☆皮皮的大個仔見證 ~

Lilypie Kids Birthday tickers

2014年7月14日星期一

超開心!皮皮的暑假START!2日1夜"黃金海岸"動感住宿之旅開始啦~


皮皮順利完成K.1課程了!
而皮皮人生第一個暑假也正式開始~~~
爸爸媽媽成日都想帶皮皮周圍玩~!

今次好開心由「香港黃金海岸」邀請,我地剛在過去的星期六、日來到這裡入住2日1夜「動感海洋住宿計劃 (家庭)」

今集會超開心!超多相!超長氣!

希望大家會看到最後啦~~~



其實在去年暑假,我們皮家都來過黃金海岸酒店渡假~

去年BLOG:
皮皮家的愉快暑假@ 黃金海岸 智趣滿Fun家庭住宿計劃
http://daidaipipi.blogspot.hk/2013/07/fun.html

雖然是第二次來,但心情同樣超級興奮!皮皮是超級開心~~2日1夜非常合作乖仔,心情大靚!


適逢暑假,香港黃金海岸酒店推出左「夏日動感海洋兵團活動」比各位入住既小朋友玩~

Check-in 時職員比個時間表提我地去玩^_^


入住時會有個遊戲pass,可以玩齊已包package既遊戲~


住宿計劃仲送左個魚魚毛公仔比小朋友~係名牌NICI黎架!阿皮好中意呢份禮物,訓覺要攬住(^O^)


皮皮對酒店裏每件事都很感興趣!
佢仲扮哂野要寫字字=_=


放好行李,我地就落去酒店大堂玩~

呢度已經佈置左好多海洋生物既裝飾,好靚架!


皮皮識哂所有海洋生物既名稱,水母海馬都記得,因為上個月去完OP嘛~


側邊有個世界地圖,都好益智架!有得㩒掣著燈,可以教下小朋友世界各地有咩動物~


仲有水母博士砌圖,考考腦根!


入住送Haagen-Dazs雪糕杯,超正!一人一杯,小朋友都有,不過第三杯我在第二日先拎來吃~


之後我地去左「多元運動遊樂室」玩~

小朋友實中意呢度!是個play house來~


這裡有好多野玩,是訓練小朋友身手及放電的好地方!


皮皮好中意呢個粉紅色的「翻滾車輪轉」,成日叫我同佢一齊扮車車玩~~~


瞓o係度碌都得!


另外「創意叠叠樂」,比小朋友發揮想像空間砌砌砌~~~

個個小朋友都會諗住砌間屋砌個城堡出來,但皮皮話佢砌個「香港站」,佢真係一個MTR迷。。。

皮皮背後的爸爸好嘆,坐住個大香蕉搖搖下><


皮皮之後發現爸爸咁嘆,於是佢又坐下個大香蕉!!!


同爸爸一齊搖搖搖,好刺激!超開心呀!!!


另一邊有滑梯、捐山窿既play house遊戲玩~~~

皮皮走得勁快!我都唔知佢衝左去邊???

不過入面好安全,舖哂軟墊的,我就由得他自己衝來衝去去探險!


呢度有pass可以玩2個鐘~~~

玩完都差不多可以吃dinner了~~~



黃金海岸既buffet好多野食!

價錢好像是500多元,不過入住酒店既住客有優惠價享用,有優惠價都幾抵食架!


buffet主打是海鮮!刺身壽司一定有!仲有好多海鮮凍食~~~

長腳蟹、大蝦、青口。。。。好多好多不停地食食食~~~



甜品細緻又好吃!

仲有好多特別造型!

其中有個係波衫cupcake,配合世界盃~~~



buffet每枱仲送一個海鮮拼盤!有飽魚架!仲有大蜆!好鮮甜~~~我自己食哂這2人份量,嘩哈哈~~~


鴨仔啫哩係咪好可愛呢~~好似在水中游,cute cute~~~


buffet特設兒童餐具,好細心~

阿皮豬不停食食食,食得好爽呀!


食棉花糖個樣都誇張過人,仲要食一啖大叫「好好味呀!」~~~

傻瓜豬><


我地仲遇到朋友仔~~~

可愛既Dorian BB,佢真係好得意!又肯跟姨姨我同皮皮哥哥去拎野食,超級cute!

呢兩個仔仲要互餵棉花糖,好sweet~~~

(阿皮D表情真係好誇張,絕對是搞笑專員囉~~~~~)


晚上吃飽飽回房間休息,阿皮洗完白白嘆電視~


睇咩咁開心?


睇電視都多多表情動作*\(^o^)/*


仲要跳彈彈床!

其實佢睇緊Cartoon Network 既Tom and Jerry  (小老鼠與大灰貓)~ 呢套卡通片好搞笑(^O^)


第二朝我地去返尋晚間餐廳食早餐~

皮皮吃得好滋味~


早餐都幾豐富架!飲品任飲,中、西式都有,仲有廚師即煎奄烈和煮湯粉~


食完早餐我地帶左皮皮參加「藍海洋筆筒製作坊」,地點在宴會廳~


製作坊只係小朋友自己參加,呢個時候爸爸媽媽可以去抖下~

我同老公好耐都冇一齊去沙灘拍拖了~估唔到早上既黃金游灘都好多人!


45分鐘後可以接回小朋友,我一去到宴會廳,就覺得好感動!

皮皮一見到我,就拿著製作完成的海洋筆筒跟我說:「媽咪我送個筆筒比你!」~~~

果一下真係好開心好感動!

個仔好乖好有我心,我即刻攬住佢錫佢幾啖呀!仲讚佢整得好靚~ 好多謝黃金海岸酒店的職員姐姐教皮皮整小手工呢~


文靜完,就玩刺激的遊戲!

我地去左「夏日海洋挑戰區」!地點在網球場~~~





呢度有四個遊戲係比3-11歲小朋友玩的~~~

左上:高速滑水梯(適合5-11歲小童玩),我都好想玩~~~
左下:海洋尋寶樂
右上:鯊魚賽道衝衝衝
右下:小鯨魚滑水梯


皮皮首先玩「鯊魚賽道衝衝衝」,遊戲係扒在水泡衝入鯊魚口,魚尾係個小水池,都好刺激架!

不過皮皮驚冇玩到呢個,要大個仔少少先得!


之後玩海洋尋寶樂,皮皮就中意玩呢個,佢好叻在大水池中找垃圾比媽咪分類,是一個互動又學懂環保意識的遊戲,垃圾分可回收及不可回收,也教小朋友要愛護海洋~~~



不過限時,如果玩耐少少就好了。。。


下一個挑戰小鯨魚滑水梯,呢度既職員好好,唔怕濕身,幫助和陪同小朋友玩~~~


皮皮都好喜歡玩這個,sir完滑水梯就去小鯨魚彈床彈彈跳!
好HAPPY!


皮皮呢個游水LOOK好搞笑呀!
件泳衣唔啱著了,出年要買過件。。。個肚仔凸出來了(笑笑)

挑戰完「夏日海洋挑戰區」,我地去左游池,可惜雷暴警告,冇得落水玩呀~~~有少少失望啊。。。

唯有下次有機會去玩下啦~我見到有2條滑水梯好似好好玩,我都想去sir下呢~~~



咁就玩左2日1夜,開心既時間係過得特別快架!

最開心莫過於皮皮,成日開懷大笑!


而爸媽都感到好開心~

只要孩子過得開心我地就心滿意足!

皮皮呢2日都好乖好聽話,第1晚睡前他跟我傾計,話好開心!

我問皮皮:「點解咁開心呀?」

皮皮說:「可以同daddy mammy住酒店好開心!有得玩playhouse好開心!食左好多野好開心!」

皮皮真係大個仔左,常常說出自己感受,又送媽媽筆筒,令我很感動~~~

今次唔止係「動感」之旅,仲係「感動」之旅!

雖然住2日1夜時間較短,但都比孩子體驗很多!學習很多!

我地今年都係去唔到旅行,就留在港住下酒店又有一番體會呢~~~





黃金海岸「動感海洋住宿計劃 (家庭)」日期: 2014 年 7 月 10 至 8 月 31 日

香港黃金海岸酒店
www.goldcoasthotel.com.hk

Facebook:
GoldCoastHotel
https://www.facebook.com/GoldCoastHotel?fref=ts



住宿及膳食由香港黃金海岸酒店提供。


謝謝收看超開心!超長氣文!


沒有留言:

發佈留言

LinkWithin

Related Posts with Thumbnails