☆皮皮的大個仔見證 ~

Lilypie Kids Birthday tickers

2015年8月28日星期五

醒目皮皮,最愛吃健康糖! @ CATALO





其實做左媽媽差唔多五年我覺得日日都有新挑戰,湊仔唔係齋湊咁簡單,「教」才是重點啊!有時為個仔勞心勞力、鬥智鬥力其實消耗好多能量,可能得媽媽才明白。。。

小朋友成長發展需要吸收更多營養,媽媽日日勞力操心食無定食都想食得健康有營,今日分享下給孩子和我自己的補充品,眾多健康品牌中,我覺得CATALO的營養補充品係最全面既,由小朋友到老人家都有不同選擇~

早前收到CATALO幾款營養補充產品,我同皮皮吃過後都覺得很不錯,媽媽更留意到皮皮健康左,食飯都大啖左,今個暑假仲高左少少添!



首先有: 兒童藻油DHA奧米加3軟糖

產地: 美國

價錢: HK$398 / 120 粒


雖然這瓶 兒童藻油DHA奧米加3軟糖 選用高純度life’sDHA™天然微海藻植物DHA精華,但就無任何海洋污染物及魚腥味,是好香甜的橙味和檸檬味啊!

產品說明 Omega 3軟糖 有助兒童腦部和眼睛健康發展,當中的天然奇異籽油,能提昇小朋友專注力、穩定情緒。




橙味和檸檬味中,皮皮較中意食橙味~真係好香甜呀!

媽媽我試過哂2隻味,的確檸檬味酸DD,但味道很天然~



Omega 3軟糖 食落口唔痴牙,唔會影響牙齒健康,口感淋淋地,就算係細個小小既BB或小朋友都食得!皮皮每日都主動問我攞黎食架!佢而家差唔多5歲每次最多可以食3粒(一日2次),通常佢做完功課我就比2-3粒比佢做獎勵啦!

至於專注力有冇改善到?媽媽感到皮皮隨著長大專注力會越來越好,皮仔好中意睇圖書,佢會好乖靜靜地自已一個睇圖書,有次仲睇左成個鐘添!係我提佢要休息下先至停~我很欣賞皮皮對圖書的專注和閱讀興趣,希望佢學多D字能自己理解書中內容就更好了!



第二款: 兒童DHA藍莓忌廉魚油

產地: 美國

價錢: HK$298/30包


產品介紹:
兒童DHA藍莓忌廉魚油特選優質天然無污染深海魚,採用嶄新先進科技,製成高純度、高濃度的奧米加3深海魚油精華。

每包DHA藍莓忌廉魚油配方提供200毫克DHA和50毫克EPA精華,此高 DHA 4:1 EPA比例 配方專為小朋友設計,能促進DHA吸收,為腦部及視力發展提供優質營養,提升學習所需的專注力、記憶力、觀察力和解謎能力,令頭腦更靈活,視覺更敏銳,小朋友自然醒目又精靈。




一盒30包,一天一包剛好一個月份量~



估唔到,皮皮係中意食魚油既。。。魚油帶著很香的藍苺味,所以較容易入口,小朋友食得好開心!

如果怕魚油腥,可以用黎塗麵包餅乾一齊食,味道更可口~

老實講,媽媽我食過真係覺得好腥,我食一啖就掉左,但小朋友試新食物就會好中意,藍苺味魚油未食過覺得好好味好新鮮!

不少學說都話Omega 3、DHA等營養都對小朋友腦袋發展有重大益處,其實都啱既~ 而且CATALO的魚油都係無污染,所以媽媽都很安心比孩子吃~



 兒童益生菌強健配方

產地: 美國

價錢: HK$238 / 60 粒


產品介紹:

CATALO兒童益生菌強健配方 選用獨特益生菌BLLA配方,含有兒童需要的嗜乳
酸桿菌及雷特氏菌,配合天然纖維果寡醣(FOS),100%純天然,一個月以上BB已經可以食~

能有助保持腸道益菌平衡,抑制害菌生長,促進腸道蠕動,解決腸道熱氣及過敏不適,減少毒素積聚吸收,紓緩偶發性便秘或腹瀉等問題,增強免疫力,改善身體健康。




兒童益生菌強健配方 是以膠囊包裝的,皮皮而家仲未識吞藥丸,所以我是拆開膠囊,再混合飲品給他服食;

嬰兒和幼兒可以混入牛奶中一同飲用,皮皮而家大個較少飲奶,我就混入蜜糖水/果汁給他喝~

我阿囝有個壞習慣,就係成日掛住玩,唔去大便,有時隔2日都唔去,但食左益生菌後見佢天天都會去便便,而且都排得多,是健康的便呢!



皮皮呢排都食好多野呀!自己食哂成個兒童餐真係好叻仔的了~ 佢都算乖唔太挑食,魚、肉、菜、水果乜都食,最近度高仲高左少少添!



然後到媽媽補身的: 高鈣有機燕麥奶

產地: 台灣

價錢: HK$138/500克


產品介紹:
 
CATALO高鈣有機燕麥奶採用優質非基因改造全麥及獲澳洲頒發有機認證的燕麥製成;燕麥或有助於穩定膽固醇,保持心腦血管健康,亦有助腸道蠕動及減輕偶發性便秘。加入卵磷脂和黃豆,更增加穀物的風味及營養。

高鈣有機麥奶含有豐富鈣質及每食用份量(30克)含75毫克葡萄糖胺,有助保持骨骼及關節健康,
適合不同年齡人士及素食人士天天食用。



每次將3湯匙高鈣有機燕麥奶加入150毫升熱水攪拌,即可飲用。

我喜歡用來作早餐來吃,3湯匙高鈣有機燕麥奶真是夠飽肚,或者豐富點可加片方包或一份水果。

本身我對麥皮真是麻麻地,但出奇地CATALO這盒有機燕麥奶係幾好味,我做足成個星期早餐都唔怕悶,唔太甜又有少少燕麥口咸,淋淋地都唔錯架!我長期放公司吃的,早餐要清淡D 健康D !



另外CATALO的燕麥脆脆都幾好食,這款是: 藍莓果仁及四籽脆脆燕麥~

產地: 美國

價錢: HK$48/340克

我喜歡它多重口感,由藍莓果仁及四籽脆脆燕麥精選優質原片燕麥製造,含豐富的膳食纖維,有益心臟及腸道健康~





我自己較喜歡浸牛奶吃,因為脆脆燕麥都幾有口感,勁脆卜卜,半浸著牛奶會淋返少少~

當中有大量加入天然乾果(藍莓乾,蘋果乾) 及果仁 (杏仁,胡桃,亞麻籽,南瓜籽,芝麻,葵花籽),非常有益健康,小朋友都啱食,當小吃脆卜卜好過吃零食呢!

另外還有小紅莓櫻桃果仁脆脆燕麥,同樣好吃,我也用來做早餐,讓腸道健康些,多點蠕動排走廢物,最緊要係食極都唔怕肥!有足夠能量還可該身材更SLIM,真的很喜歡這份早餐!


總結:CATALO的產品多元化,健康食品由小朋友到成人都食得,我自己比較中意兒童益生菌強健配方,啱哂我無時停的囝囝,因為佢成日掛住玩唔注重大便,食左益生菌提佢身體要去排毒,清理腸胃~還有孩子在這個夏天都沒有生病(touch wood),不知是否跟服了CATALO的健康食品有關?我每天都以CATALO的燕麥片/燕麥奶做早餐,腸道都會健康一點,唔洗成日食快餐咁冇益,媽媽也要回復元氣~





試用產品及產品說明由品牌提供。





2015年8月27日星期四

4大功效,1支智能眼霜獨有 @ CLINIQUE Smart Custom-Repair Eye Treatment智 能修護活肌眼霜

 

如果說我最著重的皮膚問題,我會最先關注眼周皮膚保養,不得不承認過了三十歲後衰老得很快,每次拍照都見自己笑容燦爛,但郤見到魚尾紋跑出來出!真是有點擔心。。。


常常想找些好用的眼霜,我的心水是:夠保濕、夠清爽、去紋掂!


今次找到心水眼霜啦!一支可以同時改善部肌膚問題:去紋、亮肌、補濕、緊緻。。。

便是: CLINIQUE Smart Custom-Repair Eye Treatment智能修護活肌眼霜 HK$420 (15ml)

我簡稱它做「智能眼霜」!




首先,我太喜歡這支智能眼霜的質地了!是我心中最愛的輕盈乳霜,每次只是唧一泵,便可以足夠塗雙眼,質地很易推和濕潤,也快滲透,感覺眼周皮膚很舒服!


看!真是好濕潤,非常補水又易滲透! Clinique每次出新產品我都好有信心~ 在這夏日真是很好用,相信冬天都可以Keep住用呀!



用左2星期我覺得它最能改善我眼紋的幼紋問題,之前用的眼霜不夠潤所以眼紋差少少。。。

另外補濕能力一定要大讚,因為我常常定格打電腦令眼周皮膚很乾,用了這支智能眼霜能助我時刻保持水份,唔拍眼周乾爭爭,支持一天工作都唔變累。。。

我成日戴隱形眼鏡時常拉眼皮,其實好易搞到皮膚鬆馳,有了Clinique智能眼霜可以幫我緊緻返眼周的皮膚,讓皮膚緊緻起來,望落去年輕D、精靈D ,眼周皮膚亮麗一點!



好彩我的眼袋未算勁,但黑眼圈就深D,老老實實我成日都覺得好攰唔夠瞓,但晚上用了這智能眼霜後第二天起來都唔會太殘。。。

真想去個旅行叉叉電,奈何自己忙到甩碌連大假都唔夠==(哭)




生活艱苦,唯有用返D好用既護膚品幫補下,氹下自已開心,我記得Clinique 仲有支Smart Serum都好好用既,很想回購,今次這瓶CLINIQUE Smart Custom-Repair Eye Treatment智能修護活肌眼霜 真的不錯,是我心中想要的眼霜來呢!





試用產品及產品說明由品牌提供。




2015年8月26日星期三

DIY最滿足 @ 愉景新城「多元智能至叻小學堂」




皮皮其實係一個潔癖小孩,佢好唔中意污糟架,但今日佢雙手充滿顏料,都笑得好開心,媽媽好欣賞你突破了這點,又成長多一點啦!


點解皮皮雙手咁污糟都笑得落?係因為今日去左荃灣愉景新城參加「多元智能至叻小學堂」~ 呢個活動係親子形式進行既,媽媽都有得玩好開心呀!



愉景新城為鼓勵培養兒童多元智能發展,以「八大多元智能」理念舉辦不同類型的「多元智能至叻小學堂」,讓小朋友達到身心多方面發展。課程以「八大多元智能理論」為基礎,透過活動教學的方式引導小朋友發展八個重要範疇,包括:語文、邏輯數學、空間、音樂、肢體動作、人際關係、自我反省,以及自然觀察。


今日我地就參加左「紙板城市親子工作坊」,比小朋友構思下我地生活緊既城巿有什麼?

然後再利用環保紙板砌成心目中的城巿,真係幾好玩架!



由導師姐姐引導下,小朋友首先先用紙筆去構畫城巿的一切,皮皮即係諗到有橋、地鐵和大廈~



然後就可以在紙板上繪畫心中的城巿了~



皮皮話佢間屋係彩色既,所以屋子四面和屋頂都不同顏色~


真係好靚啊!


畫畫下仲有橋、巴士和地鐵,皮皮果然好中意交通工具~


導師姐姐都讚好靚啊!


皮仔就好滿意他的作品,是他自己一手一腳畫出來和砌出來的!非常有創意呀!


仲可以同隔離位既小朋友的城巿合併,原來好好玩架!


這是導師姐姐創作的城巿,特別鳥語花香的~


皮皮完成他的作品後不停向周圍的小朋友介紹他的城巿,佢話有青馬大橋、地鐵和巴士,可以搭巴士經青馬大橋返屋企,皮皮真係好留意身邊事物的,又有創意,要比個叻佢!



最後小朋友們和作品一同大合照,個個都玩得好開心,整個課堂1.5小時,話咁快就下課了~


愉景新城「多元智能至叻小學堂」仲有其他班舉辦的,我地想參加「太陽能環保燈親子製作班」,可是時間不合就沒玩了,除了小學堂外,愉景新城每星期都有故事分享,下次有時間我再帶皮皮黎玩啦!

媽媽蠻喜歡這個「多元智能至叻小學堂」,因為逛商場不只行街Shopping 咁死板,最開心係有得玩、有野學,啟發思維,仲可親子一同參加!睇返費用唔算貴,DP Kids會員都係$140一堂(1.5小時),大約8-10個小朋友一齊上,價格都OK!

仲有希望愉景新城快D裝修好,開返多D餐廳,我地好中意來逛街架!


想報名及了解更多「多元智能至叻小學堂」,可以到愉景新城網頁睇下~
http://www.discoverypark.com.hk





去水腫掂!菅式美体、美腿骨気療程 @唯美研肌。菅式骨気美容



承上回:勇之初體驗:韓式啪骨,小顏骨気@唯美研肌。菅式骨気美容
http://daidaipipi.blogspot.hk/2015/08/blog-post_23.html

上回講到我去左個韓式小顏骨氣,即係啪骨,過程都幾痛。。。
而今回我就會分享下「菅式美体骨気」和「菅式美腿骨気」療程,做完成個人slim哂,去水腫好得,真係好啱我呢類返工中成日坐既OL~~~
(注意:此篇文章有大量肥肉,慎入)



今次圖片不多,因為美腿美体時不能自拍,而且,人人話做身唔係好痛,的確身體夠厚肉所以唔痛的,但骨気師話我淋巴實哂,按到D淋巴位真係好痛!今次真係痛到大叫~

首先係做「菅式美体骨気」,做身體範圍大,好似揼骨咁,去到膊頭位就特別酸痛,另外做到腰位位置,骨気師會強力幫你摵走脂肪,所以完成後會見腰線出返黎,骨気師話我係好水腫既人,效果係好明顯的!

「菅式美体骨気」主要針對缺乏運動的都市人,如我==

長期坐在電腦面前⼯作,不良坐姿及飲食習慣,都會讓毒素同水份冇法正常排走,脂肪亦會積聚於胃部、腹部及腰部。。。

透過菅式骨気整体的4部曲:起式舒緩、骨気按摩、型態修正、肌⾁放鬆,加速血液循環、暢通淋巴系統,提高脂肪分解、有效減去腰間贅肉、收細胃腩及肚腩。同時改善腰痛、便秘、 生理不順等問題,重拾健康和迷人腰線。



附上肥肉一堆。。。估唔到人手塑形係咁掂!背脊SLIM哂!最驚喜是腰位,本來水桶腰,美体骨気後有返條腰!骨気師Nicole話我本來膊頭位左高右低,佢幫我拉返正成個人的骨,盡量平衡返左右兩邊不均的情況~

另外肚腩也扁平點,沒之前般谷住谷住,排走腸和胃氣,徒手摵脂都好掂!

如果有時間的話我都想做多幾次,等我身形平衡D,想衫都靚D丫嘛~~~


下一 Part 做「菅式美腿骨気」療程,同樣地很適合少做運動的女士們~

我返工成日坐,但其實都好攰,因為有時多野做起上黎,洗手間都忘記去,到記得去果時都已經急到爆==日坐夜坐,於是形成水腫腿,行步路都重/攰過人。。。

「菅式美腿骨気」療程可以改善不正確的坐姿和站姿,經常翹腳及穿高跟鞋的人士。

姿勢不正確容易令我們的骨盆外擴、下半身肥⼤、 臀部外擴及下垂、肌肉過度崩緊而產生的⼤小腿等體形問題。

透過美腿骨気,推、 拉、搥、拍等多種手技,加強⼤腿⾎液循環,打通大⼩腿的經絡,扶正骨盆位置,縮小骨盆及臀部,柔和腿線,改善⼤細腿、O型腿、X型腿等問題。



美腿骨気時我覺得痛過面呀。。。嗚嗚。。。因為我腿很腫,成日坐,淋巴塞哂,腿的肌肉好硬,骨気師要為我通淋巴,一按淋巴位真係痛到大叫。。。我真係覺得呢幾年老得好快==

雖則我痛到嘔,又縮埋,但骨気師會堅持幫我完成整個療程的,骨気師Nicole話佢只係出左一成力,但我已經大叫好痛,咁即係我身體內有好多毒素,塞住哂血液不循環的雙腿內。。。

我都知,我都明,但我真的很難抽時間做運動,放工回家仲要陪太子讀書,真係攰到爆,唯一可奢望的,係抽少少時間出黎通下淋巴,希望我日後都可以Keep住咁做,如不是真恐怕年老時我走不動啊。。。~




完成美腿骨気腿會紅哂,血氣運行得非常好,即時見腿slim左一個圈,小腿肚沒之前般硬和實,成個人鬆好多~

其實我覺得完成美体和美腿骨気後好似做左一個鐘頭運動咁,我個心卜卜跳架,而且熱到心口出汗,腿累得好像跑了1km咁,我從沒有做運動的,所以真心覺得好累,周身骨痛,走路時酸酸軟軟,果晚回到家十時都不夠便睡著了,累得很。。。但一晚過後第二天便回復元氣,肌肉舒緩後又行得走得,



雖然小顏骨気、美体骨気和美腿骨気在療程期間都會覺得好痛,但痛過後見效果又真的感到很奏效,全人手的徒⼿手整形療法不會留下任何創傷或疤痕,最多是起痧的情況,過幾天就散,骨気療法仍安全可靠的,如果忍得痛,Keep住做都幾好,通哂D淋巴就唔會咁痛啦!




http://www.kansbeauty.com/


菅式美容分店資料:
尖沙咀店 - 尖沙咀金馬倫道10號宏威中⼼心6樓全層 |電話:(852) 2369 8818
沙⽥田店-大圍積存街22號A舖 |電話:(852) 2602 1833







關於daidai & pipi
Daidai & pipi 的快樂魔法

博客:
Beauty Exchange .  she.com . elle . WeShare . ubeauty .  88db

LinkWithin

Related Posts with Thumbnails