☆皮皮的大個仔見證 ~

Lilypie Kids Birthday tickers

2015年9月21日星期一

潮住玩!型住尖叫!@海洋公園哈囉喂全日祭2015 x bossini Halloween 系列



海洋公園哈囉喂踏入15周年啦!原來時間咁長~那些年我細細個同男朋友仔黎玩,真係好驚好驚!驚到D鬼走埋黎我會忍不住打鬼~~~嚇屎我-_-#

而家人成熟左,完全冇驚既感覺,仲漏d鬼傾計添(≧∇≦)哈哈~事隔多年,男朋友已經變成爸爸,與皮媽挽手入哈囉喂玩喇!



我這天是優先場,哈囉喂6:00pm開,但我收工後7:00pm先來到,來到時地圖冇哂,場刊得返簡體字⋯咁多人入左黎玩?好驚排長龍啊@@


今晚因為時間關係,我係冇勁玩鬼屋。。。只係在海濱樂園玩,沒有上山那邊的高峰樂園啊~


不過海濱樂園呢邊都有好多驚喜!皮爸都要應下節,著住bossini螢爆蝙蝠TEE($130)入鬼屋,蝙蝠圖案會螢光,嚇返走D鬼~!!@@



我中意呢隻女鬼,好靚女架!我同佢襯唔襯先?

bossini螢爆蝙蝠袖衛衣$250


我地去左玩驚嚇指數爆燈既「逃出陰屍路」,真係超級正,入面好大,勁多鬼!場景好逼真,嚇到你腳軟!入到去D鬼仲同你互動,好好玩!



企我前面個女仔攬實男朋友真係好驚!我見佢行唔郁仲反超前佢,哈哈!我唔驚鬼架。。。嚇我唔到@@



扮野Walking Dead。。



呢度係親子BLOG黎家嘛~不如睇下小朋友有咩鬼玩先啦!

首先有「小南瓜糖果遊」,入到去沿住小路向南瓜小精靈玩遊戲,贏左小精靈會送你糖果!



想要糖果就要黎啦!抵玩呀!又mentons又TIMTAM又珍寶珠,小朋友極開心!南瓜小精靈都是美麗可愛的姐姐,小朋友會好中意佢地架!



今年多啦A夢都一齊去扮哈囉喂~


大人小朋友都要黎「多啦A夢哈囉喂影城」玩餐飽,可以勁集郵@V@!




不過今日黎大人多過細路哥。。。




入面冇鬼架!全場都係多啦A夢同佢D朋友,仲有小精靈一齊玩一齊影相,開心開心~~~





仲有機打!




行到最後多啦A夢會親身出現同大家影相架!最搞笑多啦A夢識單眼,好得意!!!



兒童樂園的攤位遊戲都變哂多啦A夢~


全場得呢度掟波波先有多啦A夢和多啦美公仔咋!



大雄隨時會在園內跟小朋友拍照,小朋友們都好興奮呀!



其實小朋友去哈囉喂都會有D驚驚,爸爸媽媽記住帶小鬼們黎玩呀!可以勁同多啦A夢影相真係CUTE爆呀!



另外推介一個哈囉喂SHOW比大家睇,「極樂嘩鬼運動會」真係好精彩!睇到嘩嘩聲!


各路妖魔鬼怪施展渾身解數,出盡陰招,比拼一系列搞笑又刺激的競技項目,爭取一日做活人體驗的「陽間通行證」! 比賽過程笑料百出,小心隨時爆笑收場!


勁到有肌肉男跳鋼管舞,睇到全場V嘩尖叫!



仲有「無眉娘」跳辣舞,好睇過FFx 跳「羞家Baby」(≧∇≦)


9用去哈囉喂仲好鬼熱,不妨入黎「極樂嘩鬼運動會」涼住冷氣睇Show啦!睇完爽哂!


跟住都係搵鬼集郵⋯
阿婆話唔好搶佢D飽,阿婆D飽唔係比你食既~=_=


其實好多鬼都高大有型(*^o^*)


呢兩公婆就超恩愛,講日文架!


香港老大街呢邊就有幾款搞鬼公仔遊戲玩⋯




我覺得最正係有南瓜纜車搭,可愛爆燈!


大家去哈囉喂諗到著咩衫未?
今年bossini 出左一系列Halloween 衫,大人小朋友都有,比你情侶裝又得,家庭裝都得!齊齊型住潮住玩哈囉喂!成為焦點!鬼都讚你靚(☆_☆)


皮皮就超驚嘩鬼,我就冇帶佢玩Halloween 了,但佢就有套骷髗骨頭衫和蝙蝠Tee,下個月叫佢扮下野先!



謝謝bossini 贊助好型既Halloween 衣服和海洋公園全日祭哈囉喂2015門票~哈囉喂是每年十月必玩的節目( ^ω^ )



海洋公園全日祭哈囉喂2015
http://halloween.oceanpark.com.hk/html/?lang=tc


bossini旗艦店地址九龍旺角西洋菜街6-12A號地下至3
bossini網上商店www.bossini.com





沒有留言:

發佈留言

LinkWithin

Related Posts with Thumbnails