☆皮皮的大個仔見證 ~

Lilypie Kids Birthday tickers

2015年8月19日星期三

梳乎蛋流沙包,好味又好CUTE呀!@点心代表



之前皮媽同婆婆黎過《点心代表》飲過茶,D點心都幾新潮有型,皮媽我成日都想帶皮仔來吃一次!

今次有機會啦!兼且一定要食到!因為《点心代表》最近加入呢期最HIT既蛋王哥做主題點心,超級得意KAWAII!皮皮好中意這個雞蛋君,所以放假天帶了他來吃!



星期六下午5:30我們到了位於THE ONE的《点心代表》,店員說大約等1小時,但我們足足等了2小時==,最慘係皮皮佢好堅持要在門口等,2個鐘完全沒行開過,我有時都好頂唔順呢個仔既固執性格,點知等等等,皮皮瞓著左,好彩全程有個位坐下,如果不是媽媽的阿燥會出來鬧爆你!

講返呢間茶樓仔先,周圍都佈置著雞蛋君的畫,好得意,係雞蛋君先可以令我有咁好耐性去等架咋。。。




今次一共推出九款雞蛋君造型的點心,款款都好得意,笑C我地!可是有3款要到九月中先推出,而我地當日只係食左2款梳乎蛋點心,好多賣完,好失望,實在太好賣喇!



問皮皮想食乜,佢話好想食奶皇包,佢平時都好中意食奶皇包架,今次係佢至愛既雞蛋君造型簡直是夢寐以求!



等等等。。。終於有得食啦!張餐紙係雞蛋君黎架!好搞笑@@



雞蛋君點心特別有張點心紙架!太得意,我都好想拎張點心紙返屋企!

我地點左幾款雞蛋君點心,但乜都冇,只係得個炒飯有,實在好想黑面!!!等2個鐘乜都冇做等黎做乜?!?!?!?攞籌時你又唔講售罊,果一下真係火火地!!!



不過雞蛋君係有治癒之效,見到佢個樣咁搞笑咁Hea,加上好肚餓就嬲唔落。。。

我地一坐低店員叔叔就好識做,即刻開壼茶比我地,大家記住要點苿莉花甘香茶,因為送個雞蛋君杯墊,$20一個茶位有塊杯墊乜都抵哂!



我地唯一點既梳乎蛋點心:梳乎蛋煙肉五穀炒飯 $69

這個Hea蛋配兩片煙肉既造型簡直同平時的精品造型一樣呀!好搞笑,蛋黃個樣係可食用膠紙來的,但我地就留起左,用黎做乜??繼續看下去!!~~~



其實個飯味道沒什麼特別,係五榖飯感覺健康D,另外隻蛋係日本來的,蛋黃的味道是溫泉蛋味,幾香蛋味都唔錯,食到碗底有隻Hea蛋望住你,好搞笑!


呢個時侯皮皮終於瞓醒左,頭先我留返蛋黃哥樣子的膠紙是因為我點唔到「梳乎蛋流沙包」,皮皮如果冇得食我諗佢會喊爆!!!為博孩兒一笑,我地叫左個普通奶皇流沙包$25,然後貼塊貼紙扮係雞蛋君算了。。。尚算過到骨,我阿囝唔知咩事,可以嘔到奶皇,氹到佢開心就得啦!



瞓醒心情好,胃口都特別好,皮皮今晚食左2個奶皇包!勁呀!


冇雞蛋君點心食,唯有食下普通點心,路邊豬腸粉 $39 其實係蒸排骨齋腸粉,一碟有2款點心品嘗都幾化算~~~



山竹牛肉球 係我阿囝和皮爸至愛,牛肉很鬆軟,老細表示唔錯唔錯~~~



我自己獨霸 原粒瑤柱灌湯餃$59,好正呀!成粒瑤柱好大粒,灌湯餃入面亦很足料,鮮蝦蟹肉乜都齊,湯亦很鮮甜,個人很喜歡這碟灌湯餃,新鮮出爐好好味!



在食飯期間可以隨便拎雞蛋君POPS黎玩,啱哂中意乜都影一大餐既皮仔,好開心呢!




張張相都擘大口,真係好交戲,好好味喎~



坐坐下聽到回復返梳乎蛋流沙包 $49賣,我地趁未走又未飽即刻叫左一籠黎食,真係好熱辣新鮮呀!待應哥哥說個籠好熱好熱,要小心呀!



終於一賞心願,食到呢個梳乎蛋流沙包,好搞笑呀!三個都唔同樣架!



於是一家三口一人一個包包食食食,小心梳乎蛋流沙包堅流呀!我一咬成手都係奶黃了!



皮皮又食多個包,今晚真係食包飽~

今日最失望係食唔到真真假假流心布丁 和 震騰騰奶凍 ,食到個包算了,真係唔會再來排隊,好辛苦呀!除非我地閒日得閒黎唔洗排啦。。。



另外店有DIM SUM ICON X gudetama 既限量版tee 和 tote bag賣,真係好搞笑呀!


本來我都想買同皮爸一人一件tee搞笑下,但得細碼和中碼,男士無緣,細路又冇得hea,所以打消念頭唔買lu~~~




埋單時有客問有冇得訂位,店員姐姐話太旺唔做訂位了,要walk-in等,如果真係好中意gudetama,真係要早D黎開餐,晚上乜都冇,雖然我地真係等好耐,又乜都冇,但總括來說點心是好吃,皮皮又食得開心媽媽就開心的了!




《点心代表》
尖沙咀The One L308









關於daidai & pipi
Daidai & pipi 的快樂魔法

博客:
Beauty Exchange .  she.com . elle . WeShare . ubeauty .  88db


沒有留言:

發佈留言

LinkWithin

Related Posts with Thumbnails