☆皮皮的大個仔見證 ~

Lilypie Kids Birthday tickers

2015年11月4日星期三

迪士尼。10周年。六折掃貨日*\(^o^)/*




10月31日至11月8日,迪士尼「奇妙處處通」會員又有六折購物日啦!每年我都好期待這個日子,我這銀卡會員平時入樂園好忍手,點都等到六折先瘋狂入貨!



今日約左小小豬的成長日誌既kinseymama一齊入去樂園掃貨,媽媽既購物能力好強勁!互相支持買。買。買!Yeah!最後一齊大豐收,真係超級開心呀!



今期樂園指南係TSUM TSUM,唔知有冇朋友儲開呢?

最近報紙話迪士尼十周年有對夫婦粉絲十年間入左樂園超過一千次!儲左好多迪士尼精品,真心勁!我都超中意迪士尼,但會員年資尚淺,一年都係去幾次,雖然係咁,也不減我對迪士尼的喜愛!



話歸正傳,不如睇下十周年六折購物日有咩好買啦!我影左好多好多相,不詳細講了。。。(我太長氣)。。。註明一點,本人是Duffy粉絲,所以拍照產品也以Duffy為主~



先來餐具篇,主婦最愛,食飯都食得特別開心~








TSUM TSUM出左一系列產品,粉絲一頸血。。。




TSUM TSUM太受歡迎,好多都被搶清。。。







Duffy今年的小物精品超可愛!小白XDuffy造型公仔幾乎沽清...



手機殼超級靚超級靚,仲可以免費刻名字!



來到迪士尼是必買衣服的!


親子裝~勁靚,文青feel,可惜我冇女兒。。。



男孩衣服型!


好愛這套背心,料子很靚,小童的。







襪子款式少,但好可愛,左右腳都唔同樣架!



有沒有星戰迷,好多玩具囉。。。仲有激光劍未影。。。



手錶係好抵買,大部份折左都係百零蚊,今年出左好多新款!



Duffy毛毛公仔,得佢有咁多款咁多衫換,仲唔係Duffy最受款迎?





太靚啦!聖誕禮物首選~



瓶瓶罐罐。。。


我買左下的三眼仔盒子,可以當斜孭袋用架!勁CUTE!



十周年限量版精品好靚,其實我好想買個相架的~~~





百忙中拍一下店內環境,我是六折第3天到,也人頭湧湧~

逛店時有個國內大媽問我有沒有會員卡,我當然不借她啦!奇妙處處通是不能借人的!



美國大街小鎮已悄悄換上聖誕裝飾,好期待十周年盛事和聖誕來臨啊!



兩位媽媽一人一大籃,購物慾好勁呀!



滿載而歸,好喜歡這個勁大環保袋,會員價都係$26.6,唔係唔買呀?!



我地行左3小時左右,今次真係大滿足!



OKOK, SHOW TIME!!!



買左4件衫,3件我的,1件皮皮的~我真係好中意件Duffy背心仔,買大左少少可以著多幾年~



總之Duffy有新出的瓶瓶罐罐我都有儲!馬賽克電話殼實在太靚了~~~



好中意米高華素基(大眼仔)隻手錶,浮誇野好啱我!



今次購物還的紀念品終於是不垃圾萬字夾啦!轉左質素勁靚既Memo pad,仲要有Duffy,抵返哂!



下個月有十周年慶典活動,我要留返D假期去迪士尼玩返幾轉呀!超級超級的期待呢!

希望有時間寫返我十月生日去米奇廚師餐廳食Buffet的Blog啦~~~
(之前去幾次樂園都沒時間寫了...)




相關Blog:

(5月份時的購物日) 

迪士尼。六折掃貨日*\(^o^)/* 最好售是什麼?超令人心動的人手製東東!


沒有留言:

發佈留言

LinkWithin

Related Posts with Thumbnails