☆皮皮的大個仔見證 ~

Lilypie Kids Birthday tickers

2015年6月21日星期日

[家庭日] 八月天。溫暖寧靜小餐館



我地皮家好少出東九龍那區的,不太熟悉東九龍有什麼啱一家大小吃~這天因為帶皮皮去將軍澳玩遊戲,玩完到了觀塘走走,APM真係好多人,間間食店都排長龍,而且大部份都是連鎖式的,毫無新意都唔知食乜好。。。

好在朋友有好介紹,原來觀塘的工廠大廈有好野食!

「八月天」在觀塘巧明街迅達工業大廈,睇地圖都唔太識路,於是問了APM的保安哥哥巧明街怎去,其實好簡單~穿過APM和一幢商業大廈,一落電梯就會見到迅達工業大廈,抬頭一看便見「八月天」了!



我地星期六晚來,起初都懷疑工業大廈內有餐廳既咩?好靜喎。。。星期六的工業大廈走廊熄哂冷氣,冇人搭lift架......

但一開lift門,好有驚喜呀!見到這柔和的格調,就知係「八月天」了~



入到去餐廳,都幾大架!是溫暖寧靜小餐館,掛上小旗熾氣氛很舒服,皮皮一來到就「嘩」左一聲,大叫:「好靚呀!」


這裡提供早、午、晚餐的,而且有包場服務,咁啱我來這天有一大班女孩子慶祝生日,又有幾個家庭來一齊gathering,見到特製的美食好吸引呀!有機會我都想來這裡開party!



我地玩左成日好肚餓,點左一個SET DINNER和幾款美食~

首先是SET DINNER中前菜:烤海蝦沙律,蝦好爽口彈牙,皮皮都幾左2舊呀!配新鮮蔬菜很清新呢~


餐湯我唔知係乜,應該係豆類的湯;餐包我沒吃到,整個皮皮食哂,佢話脆卜卜好好味~


我們點了兩個小吃,特別點了個芝士薯條給皮皮開心下,薯條非常熱辣辣,鬆脆可口,阿皮不停搶來吃><

可是我們一家是芝士怪,略厭唔夠芝士,如果是勁多或一大堆芝士醬就正了!



另外是水牛城雞翼,我同老公好中意,老闆娘仲提我地趁熱食,因為熱翼炸到脆卜卜,再淋上酸辣汁,如果放涼左就唔夠脆的了~~~

因為有少少辣,所以皮皮冇份,但我倆公婆就食到lam lam脷,很開胃味道很好呢!



皮皮今日真係好攰,佢都算乖乖不停自己食,食飽飽後的回程乘地鐵就瞓到成隻豬咁><


YEAH!我的主菜到了!

我點的是:脆香果仁焗比目魚柳

我平時食魚柳都係配白汁煎多,今次吃焗的能把魚柳肉汁留住魚肉中間,魚肉特別幼嫩~

加上魚柳上有一粒粒脆果仁,一脆(果仁)一嫩(魚肉),口感幾特別,我很喜歡這個主菜,啱我唔想吃太多紅肉啊~




份量都幾大架!我真係食唔哂,淨係食哂份比目魚,已經好滿足~~~


皮皮吃的是牛肉醬意大利粉,賣相很吸引,味道也不錯~

平時街外的肉醬意粉是死鹹的,而且味精很重。。。 但「八月天」的造得不錯,意粉夠爽口,味道幾天然,唔太鹹,啱小朋友食~



皮皮好八卦架!食住意粉都要八卦下我乜影相,這個食相好搞笑呀!!!哈哈><



然後是皮爸點的:煙肉、雞柳忌廉長通粉~

皮爸話唔想食咁多肉,所以簡單D食個長通粉。

這碟味道同樣較自然,不太鹹,食落去很清新健康,而且咪睇佢個碟好似好細碟咁,實際碟很深入面裝得滿滿的,份量非常足夠架!



最後食埋個甜品:木糠布甸

真係好好味啊!木糠磨得很幼滑,布甸是毛士狀的軟棉棉~

我只吃了一啖咋,其餘給皮皮吃掉~皮皮話好好味!如果大舊D就好啦!



今日真係大滿足,餐飲方便老闆推介檸檬薏米水,有美白及消滯作用,估唔到小餐館有特式特飲,真係好正呀!



小結:「八月天」可能是自家廚房關係,所有食物味道都係清淡一點,食材很新鮮,感覺健康些,所以一家大小來吃真係冇選擇錯架!

建意提早預約,選定食物等老闆娘預早預備,新鮮D係好食D架!




八月天
觀塘巧明街 114 號迅達工業大廈 1B
3568 5717
https://www.facebook.com/AugustDayHK/timeline







關於daidai & pipi
Daidai & pipi 的快樂魔法


博客:
Beauty Exchange .  she.com . elle . WeShare . ubeauty .  88db

沒有留言:

發佈留言

LinkWithin

Related Posts with Thumbnails