☆皮皮的大個仔見證 ~

Lilypie Kids Birthday tickers

2015年4月9日星期四

[2015.春.東京親子遊] (2.2) 上野動物園



上野動物園在上野恩賜公園入面,很易找到!


動物園的入場費很便宜,大人600円,幼兒(小學生以下)更是免費!


皮皮一來到,就已經好興奮!有好多動物睇呀!成班小朋友都圍在欄前太叫Kawaii!好開心啊!


原來有大象看!皮皮第一次看大象!「好大隻呀!」皮皮說。
香港沒有大象看,媽媽對上一次看是否在荔園?很久的事了。。。


這張拍得不清楚,是水瀨來,在場看好可愛,好懶懶的。


參觀完一輪,我們便去吃午餐~上野動物園的園食區好靚呀!
大自然與柔和陽光包圍著感覺很寫意,把壓力通通拋走了~


我們點了個便當和炒麵,還有大薯條!


食物味道不錯啊!雖然是快餐,但都熱辣辣的,皮皮乜都食,食食下仲有白鴿在你腳邊走,又會在你頭頂飛過,皮皮更去追鴿子,真係笑到你肚痛!


食飽去森林探險了!地上的腳印是誰呀?



嘩呀!原來逼裡有隻大老虎!大老虎不停走來走去,唔知佢搵乜,唔通搵野食?


一隻,二隻,三隻大猩猩!第三隻是皮皮來!


森林探險真是好好玩!


出到冰極區,兩大一小的海獅在曬太陽,皮皮話係爸爸媽媽和阿囝來~ 再轉另一邊有北極熊看,超可愛!



逛完東園,我們乘園內的單軌電車到西園。車程只是1.5分鐘,好快便到~


真係張櫈未坐暖就到西園,浴途可欣賞動物園四周的風景,看到大池塘,旅遊的經歷真是耳目一新!


下車可以看到企鵝仔,我覺得去旅行看人更好看,皮皮看動物的表情真是好可愛,什麼動物也愛看,還看得投入!


去到爬蟲館好多驚喜!有很多生物我都未見過~
還有一隻巨型大龜龜!好得意呀!個頭仲大個小朋友的,很有趣呀!


皮皮又來搞笑,隔住塊玻璃都咁開心,小動物太可愛得意了!


再去看看其他動物啦!
我也不知道這是羊定馬定草泥馬?


有時見到些室外籠子沒動物,但原來天氣冷動物會躲進室內的籠子裡,就算在室內,遊人都可以繞第二條路參觀,這個設計又幾好啊!

長頸鹿今日怕冷,所以躲進窒內,真係好高呀!~長頸鹿在吃樹葉~~


羚羊、斑馬一齊玩架!似乎好開心!


皮皮今日都好開心!因為可以睇佢中意既動物,有很多動物還是第一次見,真是大開眼界!


剛才爬蟲館裡的大龜,實際有咁大隻!好勁呀!皮皮騎龜龜!


去到寶寶動物園仲可以親親動物,摸下羊羊,好好玩!


還有好多動物沒拍照,臨別去探探大熊貓,怎麼比香港的熊貓活潑?總是隔離飯香D 的~


由上午玩到日落,上野動物園可以逛足大半日,是皮皮至愛的景點,動物明星太可愛了!



沒有留言:

發佈留言

LinkWithin

Related Posts with Thumbnails