☆皮皮的大個仔見證 ~

Lilypie Kids Birthday tickers

2015年12月25日星期五

日光環境舒服,年糕新奇@ 又一城 School Food




終於食到School Food! 聽聞間間都等好耐位。。。

這天是星期日的下午2:30,明明門面都冇乜人等位,3人位都係等2張枱,但我地就等左半小時,都幾耐下。。。

又一城分店有室內和室外,室內位就封左,室外其實都唔多4人枱,所以2人就入得快好多,好在我阿仔都乖有耐性等等等。。。



點了3碟食物,首先是炸物拼盤,有薯條、炸年糕、炸雞肉丸和沙律。

薯條和炸年糕小朋友就好中意食,上面淋了點醬汁,都幾惹味!另外可點碟中的汁,好似芝士醬,味道唔錯~炸雞肉丸都唔差,全部都脆卜卜,加上有沙律中和下熱氣感,開胃之選~



卡邦尼年糕 - 呢碟都係點比小朋友食,勁多汁,年糕軟淋淋唔怕「銀」胃都啱小朋友食~

平時食卡邦尼意粉都怕感覺很乾身又太咸,今次在School Food吃到的卡邦尼年糕味道都OK,不太咸,香香滑滑的,卡邦尼 X 年糕這個組合很新奇,最緊要多汁!而且份量都幾大碟,一家三口都食唔哂。。。



韓式煙肉卷 - 我最喜歡這碟,煙肉有少少辣味很香口,而且卷物可以做到一啖食哂很滿足呀!配合小黃瓜和紫菜香,我覺得好好味!下次來School Food也要點其他卷物試試!

小結:School Food 等位都真係幾耐==,但又一城日光環境下進食又幾舒服,上菜快手,好快有得食!小朋友又中意食,都有下次嘅,不過最好唔洗等咁耐啦~~~





沒有留言:

發佈留言

LinkWithin

Related Posts with Thumbnails