☆皮皮的大個仔見證 ~

Lilypie Kids Birthday tickers

2015年8月14日星期五

免費暑期親子活動 @ 香港海事博物館「香港製造:我城‧我故事」專題展覽 、親子工作坊




今年夏天媽媽我帶左皮皮去好多地方玩,今次分享個免費親子活動大家都可以一齊去玩架!

星期日時我地去左 香港海事博物館 「香港製造:我城‧我故事」專題展覽 及參加 暑期親子文化活動及工作坊~

活動由滙豐贊助,由展覽到工作坊費用全免,夏天咁熱,真係入去看展覽和涼冷氣絕對是一項不錯的親子活動呀!




香港海事博物館 在中環八號碼頭,我地之前都來參觀過博物館,對住個維港環境好靚架!




香港海事博物館 劃分了一部份為「香港製造:我城‧我故事」專題展覽,細味香港故事點滴,以圖像、影片、展品及口述歷史等展出香港由漁村到現在的發展;

除了帶小朋友去認識香港的過去外,巿民更可回味和了解更多香港一直以來的趨勢與成長;

生於及生活在香港的朋友們,都很值得去參觀的一個展覽呢~




皮皮今日好開心,又事事問,好投入參展這個展覽~



展廳有很多懷舊展品,可以慢慢細看~


但皮皮今日最期待的,是參加「親子手工藝 - 自製錢罌」工作坊呀!


今日有幾個導師教各位小朋友自製錢罌的方法和技巧~


提提大家如果想參加親子工作坊或任何公眾活動,都要預先取籌架!


皮皮今日話想做個恐龍錢罌,佢好有創意的砌砌砌,整左個長頸龍出來,仲要有腳架!哈哈~


每次做親自己喜歡的事,皮皮都會好投入、好認真~



錢罌要有錢入先得架!於是皮皮請媽媽以咭紙剪一些圓型,然後寫上4,20,65...等等奇怪的恐龍貨幣入落錢罌,幫恐龍儲錢~



親子合作完成啦!其實大部份都係皮皮自己整,我真係覺得佢好有創意,今個暑假大個仔左好多!



皮皮話好中意自己的作品,露出滿意的笑容,叻叻仔!仲問Miss佢整得靚唔靚~?



好開心!因為腦子想了很多鬼主要,皮皮覺得好搞笑~~~



又黎POST王。。。



呢個親子工作坊,滿足了小朋友的創意和成功感外,更可以學識儲蓄的習慣,好好玩又有意義!



大家帶小朋友黎海事博物館玩,記得去登記親子活動呀!每星期/時段的工作坊都有不同主題,可以到海事博物館的網頁查看~




完成親子工作坊,我地繼續參觀展覽,探索香港鮮為人知的故事~



皮皮真係好長氣,每事問,他對所有展品都好有興趣,最好玩展品收藏在櫃筒裡,要拉開才看到,可以開拉櫃子,咁好玩,阿皮就好開心!




而爸爸媽媽可以憶念一下香港的發展,香港人真係好勤力,充滿活力!

展廳中間有個大球體,名為「小球大世界」,360度視覺效果,播放香港最具代表性的產物與商品,介紹香港的商貿發展,都幾好睇架!



我地一邊看展覽還一邊玩「動物找找看。親子自助遊」小遊戲,小冊子可在展覽門外領取~


看完「香港製造:我城‧我故事」展覽後我地仲入左海事博物館常設展館入面玩~

皮皮對每事都感新奇好玩,其實佢細細個果時來過但應該沒記憶了。。。

見到阿囝開心阿媽都開心,我要帶多D皮皮去唔同地方,等佢見識多D又學多D,享受生活便好了!



「香港製造:我城‧我故事」展覽期至2015年9月4日,就趁暑假完結前去玩啦!

更多詳情可瀏覽香港海事博物館網頁(www.hkmaritimemuseum.org/MadeinHK
Facebook專頁 (www.fb.com/HKMaritimeMuseum)






關於daidai & pipi
Daidai & pipi 的快樂魔法

博客:
Beauty Exchange .  she.com . elle . WeShare . ubeauty .  88db

沒有留言:

發佈留言

LinkWithin

Related Posts with Thumbnails