☆皮皮的大個仔見證 ~

Lilypie Kids Birthday tickers

2015年4月30日星期四

[2015.春.東京親子遊] (4.5) 迪士尼列車回程, 精緻女生晚餐



在迪士尼海洋,我們捱不到在晚上看夜間巡遊,實在太累了,皮皮累得睡著。。。於是我們乘搭Disney Resort Line 到JR無濱駅,再回程到新宿。


Disney Resort Line車廂有米奇吊環,另外車窗也是米奇頭,很可愛啊!但真的說,我較喜歡香港的迪士尼線,因為車廂裡有迪士尼朋友的公仔擺設,座位是深藍絨sofa,舒服好多!


Disney Resort Line 只有四個站,是循環線。


晚上回到新宿吃晚飯,今次到了一所餐廳很多女生幫襯~

我點了一客芝士烟肉焗飯,好好味呀!超香濃芝士!但份量很少,分了一半給皮皮我唔夠飽。。。好似冇食過野咁。。。


爸爸點的咖哩飯,佢話好吃呀!


唔夠飽所以再點炸雞薯角,食埋就好飽了!脆卜卜又熱辣辣,很香口的!諗諗我我這家人真係好細食。。。


皮皮自己一個食哂成個綠茶蛋糕~我只係食左側邊D 紅豆蓉咋==~

我發現皮皮好中意食綠茶製品,可能我陀佢果時成日食綠茶味的東西。。。好懷念果時個肚未夠3個月到了大阪旅遊,不停食綠茶雪糕,嘩哈!陀B咁都得!但那時我真的好想吃綠茶。。。


皮爸愛這芒果杏仁豆腐,佢把口話香港既松記咪仲好食!

第4天行程完成。



[2015.春.東京親子遊] (4.4) 東京迪士尼海洋 地中海港灣 阿拉拍海岸



來到「地中海港灣」,呢到成個城堡咁,可以左穿又插探險,好好玩!


在城堡下有隻大海盗船,皮皮當然第一時間衝上去玩啦!不停捐來捐去,好刺激呀!




皮皮不停「漏」我地玩捉伊因,在海盗船上周圍探索真是好刺激!




看出去的「地中海港灣」風景好漂亮,尤如置身歐洲的小鎮中~


剛才我們搭過的「迪士尼海洋渡輪航線」,這船兒皮皮也有一架小玩具,在園內購買的。



然後走進城堡,入到這星球展示館~第一眼看,喔!太美了!

是太陽系星體模型,而且星際間有星座投射,很美妙啊!


行星要手動才會行走,皮皮很努力的在轉動土星~


轉累了便抬頭觀星,太陽系神秘又美麗!





這裡好多得意東東!爸爸在踏人力飛天車,快D呀!


再走是「阿拉伯海岸」,是一個天方夜譚的傳奇世界~





我們玩了「辛巴達傳奇之旅」,跟辛巴達一同出航冒險~

遊戲像香港迪士尼的「小小世界」,坐在小船上遊著閱讀故事。

故事是著名的童話巨著「天方夜譚」,即是「一千零一夜」。

很好看的遊船遊戲啊,人物全都有面部表情,同時有動作,大製作!一定要來看!


傍晚時間到了「失落河三角洲」,可是這時皮皮累得走不動了,其中有個遊戲也好想玩,是「Indiana Jones」探險遊戲,在這遊樂區沒拍太多照片,媽媽我都很累了。。。


一天的時間是玩不完的,有機會我也要再來東京迪士尼海洋,是充滿冒險的夢幻樂園,我好喜歡這裡啊!




[2015.春.東京親子遊] (4.3) 東京迪士尼海洋 美人魚礁湖, 神秘島



食飽飯繼續行~我們到了「美人魚礁湖」,我覺得成個迪士尼海洋最靚係呢個遊樂區,入到去真係令人尖叫!



歡迎來到「川頓海王海底王國」~~



入到去!好夢幻呀!真係好似去左美人魚既海底世界,超靚啊!

雖然「美人魚」好明顯係女仔野,但連皮爸都讚好!迪士尼的魔法好強啊!



我以為自己游緊水。。。


皮皮都大叫好靚呀!呢度真係充滿驚喜!



個腦不停loop住美人魚首Under the sea~~~




我地入左「Ariel's 遊樂場」,入面係一隻大沉船,比小朋友化身做小魚然後周圍探險~~~


皮皮游得好快呀!佢不停在沉船迷宮裡跑跑跑~~~



在下面望上去的樣子,小朋友不停在繩網裡走好刺激呀!


在船頭敲大鐘!

皮皮在這隻沉船玩左好耐,但係佢又要驚又要玩。。。又個入口係大鯊魚骨入口,皮皮好驚呀!我話唔洗驚啦!媽咪入去啦~點知佢就標眼淚水,驚我比鯊魚食左,笑到我肚痛。。最後係爸爸抱佢入去探險,先至肯入~

這裡打造成一個海底世界,真係好黑蚊蚊、好驚架!而且仲有骷髏骨頭,嚇死膽小的皮皮了!但這裡真的是必來啊!超級好玩!



最係爸爸錫返,抱你坐下大蝸牛笑返啦!



玩完又去Shopping,在這裡買了幾架 Disney X Tomica 玩具車,我手抱的美人魚抱枕超美超可愛啊!可是太大隻沒帶她回家,唯有影張相留念啦!



出返去,就去左神秘島,好想去玩「地心探險之旅」,但又係排哂出龍啊~皮皮就在鸚鵡螺商店壓了一個金幣,作為一個小留念~~~




LinkWithin

Related Posts with Thumbnails