☆皮皮的大個仔見證 ~

Lilypie Kids Birthday tickers

2015年8月22日星期六

皮家的食堂 @ 丼丼屋食堂 X 五周年感謝企画



每逢假日我地皮家一定會出外玩,玩到夜一夜先歸家,皮皮都幾中意出街,最唔想返屋企果個係佢,所以每逢假日我地都出街食飯,「丼丼屋食堂」係我地皮家既飯堂,一個月都有2-3次來丼丼屋開餐!

今日行完街,好肚餓呀!問皮皮想食咩呀?皮說:「媽咪,不如去丼丼屋啦!」(下?又食?上星期先食完)不過OK既,丼丼屋好多選擇,真係好啱我一家人來開餐!



話時話,丼丼屋成日都大排長龍,所以我地會早早來吃,因為我地好唔中意排隊。。。

皮皮而家好醒架啦!自己點餐,自己同待應哥哥姐姐講食乜,不過佢餐餐都點同一樣野,你估下係乜?



媽媽我今日點了特上天婦羅配冷烏冬,這個天婦羅我吃了第3次,真係好好味喎,我食極都唔厭!



皮皮點的餐來了!

皮皮來丼丼屋,每次都同一樣點這個「兒童餐 - 雞肉漢堡定食」,佢真係好中意食那塊雞肉漢堡,食足2年都係咁,非常忠心的粉絲呀!懇求丼丼屋千萬不要轉這個雞肉漢堡定食,阿皮無得食可能會喊架。。。



其實每次出街食飯都好勞氣,成日食得慢吞吞。。。唯一來丼丼屋食飯係最乖,自己食哂成個餐,仲要好快手,密密食,表示好好味!

但果兩舊玉子蛋,皮皮就唔中意食,因為凍的,皮仔唔中意食凍野,如果改D熱的瓜瓜菜菜便好了~~~



我那份「特上天婦羅配讚岐烏冬」到啦!天婦羅熱烘烘的很好吃,我太喜歡內裡是非常多料,原粒帶子原條蟹棒太GOOD啦!

讚岐烏冬非常彈牙!我很喜歡吃丼丼屋的烏冬,冷熱都好吃!



仲有天婦羅唔厚粉,連脆漿也很脆脆,亦不油膩,是今期最愛菜式!


皮爸中意石鍋飯,「汁煮牛扒石頭鍋丼」啱哂佢,啖啖肉,又多汁,飯都好味過人!


皮爸話個石頭鍋好熱,令到d飯變哂飯蕉脆脆地好正!拌飯時好香好香,下次我都要試石頭鍋飯!



看看餐桌上的宣傳牌,原來丼丼屋五周年啦!皮皮豬今年都五歲啦!我真係好記得手抱BB皮的時候已經常常幫襯丼丼屋,由推BB車入丼丼屋到而家皮皮自己彈彈跳跳入餐廳不經不覺五年了,時間過得好快呀!



丼丼屋食堂推出五周年特別呈獻:《丼丼屋五周年感謝企画 の 特典二重奏》


第一重奏是「丼丼屋獎賞卡」,頭先爸爸食既餐有呢個優惠~

於主餐目選:滑蛋豬扒丼、滑蛋雞肉丼、十勝帶廣名物豚丼、汁煮牛扒石頭鍋丼或三文魚親子帆立貝丼五大人氣丼飯一客,可獲印花一個;集齊五個印花,即可免費享用價值港幣$88 或以下的丼飯一客。

對於我們來說不難儲的~



第二重奏:「味の手帖」

凡惠顧滿港幣 $200 即可獲贈【味の手帖】乙本,內附多達十款自選丼飯、小食、飲品及甜品等餐飲優惠券,總值超過港幣 $200!

好野!可以黎番下次用!慳返少少可以叫多個甜品食~yummy(≧∇≦)


丼丼屋食堂仲有好多好野食,我地食到menu 都識背,絕對是忠實粉絲!下次去丼丼屋食飯,不妨撞下我地,我再推介好吃東東給大家啦!






關於daidai & pipi
Daidai & pipi 的快樂魔法

博客:
Beauty Exchange .  she.com . elle . WeShare . ubeauty .  88db




沒有留言:

發佈留言

LinkWithin

Related Posts with Thumbnails