☆皮皮的大個仔見證 ~

Lilypie Kids Birthday tickers

2015年11月24日星期二

迪士尼。10周年。新書房!新煙花!聖誕Elsa出巡~《Happily Ever After》超級幸福快樂!



迪士尼。。。超級令我們幸福快樂的地方!最開心係皮皮跟媽媽一樣喜歡迪士尼~每次話去迪士尼都開心都彈起,餐餐都未出發.先興奮,從心底喜歡迪士尼!好中意這個奇妙的地方~!



奇妙的事又降臨在Daidai & Pipi身上啦!超級感謝香港迪士尼樂園邀請我們出席:香港迪士尼樂園10周年盛典「A Happily Ever After Christmas」盛演~ 

這天皮皮好乖,在學校做哂功課,於是放左學就帶他來迪士尼,平時阿皮叫佢做功課十問九唔應,你話係咪好奇妙先?今日居然做哂功課,非常乖仔呀!



今日是萬眾期待的全新音樂劇「迪士尼魔法書房」公映,歷時28分鐘,未開場前皮皮好開心好興奮,不停彈彈跳!到開始果時就定哂格好專心咁睇~



故事係講米奇與高飛好奇打開魔法書,因而令人見人愛的雪人小白從故事書中跌了出來。為了在小白溶化之前帶他回到自己的故事,米奇、高飛及小白踏上奇妙的歷險旅程,穿梭於7個迪士尼故事,包括:《小泰山》、《小魚仙》、《魔髮奇緣》、《勇敢傳說之幻險森林》、《阿拉丁》、《公主與青蛙》及《魔雪奇緣》。



期間幕幕精彩絶輪,而且我好中意佢地既音樂歌曲,首首都好好聽啊!舞蹈編排又好好睇~

仲有小白實在太可愛,佢得返Pat Pat果幕好搞笑呀!令到全場的小朋友都哈哈大笑,好開心~雖然有些公主角色孩子未必識哂佢地,但有米奇、高飛、小白帶動整套音樂劇真是很令人投入好好看,10周年入樂園玩必定 x 必定 x 必定要欣賞「迪士尼魔法書房」!!!



最後一幕係Frozen ,我想最多人熟識這個故事了~



Elsa女皇唱出首本名曲「Let it Go」,跟住成晚個腦就不停Loop ~Let it Go~Let it Go~@@




睇完成套「迪士尼魔法書房」皮皮拍爛手掌,開心到飛起,不停話好好睇!唔止小朋友覺得好睇,大人都覺得勁精彩!我地要諗諗再來迪士尼的日子再欣賞多次了!



晚上的時侯有《魔雪奇緣》聖誕亮燈禮

今晚真係超級多人,你知啦!好多朋友仔中意Frozen架!仲要Elsa Anna出場同大家見面~



聖誕活動期間,愛莎女皇將施展她的冰雪魔法,帶領安娜公主主持全新的《魔雪奇緣》聖誕亮燈禮。安娜公主將與歌手一起為大家送上聖誕祝福,愛莎女皇則會在漫天飄雪下登上魔雪冰梯,點亮沿著美國小鎮大街的魔法雪花燈及聖誕樹上的閃雪燈光,將大街化身為冰雪中最温馨暖心的地方。



老老實實,因為我要抱高阿皮,我乜都睇唔到==,但見到朋友仔拍到片,原來有真人唱歌,唱出魔雪奇緣的經典歌曲架!除左又係大熱Loop上腦首「Let it Go」外,仲有Love Is an Open Door 等等Frozen歌曲,真係好勁呀!



美國小鎮大街漫天飛雪,好浪漫呀!真係勁靚!廿幾卅度氣溫有雪落,真係得香港迪士尼至有!



樂園的巨型聖誕樹亮起七彩燈飾,好靚呀!Selfie指定位置~

記住《魔雪奇緣》聖誕亮燈禮 是只聖誕限定,聖誕入樂園點都要睇返次,下次一定要擺個靚位架!




真係成晚都好忙,越夜越精彩,晚上有「星夢奇緣」煙花表演~

晚間的「星夢奇緣」煙花表演將加入嶄新的影像投影技術,屆時睡公主城堡上的投影影像會與空中的璀璨煙花互相融合,大放異彩。49位迪士尼朋友將活現眼前,當中16位迪士尼朋友更是首次於表演中亮相,包括:《玩轉腦朋友》的阿樂及阿愁、《海底奇兵》及續集《海底奇兵2》中的主角MO 仔和多莉、《大英雄聯盟》的濱田廣和醫神,以及《反斗車王》閃電王麥坤。全新的投影影像,融匯煙花、燈光效果、音樂等多重元素,讓幸福快樂的故事變得更具感染力,觸動每位賓客。



去開樂園睇咁多次煙花,就知10周年既煙花和歌曲安排係完全一樣!不過城堡多左投影真係好靚,又係睇十次都唔會悶,包保次次都好開心,城堡不停閃過49位迪士尼人物,最新既Inside Out都有!



心得!要好早去霸定位,正中城堡位置睇先最清楚可以睇哂城堡在放煙花期間的迪士尼人物投影,真心靚,去到Beauty and the Beast , Part of Your World 好浪漫呀~



那天晚上開心沒停過,之後我們去10周年派對,有得食yeah!我和皮皮都係第一次在幻想世界任意穿梭,很多謝迪士尼的安排啊!



周圍都好有氣氛,而且不停遇到明星、男神、女神、903DJ和blogger,開心到爆炸!



皮皮坐在灰姑娘旋轉木馬前不停食食食好滋味⋯⋯


這裡的食物大部分都是迪士尼人物的造型,好靚架!又好好味~



皮豬仲玩左木馬和小飛象~在樂園玩唔洗排隊,都係第一次!皮皮仲想玩多幾次,但點解這晚是星期一?明天要上學啊~



10周年各位迪士尼人物都換上新裝,大家入樂園記住要找他們集郵呀!新衫好靚~



估唔到⋯今晚開始,皮皮中意左貝兒公主(≧∇≦)貝兒公主讚佢好cute,冧到阿皮好開心~~~呢張相好靚架!燈光投射了貝兒公主的影子,漂亮到不得了^_−☆



貝兒公主仲好sweet,坐低陪皮皮影相,又同佢傾計,皮皮今次真係冧滋滋~



跟著見到Cinderlla 都好開心,拖住皮皮手仔影相~原來同公主影相唔係女仔專利,男孩子都得!哈哈~



長髮公主足足同阿皮傾左3分鐘計,有咩咁好傾呀?
對著漂亮的公主,皮皮好害羞啊!



然後有「迪士尼魔法書房」出現過的《小泰山》「阿叔」,剛才他的表演好搞笑,皮皮一眼就認得佢!



《小泰山》的巴魯好大隻呀!



臨走時迪士尼的好朋友出哂來送客,好似結婚擺酒咁,好好氣氛呀!






今晚真係好開心~時間過得好快,我地仲未玩夠呀!好唔捨得呀~~~


不經不覺香港迪士尼樂園陪伴我們10周年!我還記得那些年同男朋友(即係而家老公)入樂園拍拖玩,到皮皮出世後就年年買「奇妙處處通」,迪士尼陪著皮皮成長好幸福啊!




美國小鎮大街及樂園每一個位置已換上聖誕裝飾了~聖誕來迪士尼真是好浪漫!


過了這晚幾天後,我們又來樂園玩~

真正的迪士尼粉絲啊!


今篇又水蛇春咁長,仲有好多樂園10周年活動記住留意www.hongkongdisneyland.com

最後是樂園優惠,我地張「奇妙處處通」剛好過期了~要續證啦!


~香港居民專享優惠    盡享A Happily Ever After Christmas~
萬勿錯過於11及12月展開的精彩10周年慶典,香港居民可在11月17日開始選購「4人樂遊HK$1,616聖誕套票」,亦可選擇將門票升級,成為「奇妙處處通」會員。「奇妙處處通」金卡售價將下調達14%,成人金卡新會員價為港幣$1,888,兒童金卡新售價為港幣$1,345。把握機會,與摯愛親朋一起親身感受Happily Ever After的感動,揭開幸福序幕!詳情請瀏覽香港迪士尼樂園網站:www.hongkongdisneyland.com







關於daidai & pipi
Daidai & pipi 的快樂魔法


博客:
Beauty Exchange .  she.com . elle . WeShare . ubeauty .  88db

沒有留言:

發佈留言

LinkWithin

Related Posts with Thumbnails