☆皮皮的大個仔見證 ~

Lilypie Kids Birthday tickers

2015年3月15日星期日

皮皮的語言發展,Yuppies親子語言遊戲磁石貼玩具分享



如果要談皮皮的語言發展,真係一匹布咁長。今篇是長氣文,我盡量簡化,希望大家能看到最尾啦!

皮皮2歲半果時我地已經知道佢講說話唔叻,但去健康院見姑娘話佢冇乜事,係我和爸爸堅持話唔得想見醫生,再由健康院醫生轉介去兒童發展中心做評估,到3歲1個月確定皮皮跟同齡小朋友語言發展慢6-9個月。

起初真係好擔心㥬惶,都唔知由邊度入手,點幫個仔好?幸運的有媽媽介紹我地找到一個很好的語言治療師給皮皮,於是開展了每星期一小時的語言治療訓練。

語言治療師(姑娘)真是好好,佢會按小朋友的程度循序潮進咁教小朋友,不特止,完了課堂會跟家長講返今日學左咩,返到屋企媽咪可以點教佢。



但真心的說,姑娘每星期只可以幫皮皮train一次,但媽咪教就真係令小朋友進步得最快!

雖然我是雙職媽媽,但我會付最大耐心和毅力教好皮皮,就算自己點忙都好,我每日都會有1小時既Mummy's times 係同皮皮做訓練,呢一個鐘頭只有我和皮皮,Mummy's time 唔包括食飯沖涼做功課,呢個鐘只係會同皮皮單對單傾計/玩遊戲/睇圖書,最主要係遊戲中學習,親子交流。

我地日日都玩唔同遊戲,睇不同圖書,以皮皮既興趣著手,講多d佢自己中意既事物先,例如佢中意交通工具,就可以講下唔同種類的車,盡量教好皮皮講多些說話,將佢表達唔到既事情以句子教佢講出來!

雖然個仔講野唔叻,但慶幸他的專注力做得好好,我好欣賞皮皮這一點!其實做乜都好,呢個鐘係屬於媽咪和孩子,只要我們享受便可。



如果你問我有沒有用什麼教材教皮皮說話,說實話平時我只用皮皮愛看的百科全書或玩具作提材去教。

最近因公關介紹,我得到這套「Yuppies親子語言遊戲磁石貼玩具」,當我仔細研究這套玩具,發現皮皮的語言治療師在課堂都有用這套玩具,因為我記得姑娘曾經拿過其中一本書作教材,而我又記得姑娘曾經用過Yuppies的圖卡教孩子!

每次接皮皮的試用我都有仔細研究過才接受,今次真是令我很喜出望外!因為媽媽我十分有信心好好利用這套教材去教皮皮,而皮皮又十分喜愛磁石貼遊戲!



講下呢套教材先!包括語齡2:0、語齡2:6、語齡3:0和語齡4:0,的確這階段的孩子腦仔發展得最發達,學習語言的能力也很高!

而每個年齡組別的教材分別有4個單元,都是以日常生活的提材去教,平時出街/社交一定用得到這些句子。


Yuppies親子語言遊戲磁石貼玩具由本港的語言治療師去統籌和設計,所以十分適合Hong Kong Baby!每份教材套除了有磁石玩具外,仲有一份「家長指引」,內容清晰易明,就算媽咪唔係專業的語言治療師,都可以教到小朋友在該年齡範圍應學到的句子。




皮皮而家4歲,等我用4歲的教材跟大家簡單分享下點玩啦!

4歲既小朋友開始要學習講故事的能力,有時間概念,懂得因果關係,認知也越來越強。



皮皮超愛交通工具,這一套教材可以講到好多句子,甚至是故事形式都可以!


磁石貼有好多人物,而且外型好近似,媽媽可以講:「幫我搵下睇緊報紙、頭髮係紮辮既姨姨。」

這時可以考下小朋友有冇留心,可以train 埋專注力與認知能力。

當小朋友選啱,媽媽可以說「姨姨佢做咩呀?」

小朋友:「姨姨睇緊報紙。」

媽:「o係邊呀?」

通常我是逐個問題問皮皮,佢理解哂先會叫佢整個句子講一次,皮皮的語言能力弱,所以我會比少少提示佢,例如佢忘記講地點,我就會指住個巴士站提佢講;最後佢會全句講:「睇緊報紙、紮辮既姨姨o係巴士站排隊等巴士。」


玩多幾次佢會自己拎磁石貼公仔自己一邊貼上圖畫,一邊自已講情景,而且想象力越來越豐富,例如佢會講:「姐姐去七十一買糖糖食,跟住去店員叔叔度比錢。」


媽咪可以跟住個「家長指引」教小朋友講說話,玩得多可以自己憑想象加創意,將句子豐富化,好似小學時玩擴張句子咁,講講下變成故事,都幾好玩架!


皮皮平時最中意佢自己個被窩,所以玩都係在床度玩,佢真係好開心架!



今日我地玩「因為...所以」食物篇磁石貼,對於推敲題目,皮皮都能理解的。


「因為呢個啤梨比蟲蟲食左,所以掉左佢。」


皮皮:「呢個橙冇爛,可以食。」「媽咪,你試下!個橙甜唔甜呀?」
媽媽:「mmmm,好好味呀!好甜!」

唔止講,仲問埋他人感受,識分享,社交都做得好好呀!



每個水果爛法都唔同,可以教小朋友多些詞彙去形容,唔會好單一咁講「水果爛左」咁簡單,令遊戲變得更豐富有趣!


皮皮有時真係幾乖仔,雖然佢語言能力真係唔叻,但佢好努力去學習,有時仲好主動想自己講佢見到的事物和感受,媽媽我認為孩子最需要係媽媽鼓勵,如果佢講到一定會贊佢,佢做得到會同佢講「我欣賞你」,呢D 無形的獎勵比送玩具顯得更有成效,媽媽們要努力俾心機呀!



Yuppies親子語言遊戲磁石貼玩具雖然分年齡組別去教,但2歲既教材都可以變通和豐富內容去玩!以配合小朋友的語言能力!

例如2歲小朋友會講:「鴨仔o係水池度」;但4歲小朋友可以豐富句子講:「農場有好多動物,鴨仔同埋青蛙o係水池度游水,馬仔o係草地上食草。」



最後比大家睇下4個年齡組別既課程單元啦,每個年齡層所學的句式都不一樣~內容請自行看圖片。

[語齡4:0]



[語齡3:0]



[語齡2:6]


[語齡2:0]





皮皮最近做的語言評估,已經接近同齡小朋友的語言能力啦!
媽媽我好開心,只要努力小朋友係追得返既!
我不是一個好榜樣,因為皮皮2歲前我真係好少同佢傾計,我自己係一個好靜既人,唔中意講野,但知道皮皮的情況我個心只有「堅持」,只要堅持、比心機教佢一定會有進步架!





唔好意思今篇太長,最後給大家一個信息,Yuppies在3月28日有個Road Show活動推介給大家,有這套「Yuppies親子語言遊戲磁石貼玩具」試玩和介紹,或者到時撞見我和皮皮,再講多D皮皮的成長,分享多些我教皮皮的趣事給大家!如果講皮皮由3歲至現在4歲4個月的語言成長和教法真係有排講,寫本書都得!。。。(汗)

「Yuppies親子語言遊戲磁石貼玩具」Road Show 試玩活動:
日期:28/3/2015(星期六)2:30pm - 6:30pm
地點:尖沙咀海防道(尖沙咀站A出口)

*即場試玩Yuppies語言訓練磁貼玩具現場可獲發氣球及精美禮品一份


有機會再講多D皮皮既成長啦!寫親阿皮的事我次次都寫到水蛇春咁長。。。

謝謝你看到最後。





沒有留言:

發佈留言

LinkWithin

Related Posts with Thumbnails