☆皮皮的大個仔見證 ~

Lilypie Kids Birthday tickers

2015年2月8日星期日

[親子假日遊] Hello Kitty有機薈低碳農莊




上個月假日趁天氣好,我們皮皮一家約埋朋友仔一齊去元朗「Hello Kitty有機薈低碳農莊」玩呀!


呢度好容易找,錦上路西鐵站過停車場> 轉右過隧道> 轉左便會見到,唔洗搭車架!

除左Hello Kitty農莊,沿住河邊小徑會有好幾個不同的農莊,上年我地去左其中一個農莊燒野食和摘士多啤梨,可是媽媽我太忙沒寫Blog。。。大家下次去農莊玩,都可以考慮行入少少,向深山果邊出發,都有唔同農莊選擇~


講返今次既Hello Kitty農莊先~呢度最得意,咪係Hello Kitty囉@@


入場每位收$30入場費,小朋友3歲以下唔洗付費~

地圖周圍都有Kitty架!


行入農莊睇下先~~~


第一眼見到的是可愛的豬豬~

這隻豬豬好cute架!我見農場農夫餵完豬豬食野後,豬豬會同農夫抱抱架!好似BB咁抱,可是唔夠快影低呢個情景。。。



然後去餵山羊,羊羊們好為食,佢地食香蕉葉架!葉子在入口處買,$10一份~


然後皮皮好開心的去餵羊~~


嘩~唔好咬我手指呀!


羊羊都食得幾「琴青」下,真係好餓啊,連葉莖都食埋。。。


皮皮話:「羊羊食哂啦!」



之後周圍行下~呢度好大片有機耕地,係租比巿民來自己耕作,不少人假日來種植收割呢~





如果留心看,真是有不少不同種類的植物在這裡種植的,這個時候又可以教下小朋友農夫的血汗耕作,從而愛惜食物,保護環境。。。(阿媽是咁的)



去到農莊中央的「小農夫耕地」,這班「小農夫」好忙又好開心,佢地要餵Hello Kitty 食蕉呀!XDXD



幾個小鬼好開心搵水果扮食食食。。。



然後去到「兒童天地」,不得了,各小鬼要放電,玩到唔肯走。。。




阿皮在這間小屋玩「伏呢呢」玩左好耐><


呀~~~捉到你啦!


玩完又周圍行下~

給大家圖片欣賞~~~


大自然的一草一物真美!




如果大家遇到Kitty稻草人要停低呀!因為有得集印仔,全場有六個印仔集合,好似野外定向咁,每個point蓋一下印,唔難找的~~~


遇到一個小攤子是售賣家居水種植物的,三個小朋友都好有興趣,好留心聽姐姐講解點種,之後每個小鬼一人一盆植物帶回家,你們要用心栽種啊~!


親子合照@@



Hello Kitty農莊另有BBQ園地、有機餐廳及有機自摘士多啤梨場,大家有興趣都可以玩下架!

我地去當日見士多啤梨很細粒唔多靚便沒摘了。。。

而且這個士多啤梨農地不大。。。   

小妹覺得,去錦田鄉村俱樂部摘好玩好多,因為果度地方大好多,又有唔同品種士多啤梨丫嘛,加上免費入場都是一個不錯的親子遊呢!

就這樣玩了一個下午~放假去郊外玩玩真不錯!

回程三個小鬼都沒電了~@@@

很滿足的一天!

下次約埋再玩過~~!





沒有留言:

發佈留言

LinkWithin

Related Posts with Thumbnails