☆皮皮的大個仔見證 ~

Lilypie Kids Birthday tickers

2016年4月19日星期二

*迪士尼花蛋節*歷奇之旅


難得一天假期,我地皮家去左迪士尼玩呀!雖然今日天氣不太穩定,行行下仲下大雨,但也不滅我們尋找迪士尼花蛋節中所有花蛋的決心(握拳)!!!



今日我和皮皮約定好有3件事要做:
1。和Duffy, ShellieMay 合照
2。尋找70隻以上迪士尼人物花蛋
3。和Baymax醫神合照~

其餘玩唔玩機動遊戲再睇天氣啦XD

一入到園就見到Duffy, ShellieMay!即刻跑去合照先!然後再開始我地既「歷奇之旅」,Yeah!




醫神花蛋已經在畫室門口歡迎你~好大隻架!



皮皮行行下發現阿樂和阿愁~



在《動畫藝術廊》屋頂上面呀!



《美國小鎮大街》這裡不難尋找花蛋~


每個花叢都會發現不同角色的花蛋架!



迪士尼小熊DuffyShellieMay及他們的最新好友Gelatoni─貓畫家小東尼會在小鎮廣場歡迎賓客~Gelatoni第一次來香港迪士尼!好期待他在香港會有新商品啊!



毛毛大眼仔好多男孩子都like!



皮皮唔係隻隻花蛋都搵到⋯有時爸媽見到會比Tips佢,有時皮皮會放膽問職員哥哥姐姐,媽覺得他唔怕醜很好呀!尋花蛋是一個訓練專注力、社交技巧和野外定向的好訓練(^o^)



去到幻想世界,就見到7個小矮人~



皮皮每見一隻花蛋,都會在地圖上mark 低他所找到的花蛋~好落力又唔怕亂。。。




花蛋會躲在不同角落,有時將眼光放遠d、放高d都會有驚喜架!



奇妙仙子真係好難搵,大家要努力找找啊!



小熊維尼好易找。。。但皮皮找了跳跳虎很久呢~~~ 小個子唔夠高看啊。。。



愛麗絲夢遊仙境的花蛋你又知唔知在哪呢?其實花蛋躲藏的地方會跟主題地點有關架!



在<明日世界>皮皮好快就找到黑武士和風暴兵,皮皮還很認真數數一共有多少隻風暴兵~~~ C-3PO、R2-D2和 BB-8都來到這裡,實在太有型!!!



跳個畫面就來到<反斗奇兵大本營>~ 皮皮繼續手握筆筆和地圖逐處尋蛋。



<反斗奇兵>一眾經典角色的花蛋都難不倒小朋友啊!



但主角巴斯呢??? 嘩! 真係要「人望高處」啊!!!




唔知係咪找到很累,皮皮的戰鬥力弱左。。。火腿和恐龍REX真係行左幾個圈先至找到它們。。。




迪士尼每個區域都會有花蛋架!來到<灰熊山谷>又有發現@@



猴子阿拔唔洗比貼示都搵到呀!



去到<探險世界>,獅子王辛巴和朋友們都會在這裡出現!



保護色都出埋。。。找花蛋真是要眼厲一點啊!



最後找到的花蛋是NEMO和凱莉,我地搵左好耐,完全沒留意魚魚是在水中生活啊!!!有意思~有意思~




好開心皮皮終於在地圖上圈齊哂所有花蛋,好有成功感呀!!!第一次去迪士尼不是急於玩機動遊戲,而且很有鬥志和決心找齊花蛋,這個「猜猜誰.尋尋蛋」的遊戲很好玩!

媽媽我很欣賞皮皮的毅力和決心去尋找每隻花蛋,還很勇敢去求知問職員哥哥姐姐取貼示,幸好在尋花蛋全程的一個多小時都沒有下雨。。。之後落到九彩了@@




講完尋花蛋歷奇之旅後,不如講下平時我地去迪士尼會玩乜啦!

午餐/晚餐我地多數去睡公主城堡皇室餐廳食Pizza兒童餐~

媽我就最愛焗豬扒飯/炸魚薯條,最近吃了咖哩豬扒便當都好好味!




<米奇魔法書房>真的不能錯過,我同皮皮睇過3次,今次來坐得最近台,太好呢!






超級GOOD SHOW!每次皮皮睇到小白得返個PAT PAT果幕都會笑出聲,百看不厭!



<童話園林>係近期新開的,公主迷不要錯過,好浪漫的啊~!來拍拍照也不錯~



好多小朋友都中意<小飛象>架! 次次來都好多人排隊,在半天飛翔的感覺真好!




小熊維尼歷險之旅、三眼仔Bang Bang槍(巴士光年星際歷險)都是必玩的!點解來迪士尼咁多次都玩唔厭架???




<小小世界>坐船仔又係坐左N咁多次,玩到識背了!



泰山屋企和<森林河流之旅>都是常常去玩的,我發現我過往三年的銀咭都沒有浪費,因為個個遊戲都玩到識背。。。



皮皮在爸爸的鼓勵下去左<迷離大宅>!之前玩過一次嚇到皮皮以後都冇玩過!!!今次有爸爸攬實就戰戰兢兢的去挑戰一下~皮皮最驚蛇頭女妖美杜莎那一幕,唔好話係小朋友,大人都會被嚇一跳!非常精彩刺激的遊戲!



另外我地今次一家三口去《動畫藝術教室》學畫醫神!雖然皮皮覺得自己畫得唔多似,但都好好跟足老師畫哂全程沒有放棄~~~



每次臨走都要在《動畫藝術廊》睇返幾轉吉卜力創作的反斗奇兵才會心熄,的確是視覺享受啊~!從中又可以跟小朋友解釋下「頻率」呢個原理~




今日真是好滿足啊!可能是下雨天和在平日日子,我地玩到很多遊戲,皮皮超級開心,臨別時還可跟漲卜卜醫神合照,實在太可愛了!


今次不是公關姐姐邀請我地去迪士尼,但都比返些優惠資料給大家參考,把握時間來「花蛋節」玩尋蛋遊戲啦!


「迪士尼花蛋節」主題活動
「迪士尼花蛋節」:2016 年 月 17 日至 月 29 日 

「迪士尼花蛋節」期間,過百隻迪士尼「花蛋」將 遍佈樂園內七大園區,當中超過 70 隻更是由多位 迪士尼朋友化身而成的趣緻「花蛋」,為大家帶來 驚喜!賓客可根據樂園指南,找尋各個迪士尼朋友 「花蛋」的蹤影,投入迪士尼春日! 


【全新】「奇妙處處通」會員專享「好友同行」優惠

由即日起至 7 20 日期間,「奇妙處處通」會員專享「好友同行」優惠,會員可以每位賓客 港幣$328 (高達約六折優惠, 39% off),無限次帶同好友入園一起暢遊樂園,參與首個「迪士尼 花蛋節」,盡情投入迪士尼春日。有關「奇妙處處通」會員於「迪士尼花蛋節」活動期間可 換取之珍藏版迪士尼「花蛋」小禮物,詳情將於 4 月初公佈,請密切留意樂園 FACEBOOK 專 頁和「奇妙處處通」會員通訊。

優惠期

即日起至 2016 7 20

優惠價

page2image4416

港幣 328 元 (3 歲或以上)

page2image4972

銷售點

香港迪士尼樂園正門售票處
香港迪士尼樂園酒店及迪士尼好萊塢酒店前堂 (酒店賓客專用)

page2image6416

優惠詳情

「好友同行」優惠 帶好友一同投入尋蛋樂!

賓客可升級為「奇妙處處通」會員發掘更多驚喜
賓客可在購買優惠門票當日,於樂園內的「奇妙處處通」會員服務中心,支付票價差
額將優惠門票升級至「奇妙處處通」

「奇妙處處通」會員類別

page2image8880
每位會員可以優惠價攜同以下數量之賓客
白金卡

最多 4

page2image11248

金卡

最多 3

銀卡

page2image13524

最多 2

page2image14040

備註

  •   優惠期內,每位會員每日只可享用此優惠一次

  •   「奇妙處處通」會員必須與他們的親朋好友同時入園

  •   優惠門票只適用於購買日當天使用

  •   賓客可支付差額升級優惠門票至「奇妙處處通」



有關詳情、條款及細則,請參閱 https://www.hkdl.hk/MA


#迪士尼花蛋節
#HappilyEverAfter





沒有留言:

發佈留言

LinkWithin

Related Posts with Thumbnails