☆皮皮的大個仔見證 ~

Lilypie Kids Birthday tickers

2016年10月5日星期三

小一生活點滴:開學篇







小一已經滿月啦!

親友都問皮皮上小學上成點,真心的說皮皮適應得唔錯呀!直程想講個「好」字添!

每天皮皮都有跟我說小學的生活,每日都食哂D飯,仲話學校午餐好好食(≧∇≦)老師又好好人,又認識到同學仔,每日小息都一齊分享野食,而且每天媽我簽手冊,也周不時看到老師留言說皮皮「用心上課」、「專心」、「叻叻!」等語句,仲有文具、貼紙等小禮物,都幾多鼓勵架! 

皮皮的小學是普通到普通不了的屋邨小學,返學都幾輕鬆,功課唔多,一日都係4-5樣,星期五多少少大約7樣,上學一個月都沒默過書,但月尾已經做左MATHS 和英文評估,暫時未派卷未知結果,但阿皮話佢識做份卷,初頭媽我都幾擔心,但之後諗通應該媽我要對皮皮有信心先得,如果唔係好大壓力⋯

感覺皮皮是個幸運小孩,入到一間很有愛嘅學校,學校唔催谷,學生品行都乖(在街上觀察),老師又常常給鼓勵,都幾好丫,好啱皮皮,又好啱我呢個hea媽(≧∇≦)

皮皮放學後係自己做功課,我放工就返去檢查,有時阿皮好乖,我一返到屋企就同我講:「我做哂功課啦!」,亦都有試過因為懶乜都冇做過,小學一年班可以推動到自己做功課都已經乖乖的了,係甩漏少少,識自己執書包,媽我都滿意,唔算好勞氣,希望更加進步啦!

呢個9月媽真係忙到嘔,返工返通宵都係人生第一次,當日眼瞓到死的時候見到老師在手冊上的留言,頓然間發覺孩子長大了很多,比以前成熟獨立,再不是小寶寶了⋯




的確,人生漫漫長路,但不是馬拉松,不一定要贏在起跑線,而係搵到自己嘅路,才叫做人生啊!

我會繼續努力從旁教導皮皮走正確的路,給適當的鼓勵和支持,希望阿皮小學生活愉快,享受學習,發掘自己專長和興趣,第時條路點行,就等佢自己發揮啦!






關於daidai & pipi
Daidai & pipi 的快樂魔法


博客:
Beauty Exchange .  she.com . elle . WeShare . ubeauty .  Miniwise

沒有留言:

發佈留言

LinkWithin

Related Posts with Thumbnails