☆皮皮的大個仔見證 ~

Lilypie Kids Birthday tickers

2015年12月30日星期三

可作飯堂的親子餐廳@大戶屋-荔枝角店


今次是第二次幫襯 大戶屋 - 荔枝角店,我們喜歡它食物不錯,又有兒童餐(重點),很適合我這家庭來吃,而且這分店人流少些唔洗等,可以列為飯堂之選~


這裡的日式定食份量很豐富,首先是爸爸點的冷烏冬拼炸雞扒飯套餐,爸爸都食唔哂,份量好充足呀!


炸雞扒很鬆脆,冷烏冬又彈牙,我都好想食!



阿仔的兒童餐 - 烏冬拼牛肉薯餅,兩仔爺都好中意食烏冬,而且大戶屋的烏冬又真係幾好食,係手打feel既,好彈牙又唔粉,阿仔食哂成碗烏冬,證明好好味!兒童餐還有小禮物送,分男/女仔玩具,阿仔收到車仔,感到店員很細心~



這塊牛肉薯餅阿仔都食哂!佢人仔細細但越來越大食!牛肉薯餅還配一個醬汁,仔話好好味,我沒吃不知有幾好味了,總之小朋友啱食!而且薯餅是鮮炸,切開時還出哂煙,好新鮮呀!



最後一份 泡菜豬肉鍋 是我的了!

湯底真好味!起初諗住食唔哂,點知食食下自己一個食哂成鍋!

內有滑滑的豆腐、日式豬肉片、泡菜、韮菜和半生熟蛋一隻。豆腐真滑漏,唯豬肉片有些過肥,我唔太中意食肥膏。。。日本飯又是令人增胃口的,整個定食都很不錯!


小結:之前到太古城大戶屋都好想試下,但次次去到都好多人排,荔枝角店位置較靜,食客都是住附近的居民多,連續幾枱都是帶孩子來吃,小朋友必點兒童餐,大人細路都啱食是一家很不錯的親子餐廳!下次再試下其他定食,有好多款都想試試~






沒有留言:

發佈留言

LinkWithin

Related Posts with Thumbnails