任務架,就係來公園打機!

皮皮聽到有機打,就雄心壯志的,一早起身去海洋公園了!



由4月14日至5月14日為海洋公園的「親親動物月」,隨時都可以近距離認識來自海、陸、空的動物大使!

中意打機的朋友,去公園嘅時侯立即download海洋公園手機APP! 因為有個『動物「碼」拉松挑戰』遊戲,只要在公園集齊20個動物「碼」(QR Code),就有機會參加大抽獎,贏取「企鵝全接觸」家庭套票!





我地一家係好中意打機、搜集、儲野的。。。我同爸爸一早在家download左海洋公園APP,皮皮在搭地鐵時已經睇熟個APP,記住哂有邊20隻動物及搜集地點,儲20個QR Code,真係easy job啦!



我地仲有個攻略,就係一早去到海洋公園,先搭海洋列車到高峰樂園果邊玩,咁就可以避免人流,就算在公眾假期去OP,都可以行得好輕鬆!



第一站我地黎到海洋劇場,Yeah! 好快已經搵到中華白海豚和樽鼻海豚嘅QR Code啦!

只要開海洋公園手機APP,用手機掃描QR Code就會下載到去動物圖鑑啦~

皮皮話好似玩小精靈咁,佢好中意搜集東西的,集到一個圖鑑就會好開心!Click一下收集左的動物Icon,仲會有果隻動物的簡介、有趣資料和保育訊育等,單是看動物圖鑑都已經樂透啦!仲學到好多動物資訊添!





下一站去中華鱘館,其實黎咁多次OP,我地都冇來這裡參觀,今次因為少人,可以睇好耐~~



入館第一步梗係打左咭先啦!




Hi~ 中華鱘,我地第一次見面!




入到館內仲有條好靚嘅海底隧道,呢個時候仲有動物護理員在這裡餵飼中華鱘和清潔魚缸添!




動物護理員仲同我地揮手Say Hello!



除左中華鱘,我地仲見到有香港瘰螈,好似蛙蛙魚咁,不過是超迷你的!




再來便去鄰近的鯊魚館~



一入館就見動物圖鑑,打左咭(QR Code)後就去親身親親動物~

阿皮平時就算唔去OP,都會上OP網頁睇動物資料,所以佢好熟鯊魚名!一見到不同的鯊魚就會講出佢地嘅正確學名,我都服左佢,哈哈~




參觀完兩個展館後就去海洋劇場睇樽鼻海豚表演~



雖然都睇過好幾次,故事都沒變,但我都覺得好好睇,海豚好聰明!




再來去太平洋海岸,這裡是皮皮最喜歡的展館之一!





兩父子又做同一動作,實在好心急想儲齊20個動物圖鑑呀!




來到太平洋海岸要親親加州海獅~



再來是水母館~ 見到D水母浮下浮下好治癒啊!




這個地方好凍好凍,你地又知唔知在哪?



南極奇觀的企鵝們好可愛呀!




再去北極之旅找找斑海豹,呢個時候仲見到動物護理員餵魚仔比海豹食和介紹海豹習性~



我地在高峰樂園探埋其他動物和吃lunch後,便搭登山䌫車返回海濱樂園。

回程搭纜車完全不用排隊,感覺好爽呀!




一下䌫車就去澳洲歷奇探下袋鼠和笑翠鳥~




仲有超級可愛的南澳州樹熊!佢仲食緊尤加利葉,好得意呀!




再去鱷魚潭找揚子鱷,佢今日貼近玻璃定格,樣子好有趣!



之後仲探埋安安和川金絲猴樂樂和其其,可惜幫唔到佢地影靚相。。。探完川金絲猴第二天,樂樂便生左BB,做左媽媽了!




最後一站是到海洋奇觀,睇下珊瑚先~



仲有海馬~



欣賞哂成個水族館後,再搵埋最後一個動物圖鑑!



好開心呀!我地儲齊20個動物圖鑑了!心情超興奮超興奮!皮皮好似打爆機咁開心!真係超滿足呢~~~



儲齊後第一時間記住登記參加抽獎!我地好想玩「企鵝全接觸」呀!念力念力~~~希望贏到大獎啦!皮皮真係好中意來海洋公園玩架!而且現在來OP真是好方便~幾分鐘就到!




Download 海洋公園APP除左玩動物「碼」拉松挑戰外,我仲覺得呢個APP好好用,可以自選3個遊戲取Fast Pass,省掉輪候時間,玩都玩得free D!

另外不時推出優惠券,例如到香港老大街買小食有買一送一優惠,真係抵呀!




今日玩得好盡興呀!皮皮每次來都是去探望動物,次次都好開心!

雖然要行齊咁多個動物景點要行好多路。。。iphone數據顯示,呢日我地行左足足2萬步!!

但係能集齊20個動物圖鑑真係好滿足!




香港老大街杯蔗汁勁好飲!




想知道20隻動物圖鑑是什麼動物與藏身地點?就去 www.oceanpark.com.hk 睇下啦! 






沒有留言:

發佈留言

LinkWithin

Related Posts with Thumbnails