☆皮皮的大個仔見證 ~

Lilypie Kids Birthday tickers

2014年7月20日星期日

開心邊玩邊學習@「探索大自然遊學園x動物農莊2014」



「探索大自然遊學園x動物農莊2014」 已於7月3至6日(星期四至日)一連四天假亞洲國際博覽館已完滿結束~

謝謝亞洲國際博覽館送出遊戲票和公關姐姐安排,我們皮家在7月6日(星期日)那天到了這兒玩!

好開心呀~今次係第三年來玩~!我們一直都好支持架!


一來到,皮皮就High爆~!

佢好中意動物架!所以好喜歡這動物農莊~

咁啱上星期是家長日,從老師口中得知原來皮皮同老師講佢去左動物農莊玩~好開心!

原來皮皮個腦仔成日諗住d開心野,仲要同老師分享(^O^)


講返呢度~
一入門口有識得叫既暴龍和迅猛龍睇~好逼真!


然後可以「捐」入暴龍個口度一齊「嘩!」~~~


另一邊是「考古掘化石」,小朋友變身做考古學家,掘恐龍出來!


比少少貼示大家,最好早些去,中午12:00前去到就最好,因為好多遊戲好受歡迎,又限人數入去玩,所以會以派籌形式預約時間玩的~

我星期日去可能較多人,好多遊戲不夠2:00pm已經派哂籌,如果想玩哂咁多樣真係要早點來攞籌呀!

第一個超受歡迎的遊戲節目是美素佳兒的「變身牛牛派對」!


入到場內,所有遊戲是免費的,遊戲券已包所有遊戲,記住唔好掉票尾,要留來攞籌玩遊戲的!

「變身牛牛派對」首先有職員姐姐幫小朋友影張靚相~

然後親子合作畫靚個牛牛籃~



姐姐會幫你整個立體人面模,再安入牛牛個頭度~



哈哈!咁就完成了一個皮皮牛牛,好有趣呀!


一齊同牛牛合照~


另一邊,有真牛牛?

唔係呀!係山羊黎架!~呢度有好多動物,大、小山羊、小馬、兔子、龍貓和天竺鼠,近距離親近,小動物們都好可愛呀!


然後我地去左「寶礦力水特 水母樂游游Workshop」~


呢度既活動係教大家用最簡單既材料 - 透明膠袋DIY水母出來~


皮皮好比心機學和整水母,晚上回到家佢仲拎條手巾仔黎扮水母,真係好好玩呀~


玩完DIY水母,我地便看真水母,仲有Nemo仔添呀,好cute!原來水母都可以在家自己養架!不過我覺得欣賞會好一點。。。


再來海洋生物,「親親海星全『睇』驗」帶大家看海星,也教小朋友要好好愛護小動物,不要傷害牠們啊~


皮皮執垃圾?!
皮皮要保育海洋,執走些垃圾,唔好比垃圾污染大海。。


轉個頭去了「趣緻活力小雞屋」,皮皮變身農夫,幫母雞媽媽執雞蛋,這裏有很多小雞雞啊~


另外參加了「農場派對」,好多小朋友呀!


呢度有得騎牛牛,好好玩~~~


仲有農田,皮皮餵牛牛食野~~~


農場的姐姐仲會講故事比小朋友聽,最精彩係有吹泡泡環節,小朋友們個個都好中意bubbles呀!


皮皮High左,似乎佢最興奮!


玩完一輪去食少少野補給一下~
「嘉寶BB健康餐廳」有餅餅食,仲有果汁飲!好好味呀!!!


爸媽就去小食店買點兒小食,寶礦力是剛來玩水母DIY送的~


充滿力量後,就去極力放電!
皮皮差不多玩齊哂咁多個彈床!!!(除了至激山丘要爬山唔夠高)
皮皮真係好好氣=_=


呢條彩虹滑梯好刺激架!


超高速sir落黎好好玩~~~


另一個大滑梯是「聰明笨伯滑梯」,但唔夠滑sir唔到-_-#
都係「彩虹滑梯」好玩D~~~


「迷你農場」比年紀小一點的寶寶彈彈跳!


還有「爬梯歷險大挑戰」,考下小朋友身手!


還有跟爸爸媽媽一同騎小馬~


不停玩~不停走~


我就快冇電了ヾ(@⌒ー⌒@)ノ
臨尾仲去左影即影即有家庭相,皮皮好like這個氣球造型~


仲有好多好多野玩大架!不能盡碌⋯
在場見到「有機薈農莊」既booth~ 
下次我想帶皮皮去呢個真正既農莊~
是Hello Kitty 做主題的!


離開時在博覽館見到米奇米妮,梗係捉住佢地影返張合照啦~



今日真係好開心呀!

有少少遺憾係玩唔哂全場Game,因為星期日下午實在太多人~呢個農莊真的好受歡迎,好多家長帶小朋友來,一年比一年多人呢~


Daidai媽咪推薦,如果下年再有「探索大自然遊學園x動物農莊」,必定要帶小朋友來玩~

好玩之餘又可學到知識,又可近距離親親小動物~

皮皮學得好快,回家晚上我們看了一本海洋書,他跟我說不要掉垃圾在大海中,否則魚魚和其他海洋生物會死的,好可憐⋯

還有「探索大自然遊學園x動物農莊」是嘆住冷氣玩!夏日消暑的好方法!爽呀!

See u next year!



來回顧這幾年的活動啦~!來看著皮皮每一年成長真的很感觸,個仔開始大了~越大越精叻!
《第一年》
膽小鬼去玩! 探索大自然遊學園x動物農莊2012

《第二年》
嘆住冷氣睇動物@探索大自然遊學園 x 動物農荘 2013

《第三年》
開心邊玩邊學習@「探索大自然遊學園x動物農莊2014」








沒有留言:

發佈留言

LinkWithin

Related Posts with Thumbnails