☆皮皮的大個仔見證 ~

Lilypie Kids Birthday tickers

2016年12月9日星期五

「出前一丁工作坊」由零到有製造自家即食麵!





上回講到皮媽我參加了「我的合味道工作坊」(點擊重溫) 真係好好玩!

今次分享埋「出前一丁工作坊」啦~呢個工作坊由搓揉麵粉到切麵、到包裝設計及製作等步驟,都係自己一手一腳、由零到有製造出來,更加好玩 !





參加者需2人一組,價錢只是$50一位,便可以玩1.5小時,真係好抵玩呀!注意返小朋友要6歲以上才可參加,因為要用剪刀和攪拌器等器材要小心d~

工作坊一場有20個位,如果上網見到有位就快d Book唔好猶豫,因為頭三個月的場次已「全滿」啦😭😭😭



首先出前一丁的姐姐會向大家介紹即食麵的由來,仲有短片睇製面的流程,大家要專心看啊!因為每個製麵步驟都會影響你的製成啊~



然後大家換上圍裙、頭巾,長髮者就要紮好頭髮~




搞掂去洗手,清潔好重要!



出前一丁究竟有咩成份?枱上5罐東東便是答案啦~




聽完姐姐講解,就可以落手做出前一丁啦~~~

麵粉加水再搓粉,比d力搓啦♪───O(≧∇≦)O────♪




再用木棒壓平粉團~~~
其實都幾難,粉團不夠結實較鬆散,但之後會有神奇的事!)^o^(




經過這部壓麵團機唔知幾多轉@@ 粉團會慢慢變平變實架!




碌左幾轉都好奇怪咁⋯但唔好灰心啊~





對接壓了不知幾多轉,只有一丁姐姐才知道,幸好有她幫我數數(≧∇≦)

最後麵餅已經變得又扁又平啦~放入膠袋等發酵。




趁有少少空檔,呢個時間就可以設計你專屬的包裝袋~



我只係識畫低能公仔♪───O(≧∇≦)O────♪ 
寫埋名字和製造日期,食用期是一個月,整完要快些煮來吃~



到第二部份啦!其實你唔洗擔心做緊乜,因為出前一丁的工作人員會協助你做每一個步驟,幫你計時間做每個工序(^з^)-☆ 每二人一組就有一位工作人員帶領,好貼心❤️

又黎壓麵餅啦!今次要壓到個麵餅成塊布咁長!工作人員會調較壓麵機尺寸,每壓一次比上一次更薄!




嘩!成幅布咁長♪───O(≧∇≦)O────♪



量度一下先,如在指定厚度便成功的了!



到好緊張的一刻啦!工作人員轉了切麵機頭,本來扁扁平平的麵團就變了一絲絲麵了!




真係好奇妙呀,開頭仲擔心一舊唔完整的粉團點變成麵架?





部機仲會整到麵變成卷曲狀,出前一丁的初型出來了!




而家已經好想食Y(^_^)Y但未得住⋯



麵餅首先拎去蒸~



蒸完就要剪走部分,留下大約110克的份量~ 即平時我地食一個出前一丁的份量。




再使用出前一丁發明的技術 :「瞬間熱油乾燥法」炸乾麵團~




嘩!隔住個破璃都覺得好香~


用大風扇冷欲出前一丁後,便可以入包裝袋了!

每包丁麵會跟返一包味粉和一包麻油~



仲送埋香港大埔工場出品的出前一丁比你回家試下,唔知手製和工場製的丁麵有咩分別呢?~



我仲未捨得食我包出前一丁呀!但就食左工場送果包!出前一丁真是好好味(^з^)-☆

話時話我由小學食出前一丁食到大,細個一放學回家我外公就會煮出前一丁麻油麵加一隻煎蛋比我食⋯ 喔~好懷念啊!我和我公公到現在都係最like食麻油味出前一丁,公公八十幾歲仲好叻成日周圍行!

而我又教識左我阿仔皮皮食出前一丁(≧∇≦) 拿。我唔過份架,淨係星期日煮半個比佢食,阿皮食過番尋味,成日都話想食麻油麵♪───O(≧∇≦)O────♪出前一丁真是家傳戶曉,每個家庭總有幾包出前一丁存倉,肚餓的時候,3分鐘就食得!







最後去片睇下製麵過程啦!






而家快d上網預約啦!



相關BLOG:
「我的合味道工作坊」唔洗飛日本! 網上預約就玩到!


「出前一丁工作坊」由零到有製造自家即食麵!







關於daidai & pipi
Daidai & pipi 的快樂魔法
博客:
Beauty Exchange .  she.com . elle . WeShare . ubeauty .  Miniwise

Instagram:daidaipipi



沒有留言:

發佈留言

LinkWithin

Related Posts with Thumbnails