☆皮皮的大個仔見證 ~

Lilypie Kids Birthday tickers

2015年9月15日星期二

等45分鐘有得食!好幸福!@ 中村藤吉香港店



聽聞「中村藤吉」勁難等位,openrice寫等成3個鐘,救命!點先食到???

這天難得可以抖下氣,平日11點幾可以鼠出尖沙咀,於是博下去「中村藤吉」睇下有冇位開餐~ 



我11:40到場取籌,太約等15張枱就有位,有D機wor~ 呢度有櫈坐,等等下又有職員派熱茶,於是等左大約45分鐘就有位,比想像中快!唔想等可行開掃QR code睇叫位~



睇下Menu 有幾勁點解咁多人食先~~~



嘩!中意飲返杯既,一杯「別製初昔」綠茶要$198,我真係唔識嘆,主要想食綠茶甜品~


來到待應奉上去綠茶,個煲好燙架!水滾茶靚,綠茶的確幾好飲~


桌墊都寧捨靚過人,店內有售,這桌墊差不多200元架!有幾色選~


另外THE ONE的環境超好!今日天氣又好,被日光圍繞著午餐好舒服自在呢~



我入到餐廳,都唔係坐爆,唔太明點解唔入多些客,幸好我可以坐在窗邊位,影食物時有日光特別靚~



另一邊是茶道研習區,日本人的藝術,唔知幾時開?


有得食!首先來個甜的~
抺茶啫哩 $88

啫哩是一塊塊,軟淋淋,不彈牙的~我蠻喜歡這種質感,滑滑的呢!配上的紅豆蓉清甜,綠茶雪糕都好正,濃茶味中帶牛奶香甜,都幾大兜架!



熱腐皮烏冬定食 $118

我第一次食綠茶味烏冬,真係好好味好驚喜!

首先是腐皮,平時我唔中意食米線舖的腐皮,但日式腐皮居然覺得好好味!又鹹又甜好得意,而且口感都唔錯,一D都唔韌,咬落口有幾層,good ar!

另外白飯都ok,最主要有飯素夠哂味精,唔覺唔覺扒哂成碗飯!


綠茶烏冬好味呀!小小彈牙又唔韌,唔同平時食既烏冬,又係不經不覺地會食哂成碗!湯底清甜,配的蔥都幾辣口,我中意食蔥覺得夠爽口好食,但家夫就唔like蔥就飛走哂⋯



我最期待的抺茶芭菲$98 到啦~~~



見到個外型真係超吸收!港女即selfies Y(^_^)Y 老實講,一條友隊哂成杯芭菲真係好飽,但多重口感真係好正~

面頭果層cream估唔到唔太甜又夠smooth食落口唔漏⋯

下層有綠茶雪糕、紅荳蓉、啫哩、小玉(?),其實同頭先個綠茶啫哩既料重覆,但另外有綠茶蛋糕、脆脆粒、粟子(好似係),加落去就多D野咬下,好味呀!



前果排食足5天清菜餐減肥,今日就勁食綠茶甜品,餓底冇得救,你比我食落去啦~~~~~~+_+



一場黎到當然要買返D手信返屋企品嚐啦!

呢度有好多款綠茶甜點任選,我是選擇困難的,樣樣都有興趣~



仲有不同的茶葉,包裝好靚,好想買⋯



最後買左2個cake,拎到回家實在我冇乜點食過,比阿皮仔食哂⋯

首先有綠茶雪芳蛋糕,望落好大個,實質好細,非常鬆軟的蛋糕,充滿空氣感,好輕身,唔太甜,茶味香,食左好似冇食過(≧∇≦)



綠茶金磚比皮皮食哂,查實細細件,聞落好香,我都想食,但$22一舊唔太捨得買,皮仔表示好好味,大叫:「我好中意食綠茶蛋糕呀!」~~~~~


潮完聖,好開心!食到綠茶東東喇!可心息,因為我地好唔中意排隊⋯真係有閒情雅緻至好黎食。


沒有留言:

發佈留言

LinkWithin

Related Posts with Thumbnails