其實我係一個hea媽,皮皮而家讀到K2下學期,我都冇幫佢報過任何學術班,見到最近小一派位的怪獸家長,幫個囝報十幾樣學術/興趣班,如果我係個小朋友真係感到好驚好大壓力⋯ 我只想皮皮從快樂中學習,我唔勉強佢學咁多野,只要他有興趣我才給他學,媽媽絕對會尊重小朋友意願既~學得開心先會容易吸收到家嘛~
皮皮好中意砌Lego!平時的他會用家中Lego創作唔同的玩具,媽媽覺得皮仔的創意與創造力不錯,於是跟皮皮商量,不如去上Lego班啦!皮皮一口答應,星期六的上午我帶了他到The Genius Workshop 太子分校上「 Mechanic Workshop 機械探索班」~
今日係Mr. Leo 一對三個小男孩上課,老師會以全英語對答,起初都驚皮皮難接受,但我在課室外偷看他又幾開心,而且也懂以英語回答Mr. Leo ,估唔到咁醒!@@
帶大家參觀一下這裡的教室,Lego分門別類,好厲害啊!這是 Ages 3-4yrs的小朋友的教室~~~~
然後Ages 5-7yrs 、Ages 8-14yrs的教學用具,小小Lego配件更更更厲害 !!!
有了這麼完善的Lego配件,每個小朋友都可以成為Lego工程師!
媽媽見到都覺得好好玩呀!~~~
好啦!講下皮皮今日上既堂:Mechanic Workshop 機械探索班
合適年齡:三至四歲半
於八個循序漸進的級別中,學生會透過拼砌DUPLO及完成作品後的小遊戲,從而發掘日常生活中孩子、甚至家長都容易忽略的基本機械原理。學生們能學到多種簡單機械,例如齒輪、滑輪、斜面… 等等。除此之外,在拼砌的過程中,他們需要把磚頭、軸、滑輪等正確並穩固地拼好,以鍛鍊小手指在將來能處理更複雜的創作。別小看孩子的能力,從三歲起,他們就能開始好好練習呢!
課程優點:
* 訓練小朋友的小肌肉動手能力
* 透過互動遊戲鼓勵小朋友表達自己的意思
* 在模型搭建過程中給予多種問題解決的方法
* 讓小朋友認識基本的建築及機械原理
* 以遊戲、故事及模型擴建形式刺激小朋友的思考與創意
老師會以平面電腦展示圖解教學,我看大個少少既哥哥姐姐每人一對一部電腦,設備好先進完善~
每堂上一小時,由於第一堂我坐在課室外等皮皮,期間聽到好多笑聲,Mr. Leo 好風趣,例如整緊個齒輪時扮話係lollipop,引到班小朋友咔咔大笑,好開心!這裡的導師有愛心又細心,小朋友砌唔到會耐心解釋教佢地砌,皮皮上完堂仲話Mr. Leo 好搞笑,佢好中意砌Lego!
落堂時皮皮仲介紹比我知佢既製成品,媽媽我都唔記得係乜,但見到佢個滿足樣子都很替他高興!
呢個機器可以捲D紙入去壓成凹凸紙條,皮皮不停地捲呀捲,真係好好玩啊~~~
呢個豬真係創意無限,乜都想放入部齒輪機裡捲,老師唔會阻止,比佢任試,我愛這個自由探索的Lego班呀!
最後皮皮show佢今日所學的製成品!真係好勁喎~~~
媽:係咩黎架?
皮:It's an octopus! It's has 8 legs~~~
HAHA~ SO FUNNY!!!
見到阿皮豬上堂上得咁開心,媽媽從心感到從快樂中學習係最重要既!砌Lego唔止玩咁簡單,而係可以訓練小手肌、訓練腦袋思考、啟發創意的好活動!
全英語授課從中訓練英語能力,媽媽心態呢度賺左,因為學校好少用英文架。。。
回到家皮皮癮起要找家中的Lego又砌過,而且完成後仲介紹比我聽佢整左咩「偉大工程」~媽媽真是覺得你的創意很澎湃,希望你好好利用你的靈活小腦去學習更多、創作更多新事物!
The Genius Workshop
https://www.facebook.com/thegeniusworkshop?fref=ts
http://www.g-workshop.com/
博客:
instagram:daidaipipi