daidai ＆ pipi: 冬日滋味～「Frozen水晶世界甜品杯」

Frozen真係好毒架！真係周街都見到愛莎～

套戲係去年冬天上映，Hit 足一年！好勁！

舊年我地皮家都有入戲院睇Frozen，不過皮皮冇乜感覺，男孩子就是這樣囉～

Frozen 熱潮不跌反升，這個冬日美心西餅推出一系列Frozen 造型蛋糕，推出第一日，我又湊下熱鬧細細地買2個Frozen水晶世界甜品杯回家品嚐～

愛莎：白朱古力慕思

愛莎+安娜：朱古力慕思

都貴架！$42一個，買2個$68平些啦～識買梗係買哂2個啦～

皮皮選了愛莎哪款吃！佢話愛莎靚D（≧∇≦）

甜品杯的造型真係冇得頂，杯中插住的愛莎頭，拔出原來是膠匙，唔怪得餅店的姐姐唔比小匙我啦～♪───Ｏ（≧∇≦）Ｏ────♪

都幾好味，白朱古力又唔算好甜，入面既moose 好軟滑，有少少海棉蛋糕和士多啤梨果肉，阿皮自己食哂，佢話好Yummy~

另一款有齊主角的甜品杯是朱古力慕思味，我自己比較中意呢個味～

不過都唔係我食，我每款甜品杯只是食左一匙=_=，這個朱古力moose比皮爸食哂+_+，做媽媽就是這樣子，好野留返哂比兩仔爺，我有得影下相都好滿足的了～

講返個朱古力甜品杯先～朱古力moose好滑溜及香濃，朱古力迷大叫好吃！入面還有藍苺果醬，真係幾好味架！

皮皮全程掛住食唔理我，我偷影佢個為食樣先！哈哈～

另外仲有個愛莎立體蛋糕，真係超靚呀！全港限量500個，而家仲有冇得賣呀？相信冇乜可能見到個蛋糕真身～

這個蛋糕令我諗起長沙灣新華茶餐廳，佢係整人形公仔立體蛋糕既元祖呀！（≧∇≦）

最近我地皮家入左迪士尼樂園玩，聽朋友仔講，排隊同愛莎安娜合照要2個鐘呀！囧！

果日我地去左皇室餐廳的露天茶座食Lunch，坐坐下突然見到愛莎！嘩～我只係影到佢個背影⋯

1秒都唔夠到安娜出黎！不過同樣是⋯只是影到背影咋（≧∇≦）

都好啦～可以見到愛莎和安娜，仲可以say個hi～算賺左架啦！我真係唔想排2個鐘啊～

皮皮就施施然咁嘆佢個兒童餐，真好味呀！

有時間先分享我們迪士尼之旅啦！

關於daidai ＆ pipi：

博客：

媽媽專欄:

follow me on instagram:

search: daidaipipi

☆皮皮的大個仔見證～