☆皮皮的大個仔見證 ~

Lilypie Kids Birthday tickers

2016年8月30日星期二

海洋公園「海洋快證」真。快趣!來享受夏天的尾巴~




之前應承左皮皮今年暑假會帶佢去海洋公園玩,終於在暑假結束前的一星期來到這裡啦!

皮皮好中意動物,所以佢真係好中意鯊魚館、海洋奇觀和熊貓館,好記得年初來過一次,因為遊客太多我地入唔到海洋奇觀玩令皮皮好失望;又有一次媽媽我好想玩機動遊戲因為太多人,唔想皮皮倆父子久等所以都係放棄冇玩⋯⋯去OP唔玩機動遊戲真係少好多樂趣架!(≧∇≦)





最近海洋公園推出的「海洋快證」,真係好啱一班黎海洋公園要玩到盡既朋友和家庭!尤其帶住小朋友,真心唔想排咁耐隊又令小朋友失望~



這天皮皮約左佢既好朋友芯賢一齊黎OP玩呀!你地估下呢2個小朋友後面係排咩遊戲?真係好多人⋯

皮皮你個樣洗唔洗咁驚慌呀?(≧∇≦)



我地第一站來到海洋奇觀呀!



好在皮媽我一入場為大家準備好海洋快證!

每張海洋快證可以俾大家自選7次特快通行服務,大大節省排隊時間!

只要在園內指定地方購買就有架啦!






每次使用快證,只要在「海洋快證入口」比快證票比職員「Do」一下就入得!真係快靚正!



有左快證可以享受唔洗排隊直入既滋味,果種感覺真係好爽!

而且唔會在人群中一齊入場,遊覽時鬆動好多!







今次終於來到海洋奇觀參觀啦~ 皮皮和芯賢真係超High!




然後2隻小鬼話事,去左探熊貓~





小熊貓超萌的!



盈盈懶洋洋的很治癒啊~




午餐在熊貓館附件的餐廳開餐,兒童餐好豐富呀!




食飽飽就去左「海棉寶寶夏水派對」玩夏水禮!雖然9月已經完左,但如果出年有,我地都會再黎玩夏水禮,因為實在太好玩刺激啦!




平時乜都驚一餐既皮皮,今日居然好享受夏水禮!玩得玩忘哂形~~~

但就好驚大水筒倒水那部份。。。






之後小鬼們在探險「激光迷陣」~~~好似好驚險咁。。。



戲肉到喇!倒大量泡泡呢下令到班細蚊仔超級興奮!我都好想衝入去玩囉。。。




成個池都係泡泡,好羡慕2隻小鬼呀!我見阿皮在泡泡裡面扮游水,勁好玩!




見到佢地玩得咁開心,媽媽都好開心!







在夏水禮裡面玩左好耐,玩到手指腳趾巢哂皮,真係超盡興!不過仲未玩完水,仲有「水戰大激鬥」呀!



快證亦適合這個遊戲,唔洗等就可以玩啦!




我地鬥射水波,爸爸都玩到濕身(≧∇≦)同朋友黎一齊鬥一番最開心!




如果家長諗住下年帶小朋友來夏水禮,記住為小朋友準備好泳衣來玩呀!另外場內最好著拖鞋,因為其他穿鞋的遊客都會在場内走,赤腳的話唔衛生又驚比踏到。

還有帶大毛巾抺身,玩完水唔好冷親^_^



夏水禮太好玩,差d唔捨得走~皮皮和芯賢話海棉寶寶們很可愛,要同哂咁多隻公仔影相^_^









瘋狂過後去左香港老大街果邊上登山纜車,有海洋快證唔洗等可以直上纜車,真是省好多時間呀!






今日天氣好好,初頭仲驚下雨,但玩左成日都冇雨,實在太幸運了!上到山頂看看風景很寫意~



皮皮主導,帶左我地去熱帶雨林呢度睇水䐁君和爬蟲類動物~



既然來到,梗係玩熱帶激流啦!其實黎咁多次,我都冇玩過⋯



原來熱帶激流好多人排隊架!嚇一跳!但有左海洋快證,我地又係直入唔洗等,我和朋友邊走邊暗喜!一坐上船那一刻大叫「好爽皮」!



皮皮唔夠高既關係,佢同爸爸就去橋上玩射水~皮皮話射水都好好玩,不停笑我地(≧∇≦)

雖然冇得一齊上船,但冇得玩既朋友都唔洗等我地咁耐,齊齊歡樂!





既然有朋友仔陪我,我地就玩左一系列機動遊戲~估唔到芯賢妹妹一D都唔驚坐過山車,有快證我地仲可以坐車頭,堅爽!




瘋狂過後就去參觀南極和北極館,真係好凍耶⋯(((o(*゚▽゚*)o)))






最後一站是參觀尋鯊探袐,可以睇大鯊魚好精彩!2隻小鬼表示好滿足(≧∇≦)







玩完都天黑了!由朝玩到黑好開心呀!




晚上搭返登山纜車回海濱天回家了~好耐都未試過去海洋公園玩到咁黑。

原來入黑後的風景亦很迷人啊~






臨尾睇埋煙花和滙演先走,好耐都未試過在海洋公園玩得咁瘋狂,晚上8點都唔捨得走⋯




睇片睇下嘩鬼們玩得幾開心!




下次我地再約埋一齊玩過啦!再見(≧∇≦)




♪───O(≧∇≦)O────♪





最後比埋海洋公園全新推出的「海洋快證」資料比大家參考啦!

讓大家自選7次特快通行服務,大大節省排隊時間,享受更多樂趣!

「海洋快證」詳情: http://www.oceanpark.com.hk/tc/park-information/news/new-ocean-fastrack-less-queues-more-fun

「海洋快證」適用於下列機動遊戲及設施:


價錢 : HK$150 (成人與小童同價)

購買地點:公園入口處票務部、歷奇百貨、北極購物村、熱帶雨林禮品店、海洋金銀島

名額有限,先到先得!

網上購買:https://ticketing.oceanpark.com.hk/oceanpark/b2c/index.cfm/fastrack





@hkoceanpark
#海洋快證
#OceanFastrack
#用左海洋快證果然慳返好多排隊時間
#夏水禮





關於daidai & pipi
Daidai & pipi 的快樂魔法
博客:
Beauty Exchange .  she.com . elle . WeShare . ubeauty .  Miniwise

Instagram:daidaipipi

LinkWithin

Related Posts with Thumbnails