☆皮皮的大個仔見證 ~

Lilypie Kids Birthday tickers

2015年2月4日星期三

[皮皮] 世界上最温暖的抱抱 Hugless Douglas




前幾日帶左皮皮去睇Kids fest 2015既兒童話劇,原來Kids fest在港已經舉辦到第四屆啦!年年都好受家長和小朋友歡迎~~~

星期六的下午皮皮上完恆常班,我地一家去左香港演藝學院睇話劇,在整個過程皮皮都好開心,我覺得阿皮真是個容易快樂的孩子,希望佢繼續keep住佢既開朗性格啦!


Kids fest 今年帶左好多戲劇來香港,適合幼兒至小學生的孩子觀賞,我地就睇左Hugless Douglas,故事來自經典既故事書,小朋友容易明白,而且Douglas呢隻bear bear 熊仲好可愛添!




阿皮豬由開場笑笑笑到散場,話劇裡面既演員演得十分生動搞笑呀!有好多小朋友看了會感到開心大笑的笑位!!!

大人會覺得,下?有咩好笑呀???但充滿童真的小朋友就會感到有無限歡樂!

見到阿囝笑得咁開心,仲笑到彈起身,非常投入話劇,我都會覺得開心既~

套劇我唔係好識笑,但見到阿皮大笑我就覺得好好笑!>O<




在場既小朋友都好投入,個個都棒腹大笑架!大約有八成係外國人,兩成係香港人~

雖然話劇是英語演出,但都好容易明白,bear bear Douglas 仲同現場觀眾有互動小遊戲架!又一邊唱歌,一邊跳舞,大家都可以跟住Douglas一齊跳架!好好玩,冇悶場,只要孩子睇得開心、玩得開心就心滿意足了!




演出前有D 影相位可以去玩下,朋友告知我原來其他場有face plainting玩,不過我果場冇呀~唔緊要啦~皮實唔肯畫架!=—=


另外吸引小朋友既地方係有個臨時書店,好多圖書、玩具、糖果。。。我走唔甩,買左本恐龍圖書比阿皮,佢係恐龍怪。。。



如果各位爸爸媽媽想帶孩子去睇,要快一點啦!仲有幾日Kids fest便完了~返英國啦!

詳情及預訂門票:www.kidsfest.com.hk




呀!講返「世界上最温暖的抱抱」,咪就係「媽媽」既擁抱啦!love love :>

完場果時即刻同皮皮抱抱,皮皮話:「Douglas最掛住係媽媽,我都成日掛住你架!」

冧左!

哈哈!



沒有留言:

發佈留言

LinkWithin

Related Posts with Thumbnails