☆皮皮的大個仔見證 ~

Lilypie Kids Birthday tickers

2015年4月13日星期一

[皮皮] 再見啦,復活蛋!@奧海城。We嘩! 充氣嘉年華


剛過去的星期日,好多小朋友玩埋呢日就完了復活節假期,第二天要上學去了!

雖然皮皮間學校一早已經開左學,但我都帶左阿皮去盡興下,等佢跳下彈床放下電~

daidai媽咪好喜歡帶皮皮去「We嘩!充氣嘉年華」玩!因為可以比阿囝彈彈跳!雖然一個GAME只係玩幾分鐘,但果幾分鐘可以瘋狂發放精力,佢自己好開心之餘,又可以比佢發洩下情緒!

哈哈!真架!跳完彈床前後果幾日真係特別乖~

玩之前佢會好期待,日日都自動自覺好快做哂功課。。。

跳完彈床玩完之後,可能發放哂D能量,少D扭計,食飯都快D架。。。

唔知其他小朋友係咪咁,皮皮係要不停放電的人,男孩子是否精力旺盛、情緒高漲些的呢?



講完少少皮皮的生活,不如睇下奧海城 「We嘩! 充氣嘉年華」有咩玩啦!



「復活小巨蛋」啱哂這個復活節假期!這是一個透明大充氣彈床,給小朋友入去彈彈跳、抓氣球!


最得意大巨蛋旁有隻大雞雞和復活節氣球裝飾! 睇返介紹,原來We嘩!特別邀請了氣球達人Jeff老師合作,特制2.5米高巨型氣球雞,將其打造成一件精美又好玩的獨特充氣遊戲藝術品,真係超級CUTE呀!





皮皮入到去好忙,要跑足全場(充氣彈床),又忙著抓氣球,好好玩呀!小巨蛋佈置好靚,皮皮話入面涼浸浸,好舒服架!


之後玩「越野天地」,是一個很多關卡的充氣彈床~


小朋友,一跳彈床就忘哂形,其實我站在旁看,我都好想入去一齊跳呀!


經典We!嘩遊戲「We嘩!造型流沙」~


我都唔明點解次次都要玩沙沙,皮皮話:「好好玩架!沙沙可以整野食~媽咪我請你食蘋果丫!」然後搓舊沙送比我,真係多謝哂,阿囝你真CUTE!


We! 嘩 是個動靜皆宜的嘉年華~

跳完彈床想回下氣,不如去做小手工啦!來「We!嘩 藝術廊」發揮下藝術天份都唔錯!



皮皮今次砌棘龍,呢隻龍都好難砌呀!不過親子合作就會成功!皮皮更在恐龍骨上畫花紋,發揮下創意幾開心!



皮整完隻棘龍拎住行街,途人見到都讚佢整得靚呀!
皮皮仲跟途人介紹係去We!嘩嘉年華整架!



最後去左玩「我會做騎師」,好多人排隊呢!皮皮要爸爸抱高睇下D馬仔~


呢度有三條賽道,夠哂空間比一班騎士鬥快跑!



皮皮又一支箭標走左了!哈哈~~~騎馬仔真係好好玩,D馬仔/動物車車好得意,小朋友見到實中意!


咁又玩左一個下午,皮皮真係好中意去「We!嘩 充氣嘉年華」,雖然復活節既We!嘩已經結束,唔知下次幾時再舉辦?好期待再去玩呀!






沒有留言:

發佈留言

LinkWithin

Related Posts with Thumbnails